Zaã a sɛ́wɔ 13:13 - LAWA A BOO SONBORE

¹³ Ka ǹ ma bíi Mìinaa, Dɛnaa, ka sonbore pɛ, a giala, man bɛ lɛ lɛa.

LAWA A BOO SONBORE 2011

¹³ Ka ǹ ma bíi Mìinaa, Dɛnaa, ka sonbore pɛ, a giala, man bɛ lɛ lɛa.

Zaã a sɛ́wɔ 13:13 ပူးပေါင်းရင်းမြစ်များ

Zeremii 1:12

Dɛnaa Lawa pɛ ma nɛ: «N yɛ parɛ! Bɛ n nyɛɛ mà ma á re maa da ǹ boo kɛ lɛ piɛ̃ fufuu.»

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Luku 10:28

Yezu pɛ nɛ: «Ń ma lɛ si doɛ̃. N dɔ bɛ lɛ zɛnaa, n tá re nyin nyabaã yii.»

Luku 6:46

Yezu pɛ: – Bɛ̀ ka a masɛ Di Lawa a boo sii ka n zɛnɛɛ wa, wàa mɛn là na a nɛ ka nə n lɛ paparɛ koe masɛ tɔ li, mà «Dɛnaa, Dɛnaa»?

Luku 7:43

Simɔn pɛ mà asɛ n taasɛ mà min mɛn bɛ́ ǹ nə́ giɔ̀mɔ lɛ a gole gole kɛ toa nɛ. Yezu mà a taãn pɛ.

Zaã a sɛ́wɔ 11:2

A din Mariya goongoon kɛ lɛ na á nyɔɔ gìĩ kɔɔ̃n kaa Dɛnaa Yezu gòãn ganaa, á ǹ tuturu ka a din mìi ka nɛ. A din lɛ miãgiĩ Lazaarɛ na á goã a ba lon wa.

Zaã a sɛ́wɔ 11:28

Bɛa diɛ kio, Marti woo lɛ dia ǹ diɛ̃ Mariya la, á n duru á pɛ nɛ: «Mìinaa daa, a tá lɛ diɛ n la.»

Zaã a sɛ́wɔ 11:3

Ǹ miãnɛn min paa lɛ min dia mà a wo pɛ Yezu ni mà Dɛnaa, mà a giaáragiĩ lɛ a lon wa.

Korɛnti1 12:3

Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Efɛɛzi minin 6:9

Kasɛn dɔn mìinaan lɛn, ka zɛnaa miɛ̃ kaa bɛ̀rɛn lɛn wɔ paǹ li. Ka kakaarɛbaa toa walan, ka dɔ̃ mà ka dinin ni, ka kaa bɛ̀rɛn nɛ, mà ka n lon a Goledɛnaa goon toto kɛ wɔn lɛa, asɛ mɛn bɛ́ a bɔkɔnlɛ we wa.

Filipi minin 2:11

Ǹ tumaa pɛ mà Yezu Krita n Dɛnaa lɛa, ǹ Díi Lawa tɔ guguru kɔ nɛ.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Zaaki 2:19

Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.