Zaã a sɛ́wɔ 15:1 - LAWA A BOO SONBORE

¹ Masɛ n *rezɛ̃ da nɛ-kɔle taãn-taãn lɛa, maa Díi n wuru lɛ a dɛnaa lɛa.

LAWA A BOO SONBORE 2011

¹ Masɛ n *rezɛ̃ da nɛ-kɔle taãn-taãn lɛa, maa Díi n wuru lɛ a dɛnaa lɛa.

Zaã a sɛ́wɔ 15:1 ပူးပေါင်းရင်းမြစ်များ

Loe kɔɔ̃n kɔɔ̃n 7:12

Ma din foo dùũ wɔ, daa! Daa wɔ soo, wɔ n ta lalaa, wɔ lɛ̀ waa gɛ̀bi daanan giulun.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 2:21

Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Ezekieli 19:10

N dan kɛ na á goã ka *rezɛ̃ da bɛ́ lɔn, ǹ nə́ zumu mu lɛkoro-a. Mu gigiã lɛ taman yii, a na á goã nɛ koe, a n luu lɛa ka kɛkɛ.

Ozee 10:1

Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Matiə 15:13

Yezu tɔ́n pɛ ǹ nɛ: «Da mɛn tumaa bɛ́ masɛ Di Lawa ná a zumu wa, bɛ tumaa á die n wɛɛ̃.

Matiə 20:1

Lawa a dí lɛ a nya ǹ gɔn a kɔnboe n ka kɛ nɛ: Kɛdɛnaa goon na á da wuru bɔ, bɛa da lɛ tɔ n *rezɛ̃ da. Ǹ kɔ́n pinaa, á yoo baayɛlɛ yiisoone, a n giɛ dí-nyalin li ǹ kiɛ a nɛ.

Matiə 21:33

Ka n too kɔ boo giməə kɔsɔ li. Giĩ goon na á wuru bɔ, á da nɛ-kɔle zumu a nɛ, a tɔ mà *rezɛ̃ da, á kungɔn dɔ, á ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa, á ǹ koa a li, á woo zii ni.

Marki 12:1

Bɛ kio, Yezu boo giməə da ǹ nɛ, á pɛ: – Giĩ goon na á wuru bɔ, á da nɛ-kɔle zumu a nɛ, a tɔ mà rezɛ̃, á kungɔn dɔ a ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa á ǹ kaa nɛ, á tɔ́n woo zii ni.

Luku 13:6

Yezu sii a kɔnboe kɛ nyaa: – Gɔ́rɔ da goon na á goã giĩ goon a dù gɔrɔ nɛ. Á daa ga nɛ li a ganaa, a màn kɔ́n yɛ-a wa.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Zaã a sɛ́wɔ 6:32

Yezu tɔ́n pɛ ǹ nɛ: «Man taãn pii ka nɛ, Muizu bie á lon a buuru lɛ kɔ ka la wa, sɛnɛ, masɛ a Díi n lon a buuru taãn koe ka la.

Zaã a sɛ́wɔ 6:55

A giala, masɛ gɔ̀nɔn siĩ lɛ n màn-bii taãn lɛa, ma mà lɛ n mi ǹ màn taãn lɛa.

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Zaã1 2:8

Sɛnɛ, a n dí-pɛ dii dɔ lɛa man diɛ ka la, a taãnbaa n yii Krita nɛ, ka kasɛn dɔn nɛ. A giala, wɔlɔ tì n kiɛ̃ wɔlɔ fúlu taãn nə tɛ pii gɔrɔ.