Zaã a sɛ́wɔ 11:24 - LAWA A BOO SONBORE

²⁴ Marti dɔ mà asɛ á doɛ̃ mà a yii á re kiɛ kanaa a nya pinaa.

LAWA A BOO SONBORE 2011

²⁴ Marti dɔ mà asɛ á doɛ̃ mà a yii á re kiɛ kanaa a nya pinaa.

Zaã a sɛ́wɔ 11:24 ပူးပေါင်းရင်းမြစ်များ

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Luku 14:14

A laan màn kɔ́n ba bɛn lon ǹ tá re n bǐɛ̃ lɛ dòo sarɛɛ-n wa, barka tá bɛ nɛ, a giala, Lawa din nə die n bǐɛ̃ lɛ dòo sarɛɛ min peperen yii kaa pinaa.»

Zaã a sɛ́wɔ 11:23

Yezu tɔ́n pɛ nɛ: «N miãgiĩ lɛ yii á die kiɛ.»

Zaã a sɛ́wɔ 6:39

A foo sii lɛ n ka kɛ nɛ: A min mɛnɛn kɔ masɛ la, ma nyan toa bɛn goon papaã wa, sɛnɛ, ma ǹ yii kaa kanaa a nya pinaa.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Nya ǹ dín 24:15

Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ.

Ebrəə 11:35

Golee Lawa li na á toa, lɔn tɛnɛn nə́ ǹ geren yɛ ǹ yii kaa, ǹ nə́ wusoo ǹ nə́ ǹ kɔ ǹ la. Sɛnɛ, gialakunun nə́ dɛ yɛ yǎa á woo dɔ gɛ̀ ganaa, ǹ nə́ n piã ka si a diɛ nɛ, mà ǹsɛn tá re yii-kaa sonbore yii.