Zaã a sɛ́wɔ 14:24 - LAWA A BOO SONBORE

²⁴ Min mɛn bɛ́ a ba masɛ narɛ wa, bɛa dɛnaa ba masɛ a boon sii wa. Ka bɛ́ boo mɛn miɛ masɛ lɛ-n dinin, masɛ din gɔn tɔ boo bie wa, maa Díi mɛn ma dia, bɛ lɛ a boo ne.

LAWA A BOO SONBORE 2011

²⁴ Min mɛn bɛ́ a ba masɛ narɛ wa, bɛa dɛnaa ba masɛ a boon sii wa. Ka bɛ́ boo mɛn miɛ masɛ lɛ-n dinin, masɛ din gɔn tɔ boo bie wa, maa Díi mɛn ma dia, bɛ lɛ a boo ne.

Zaã a sɛ́wɔ 14:24 ပူးပေါင်းရင်းမြစ်များ

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Zaã a sɛ́wɔ 14:10

N ba wɛɛ la mà ma á kun ka maa Díi ni, mà maa Díi dɔ á kun ka masɛ-n wa? Ma bɛ́ boon mɛnɛn pii ka nɛ, ma bie ǹ pii ma din mìi gialaa wa dɛ! Maa Díi mɛn bɛ́ kun ka masɛ nɛ, a din na a nya ǹ dín nyɛɛ.

Zaã a sɛ́wɔ 14:15

«Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Zaã a sɛ́wɔ 14:25

Ma bɛ́ kun ka nɛ, man má bɛa siin lɛn boo da ka nɛ.

Zaã a sɛ́wɔ 3:11

Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Zaã a sɛ́wɔ 5:19

Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.

Zaã a sɛ́wɔ 5:38

A boo din ba ka foo-n wa, a giala, a min mɛn lɛ dia, ka golee li wa.

Zaã a sɛ́wɔ 7:16

Yezu tɔ́n pɛ ǹ nɛ: «Maa doɛ̃ kɛ lɛ bie boe masɛ din ni wa, min mɛn ma dia, bɛ lɛ na á kɔ ma la.

Zaã a sɛ́wɔ 7:28

Yezu bɛ́ minin darɛɛ Lawa a kion, á n lɛn saa lon á pɛ: «Táa ka tá masɛ doɛ̃! Táa ka tá maa bɔ ǹ bǎã doɛ̃! Masɛ bie má daa ma din li wa. Sɛnɛ, min mɛn masɛ dia, sonbore-pɛle ne, ǹ mɛn lɛ bɛ́ ka a doɛ̃ wa.

Zaã a sɛ́wɔ 8:26

Ka dinin wɔ paǹ li, boo gigiã tá masɛ lɛ-n ma pɛ ka nɛ, ma kiri dɔ wɔ ka ganaa sii gigiã a lɛa. Sɛnɛ, min mɛn masɛ dia, sonbore-pɛle ne. Ma boo mɛn ma a li, man bɛ lɛ pii kanaa minbuiinin manɛ.»

Zaã a sɛ́wɔ 8:28

Yezu tɔ́n pɛ ǹ nɛ: «Bɛ̀ ká Min a Nɛgiĩ dere gɔn ganaa lon ǹ mɛn waáraa, ma bɛ́ min mɛn lɛa, ka á re doɛ̃ mà man bɛ lɛa. Ka á re doɛ̃ dɔn mà ma ba sii kɔ́n zɛnɛɛ ma din gɔn wìi a lɛa wa. Maa Díi ma daraa màn mɛn ganaa, man bɛ lɛ pii.

Zaã a sɛ́wɔ 8:38

Ma sii mɛn yɛ maa Díi li, man bɛ lɛ pii. Sɛnɛ, ka dɔn nə màn mɛn ma kaa díi li, ka ǹ bɛ lɛ zɛnɛɛ!»

Zaã a sɛ́wɔ 8:42

Yezu tɔ́n pɛ ǹ nɛ: «Bɛ̀ Lawa n kaa Díi lɛa sonbore, bɛ̀ ka á masɛ narɛ. A giala, masɛ n má bɔ Lawa li má daa. Ma bie má daa ma din gɔn wìi a lɛa wa, a din na á ma dia.