Zaã a sɛ́wɔ 10:4 - LAWA A BOO SONBORE

⁴ Bɛ̀ á soo ka ǹ tumaa nɛ ǹ mɛn waáraa, a n miɛ ǹ nyɛɛnɛ, ǹ dɔn man koe a kio lɛ, a giala, ǹ tá a lɛn doɛ̃.

LAWA A BOO SONBORE 2011

⁴ Bɛ̀ á soo ka ǹ tumaa nɛ ǹ mɛn waáraa, a n miɛ ǹ nyɛɛnɛ, ǹ dɔn man koe a kio lɛ, a giala, ǹ tá a lɛn doɛ̃.

Zaã a sɛ́wɔ 10:4 ပူးပေါင်းရင်းမြစ်များ

Loe kɔɔ̃n kɔɔ̃n 2:8

Ma din foo dùũ wɔ lɛ lɛ á boe! Á ke yii die! A n pipiɛ̃ kelen la, paparɛ tentenen la,

Loe kɔɔ̃n kɔɔ̃n 5:2

Man má goã nyuù we, sɛnɛ, ma gɔ́ɔ̃ na á goã koo. Má ma din foo dùũ wɔ lɛ gɔn wuu ma kiɛnlɛ dii. Á pɛ: Miãnɛn, maa paa ǹ wɔ, maa kɔnbɔlɔn, maa yii màn, kiɛnlɛ bũ ma nɛ. A giala, ma mìi yii n pele lɛa, ma mìi ka n tèlò a mu bisin lɛa.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Zaã a sɛ́wɔ 10:16

«Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 10:3

Kiɛnlɛ-lɛduə̃li n kiɛnlɛ buĩ bɛ lɛ nɛ, sèren lɛn manə n too koe bɛ lɛn li. Ǹ mɛnɛn bɛ́ a wɔn lɛa, a nə ǹ gogoonmaa bíi ka a tɔ nɛ, a soo ǹ ne kanaa.

Zaã a sɛ́wɔ 10:5

Ǹ bɛ́ ǹ ba min mɛn doɛ̃ wa, ǹ ba koe bɛ lɛ duduu wa, maǹ baa din sii bɛa dɛnaa nyɛɛnɛ, a giala, ǹ ba a lɛn doɛ̃ wa.»

Zaã a sɛ́wɔ 10:8

Min mɛn din tumaa da masɛ nyɛɛnɛ, wurumunun man ka bɛa dɛnan nɛ, mɛnaa minin la wolen manɛ ǹ nɛ. Sèren lɛn nə ǹ too kɔ ǹ lon wa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 13:15

Sii a kɔnboe n ke ma á nyɛɛ ka nɛ, ma sii mɛn zɛnaa ka nɛ, ka dɔn nə zɛnaa miɛ̃.

Zaã a sɛ́wɔ 18:37

Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Korɛnti1 11:1

Ka ma lɛn zɔɔ̃, ka ma dinmaa bɛ́ *Krita lɛn zoɛ̃ lɔn.

Efɛɛzi minin 5:1

Ka bɛ́ n Lawa a nɛnyaanan lɛa a n ka narɛ, ka n doa ka a din lɛn zɔɔ̃.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Piɛrɛ1 2:21

Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.

Piɛrɛ1 4:1

*Krita lɛ bɛ́ á fuu yɛ a din gɔ̀nɔn nɛ, ka dɔn doamaa nɛ ka ka dinin yɔrɔ bɔ bɛa lɛa. A giala, min mɛn bɛ́ fuu yii a din gɔ̀nɔn nɛ, bɛa dɛnaa nə n dɔ̀ɔ̃ we sii baraa nɛ.

Piɛrɛ1 5:3

Lawa min mɛnɛn kɔ ka la mà ka ǹ nyɛɛnaan bɔ, ka baran pàã nyaa bɛn man wa, sɛnɛ, ka n baa tɔ wɔ ǹ gɔn sonbore nyaa ǹ minin lɛa zaman lɛ nyɛɛnɛ.