Zaã a sɛ́wɔ 12:20 - LAWA A BOO SONBORE

²⁰ Min mɛnɛn nə da Lawa guguru kɔ zɔ́n lɛ li, Grɛkin kɔnɔn nə́ goã kunun ǹ ni.

LAWA A BOO SONBORE 2011

²⁰ Min mɛnɛn nə da Lawa guguru kɔ zɔ́n lɛ li, Grɛkin kɔnɔn nə́ goã kunun ǹ ni.

Zaã a sɛ́wɔ 12:20 ပူးပေါင်းရင်းမြစ်များ

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Marki 7:26

a ná a nyankɔ mà a nɔ̀ɔnɔn lɛn loo, á ǹ bɔ asɛ a nɛlɔ lɛ ganaa. Bɛa lɔ kɛ lɛ na á yɛ bɛa gána lɛ nɛ, a bie Zuifu lɛa wa.

Zaã a sɛ́wɔ 12:1

A gialakun bɛ́ á goã lɛawaa sɔrɔ Zuifun *kiɛ̃mala ǹ zɔ́n nə dɔ, Yezu dɔ Betaanii kiwi. A Lazaarɛ mɛn yii kaa á bɔ geren bii, bɛ lɛ na á goã walan.

Zaã a sɛ́wɔ 12:19

*Fariziɛ̃n nə́ tɔ́n pɛ kɔn nɛ mà haya! Mà ǹ yii bɛ́ a ganaa, mà ǹ ba re boe sii kɔ́n la wa. Mà min tumaa á ke toɛ̃ koe a kio lɛ!

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 16:1

Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa.

Nya ǹ dín 17:4

Zuifun tɛnɛn nə́ lɛ kɔ boo lɛ ganaa. Grɛki nyɛ́ɛbaa Lawa-n wole gigiã nɛ, ka lɔ tɔdɛnaa gigiã nɛ, bɛn nə́ ǹ naa Pooli laanka Silaasi ganaa.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 21:28

Maǹ nə́ goã n lɛ dii: «Izirayeli gána minin ka da n dɔ wɔsɛn lɛ! Á ke, min mɛn bɛ́ n bibiĩ bǎã tumaa nɛ, á n minin darɛɛ, á n zia diɛ wɔsɛn tɔrɔ ganaa ka Lawa a dí-pɛn kɛn nɛ, ka Lawa a kion kɛ nɛ, a din nə ke. Táa á ke á daa ka tɔrɔ kɔsɔn dɔn dinin ni Lawa a kion lɛ nɛ, á daa bǎã sonbore lɛ ziziɛ̃!»

Nya ǹ dín 8:27

Filipi bɛ́ á bɛ ma lɔn gɔrɔ, á yoo fufuu á woo. Á daa yaa, giĩ goon dɔ na á goã bɛa zii lɛ la, Etiopii gána a kii lɔ dɛnaa kɛ a dí-nyali gole goon ne. Giĩ lɛ n kii lɛ a kion sii yɔrɔ-bɔle lɛa, á koa a naforo din tumaa mìi la. Bɛa Etiopii gána min kɛ lɛ na á woo Lawa guguru kɔ Zeruzalɛmu,

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Rɔmu minin 10:12

Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Galaasi minin 2:3

Haalɛ maa tá kun wole Tiiti mɛn bɛ́ Grɛki lɛa, ǹ bɛ da kurii ganaa dinin wa.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.