Zaã a sɛ́wɔ 12:42 - LAWA A BOO SONBORE

⁴² A laan ka bɛ nɛ, nyɛɛnaandɛnan lɛn dininmaan bii, min gigiã golee li. Sɛnɛ, Fariziɛ̃n lɛn taman yii, ǹ yii wɔ ǹ nə nyaa minin yɔrɔ-a wa, màn mɛn bɛ́ toɛ, ǹ baran ǹ loo ǹ nə ǹ bɔ lɛsɔkɔn kion wa.

LAWA A BOO SONBORE 2011

⁴² A laan ka bɛ nɛ, nyɛɛnaandɛnan lɛn dininmaan bii, min gigiã golee li. Sɛnɛ, Fariziɛ̃n lɛn taman yii, ǹ yii wɔ ǹ nə nyaa minin yɔrɔ-a wa, màn mɛn bɛ́ toɛ, ǹ baran ǹ loo ǹ nə ǹ bɔ lɛsɔkɔn kion wa.

Zaã a sɛ́wɔ 12:42 ပူးပေါင်းရင်းမြစ်များ

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 38:19

Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

Matiə 10:32

Bɛ̀ min mɛn lɛ kɔ min tumaa yɔrɔ-a mà an masɛ wɔ lɛa, masɛ dɔ á die lɛ koe ma Di Lawa yɔrɔ-a máa bɛa dɛnaa n masɛ wɔ lɛa sonbore.

Luku 12:8

Yezu pɛ: «Masɛ n pii ka nɛ, bɛ̀ min mɛn na a-n min din tumaa yɔrɔ-a, mà a n masɛ wɔ lɛa, Min a Nɛgiĩ dɔ á re niɛ̃ a nɛ kiri-kurii pinaa, Lawa a lon a dia dí-a wolen yɔrɔ-a, máa a tá masɛ wɔ lɛa sonbore.

Luku 23:13

Pilati tɔ́n lɛ dia wúlu-bɔlen goledɛnan la ka pàã goledɛnan nɛ ka zaman nɛ.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Zaã a sɛ́wɔ 11:45

Zuifun mɛnɛn nə́ da Mariya li, Yezu sii mɛn zɛnaa ǹ nə́ yɛ, ǹ gigiã golee Yezu li.

Zaã a sɛ́wɔ 12:11

a giala, mà a din lɛ a lɛa nɛ, Zuifu gigiã goã ǹ niɛ̃ n boe kunun ǹsɛn nɛ, bɛ̀ ǹ golee Yezu li.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 19:38

Bɛa siin lɛn zɛnaa kio, Zozɛfu mɛn bɛ́ boe Arimatee kiwi, bɛ́ woo Yezu gere nyankɔ Pilati lon. (Zozɛfu na á goã Yezu a kialandɛnaa goon lɛa, sɛnɛ, a na á goã n duri, a giala, a na á goã nyɛ́ɛ biɛ Zuifun lɛn manɛ). Pilati lɛ kɔ, Zozɛfu tɔ́n daa Yezu gere bɔ á woo ne.

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 7:13

Sɛnɛ, min kɔ́n yii goã we a n boo diɛ a wɔ gɔn la foaã wa, Zuifun goledɛnan lɛn lɛa.

Zaã a sɛ́wɔ 7:31

Zaman lɛ bii, min gigiã golee li, ǹ nə́ goã pii: «Bɛ̀ Minin Nyin-sili lɛ daa ǹ mɛn waáraa, Lawa nə n lɛ kɔ ka ǹ mɛn lɛ nɛ, a n die kaãbaa ǹ siin zɛnɛɛ a la giĩ kɛ wɔn manɛ?»

Zaã a sɛ́wɔ 9:22

A yɛ wolen lɛn man nə́ pɛ miɛ̃, a giala, maǹ nə́ goã nyɛ́ɛ biɛ Zuifun goledɛnan lɛn manɛ. A giala, bɛn nə́ saa lɛlɛ ǹ nə́ n lɛ kaa kun, mà bɛ̀ min mɛn nə́ pɛ mà Yezu n Minin Nyin-sili lɛa, mà maǹ die bɛa dɛnaa lui, ǹ ba toɛ a da lɛsɔkɔn kion doo wa.

Zaã a sɛ́wɔ 9:34

Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Rɔmu minin 10:10

Sonbore, bɛ̀ ń golee Lawa li ka n foo ne, Lawa n lɛ koe n ganaa min pepere lɛa, bɛ̀ ń pɛ ka n lɛ nɛ, bɛ n woe n diɛ kirisibaa nɛ.

Zaã1 4:15

Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Zaã1 4:2

Bɛ̀ Lawa Yiri tá ǹ li, ka bɛ́ re doɛ̃ lɔn bɛ á ke: min mɛn bɛ́ pii, mà Yezu *Krita na á daa minbuiin lɛa, Lawa Yiri tá bɛ lon.