Zaã a sɛ́wɔ 15:10 - LAWA A BOO SONBORE

¹⁰ Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

LAWA A BOO SONBORE 2011

¹⁰ Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

Zaã a sɛ́wɔ 15:10 ပူးပေါင်းရင်းမြစ်များ

Samayeli2 22:22

A giala, má kɔ Dɛnaa Lawa a zii lɛ, má kɔ lɛ ka bɔlɔgoondɛnaabaa nɛ, man piã ka maa Lawa lɛ-n wa.

Kiin2 18:6

A na á goã naa-n Dɛnaa Lawa ganaa, a goã n niɛ̃ a ganaa wa. Dɛnaa Lawa goã á n gɔn waa Muizu ni ka boon mɛnɛn nɛ, Ezekiasi lɛ bɛn tamaa.

Bɔ bɛ̀rɛbaa nɛ 7:6

Muizu laanka Aarɔn sii lɛ zɛnaa miɛ̃, ǹ nə́ zɛnaa á kɔnpɛ taãn-taãnɛ, ká Dɛnaa din a dí kɔ ǹ la kɛ nɛ.

Izayii 50:5

Dɛnaa Lawa má toon bũ, man piã wa, ma wusoo ma kio-n wa.

Zaã a sɛ́wɔ 10:18

Min bie sii ma la wa dɛ. Man boe ma din ni ma á koe. Pàã tá ma lon ma bɔ ma din ni ma kɔ, pàã tá ma lon dɔn ma wusoo ma si. Maa Díi dí mɛn pɛ ma nɛ, a din lɛ n bɛ nɛ.»

Zaã a sɛ́wɔ 12:49

Ma bie má boo da ma din gɔn wìi a lɛa wa, sɛnɛ, maa Díi mɛn nə ma dia, bɛ màn mɛn pɛ ma nɛ, man bɛ lɛ pii, man minin darɛɛ bɛ lɛ ganaa.

Zaã a sɛ́wɔ 14:15

«Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Zaã a sɛ́wɔ 14:21

«Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 14:31

sɛnɛ, sii mɛn bɛ́ re masɛ yii, man lɛ koe a ganaa, màn mɛn bɛ́ toɛ, kanaa minbuiinin nə dɔ̃ mà masɛ tá maa Díi narɛ, ǹ dɔ̃ dɔn mà man maa dí nyɛɛ á kɔnpii ka maa Díi a da ǹ boo ne. Ka yoo wɔ woo wɔ n bɔ kànaa!

Zaã a sɛ́wɔ 17:4

Man tɔ guguru kɔ tán la, n dí mɛn kɔ ma la, má bɛ nya á nya.

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Zaã a sɛ́wɔ 8:29

Min mɛn ma dia, a tá kun ka ma nɛ. A ma toa ma dinsɔɔ̃ wa, a giala, ma tá a foo sii zɛnɛɛ biikoo tumaa waáraa.»

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Zaã1 2:3

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.

Zaã1 2:5

Sɛnɛ, min mɛn bɛ́ a boo sii, bɛa dɛnaa n Lawa narɛ taãn-taãnɛ, a giala yii li. Wɔ ǹ wɔa doa-kɔn ka Lawa-n doɛ̃ ka bɛa yɔrɔ kɛ nɛ.

Zaã1 2:6

Min mɛn bɛ́ pii mà asɛ á kun ka Lawa nɛ, bɛ doamaa nɛ a Yezu gòɛ̃ saa.

Zaã1 5:3

A giala, bɛ̀ wɔ á Lawa a dí-pɛn lɛn lɛ sii, wɔ n Lawa narɛ ka bɛ nɛ. A dí-pɛn lɛn dɔn ba kaka wɔsɛn ganaa wa,

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.