Zaã a sɛ́wɔ 12:35 - LAWA A BOO SONBORE

³⁵ Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

LAWA A BOO SONBORE 2011

³⁵ Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 12:35 ပူးပေါင်းရင်းမြစ်များ

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Izayii 2:5

Ka zii saa, Zakɔba a sumu minin lɛn, wɔ tɔ wɔ Dɛnaa Lawa a wɔlɔ fúlu li!

Zeremii 23:12

Bɛ lɛ nɛ, ǹ zii á re wɔrɔnzɔrɔn biɛ ǹ ganaa. Tèlò-n, ǹ tá re n tɔtoe kɔn nɛ, ǹ bɔ ǹ kaa. Taãn nɛ, bɛ̀ ma yoo ǹ gialaa lɛ̀ mɛn-a, man die koe diɛ ǹ mìi ni. Dɛnaa Lawa a da ǹ boo ne.

Luku 18:37

Ǹ nə́ pɛ mà Nazarɛtin Yezu n kiɛ̃.

Zaã a sɛ́wɔ 11:10

Sɛnɛ, bɛ̀ min tá tɔ we tèlò-n, ǹ dɛnaa nə n gòã niɛ̃, a giala, ǹ dɛnaa yii ba wɔlɔ ganaa wa.»

Zaã a sɛ́wɔ 11:9

Yezu tɔ́n pɛ ǹ nɛ: «Biikoo fulupaa bie lɛawaa goon gɔ́ɔ̃-n wa? Sii din tumaa laanka a biikoo ne. Bɛ̀ min nə tɔ we penleen ke, a ba n gòã niɛ̃ wa, a giala, a yii á wɔlɔ ganaa.

Zaã a sɛ́wɔ 12:36

Wɔlɔ fúlu bɛ́ ka li ǹ mɛn waáraa, ka golee bɛ lɛ li, màn mɛn bɛ́ toɛ, ka n baa minin lɛa, min mɛnɛn bɛ́ tɔ we wɔlɔ fúlu li.» Bɛa boon lɛn diɛ kio, Yezu kiɛ̃ á n bɔ ǹ li, á n duru ǹ la.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 16:16

Boɛɛnɛ ka a re masɛ yii doo wa, bɛ kio boɛɛnɛ, ka á re wusii ka ma yɛ.

Zaã a sɛ́wɔ 7:33

Yezu tɔ́n pɛ: «Masɛ n kun ka nɛ biikoo boɛɛn gɔ́ɔ̃ nɛ, bɛ kio, min mɛn ma dia, ma á die wusii ma wo bɛ li.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Korɛnti2 3:14

Sɛnɛ, ǹ màn-doɛ̃ boo la a ná a giala ma wa. Haalɛ pelo, bɛ̀ ǹ tá lɛlɛ a lɛ kɔ kɔn la ǹ sɛ́wɔn kɛn pii, a n ka bɛa tapara kɛ lɛ n tɔn koe ne ǹ siã, ǹ ba ǹ giala miɛ wa. Tapara lɛ tɔn nə n bɔ ǹ siã wa, a giala, a nə n boe golee Krita li wole dinsɔɔ̃ siã.

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.