Zaã a sɛ́wɔ 10:27 - LAWA A BOO SONBORE

²⁷ Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

LAWA A BOO SONBORE 2011

²⁷ Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 10:27 ပူးပေါင်းရင်းမြစ်များ

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 25:12

Lɔ tii ǹ zuũ lɛ tɔ́n pɛ ǹ nɛ: «Aba, sonbore pɛ á pɛsã, masɛ ba ka doɛ̃ wa.»

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Marki 10:21

Yezu ga a ganaa ka kɔn-narɛɛ nɛ, á pɛ nɛ: «Sii goon nə n nyaabiɛ. Woo, n nə n gɔn màn tumaa sã, n na a wɔrɔ gii doobaan manɛ. Bɛ zɛnaa, n tɔn da kɔ masɛ kio lɛ. N tá re gɔn màn gigiã yii Lawa a piɛ.»

Marki 8:34

Yezu tɔ́n zaman lɛ laanka a kialandɛnan lɛn bíi, á pɛ ǹ nɛ: «Bɛ̀ min mɛn tá li a kɔ masɛ lɛ, yǎa ǹ dɛnaa nə n yiri boe a din ganaa, a nɔmaa si a ganaa a kɔ masɛ lɛ, haalɛ ta a n giɛ̃ dere ǹ gɔn ganaa.

Luku 13:27

A n die pii ǹ ni mà asɛ ba ǹ bɔ ǹ bǎã doɛ̃ wa. Mà ǹ nə n zɔ̃ ǹ nə n bɔ asɛ ganaa. Mà ǹ tumaa n sii baraa-zɛnaalin lɛa.

Luku 9:23

Bɛ kio Yezu pɛ ǹ tumaa nɛ: «Bɛ̀ min mɛn tá li a kɔ masɛ lɛ, bɛa dɛnaa nə n yii bɔ a din-a, a nɔmaa si a ganaa baraabaraa a kɔ masɛ lɛ, haalɛ ta a n giɛ̃ dere ǹ gɔn ganaa.

Zaã a sɛ́wɔ 10:14

Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.

Zaã a sɛ́wɔ 10:16

«Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Zaã a sɛ́wɔ 10:8

Min mɛn din tumaa da masɛ nyɛɛnɛ, wurumunun man ka bɛa dɛnan nɛ, mɛnaa minin la wolen manɛ ǹ nɛ. Sèren lɛn nə ǹ too kɔ ǹ lon wa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 21:22

Yezu tɔ́n na a lɛ si: «Bɛ̀ masɛ tá li mà a goã a yii n koo yǎa masɛ wusii die, n wàa mɛn sii na a nɛ? Yǎa nsɛ kɔ ma kio lɛ!»

Zaã a sɛ́wɔ 5:25

Man taãn pii ka nɛ, biikoo á die, á dɔ dinin, geren tá re masɛ Lawa a Nɛgiĩ lɛ miɛ, a ma-wolen tá re yiikoonaabaa yii.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Zaã a sɛ́wɔ 8:43

Wàa na á baa ka ba maa boo giala miɛ wa? A giala, ka a boe la ka n too kɔ masɛ a boo ganaa wa.

Nya ǹ dín 3:23

Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Ebrəə 3:7

Bɛ lɛ na á toa, ka Yiri Fu bɛ́ pii lɔn: «Pelo, bɛ̀ ka Lawa a lɛ-dia ma,

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.

Sii-nyaan 3:20

N too kɔ, ma tá n kiɛnlɛ-a, man dii. Bɛ̀ min mɛn ma lɛn ma, a ná a kiɛnlɛ bũ ma nɛ, ma á re we ǹ dɛnaa a kion, ma màn bii kun ni, wɔ dinin min paa.