Zaã a sɛ́wɔ 10:16 - LAWA A BOO SONBORE

¹⁶ «Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

LAWA A BOO SONBORE 2011

¹⁶ Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Zaã a sɛ́wɔ 10:16 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Boo-laakalaali 12:11

Sii-dɔ̃lin boon man ka tɔɔn loo ǹ kiɛn bɛ́ lɔn, man ka tɔɔn gama walan wolen gɔnɔn dere tán nɛ, tɔɔ-lɛduə̃li goon dinsɔɔ̃ na á ǹ wɔ.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 56:8

Dɛnaa Lawa mɛn Izirayeli a wo bɛ̀rɛbaa ǹ bǎã n wolen sɔkɔn, bɛa da ǹ boo á ke: «Má minin sɔkɔn má ǹ lɛpɛnɛ nɛ. Man die wusii ma kɔsɔn sɔkɔn kunun ǹ ni doo.»

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Ezekieli 37:22

Ma á re ka biɛ tɔrɔ goon lɛa gána lɛ nɛ, Izirayeli gána a kelen kɛn la. Kii goon tá re giɛ̃ ka tumaa mìi la. Ka a re goɛ̃ wɔlɔ paa doo wa, ka a re goɛ̃ niɛ̃-n kɔn gána màn paa doo wa.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Luku 15:8

«Bɛ̀ wɔrɔ we fù n lɔ lon, yǎa a goon papaã, a n bólon diɛ, a na a kion gɔ́ɔ̃ wɔraa a ga li ka tɛrɛɛ nɛ yǎa a yii. Lɔ mɛn na a ba bɛ zɛnɛɛ wa?

Zaã a sɛ́wɔ 10:11

«Masɛ n sèren-lɛduə̃li sonbore lɛa. Sèren-lɛduə̃li sonbore nə n din koe a sèren lɛa.

Zaã a sɛ́wɔ 10:2

Sɛnɛ, min mɛn bɛ́ we ka kiɛnlɛ nɛ, sèren lɛn lɛduə̃li n ka bɛ nɛ.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 10:3

Kiɛnlɛ-lɛduə̃li n kiɛnlɛ buĩ bɛ lɛ nɛ, sèren lɛn manə n too koe bɛ lɛn li. Ǹ mɛnɛn bɛ́ a wɔn lɛa, a nə ǹ gogoonmaa bíi ka a tɔ nɛ, a soo ǹ ne kanaa.

Zaã a sɛ́wɔ 10:4

Bɛ̀ á soo ka ǹ tumaa nɛ ǹ mɛn waáraa, a n miɛ ǹ nyɛɛnɛ, ǹ dɔn man koe a kio lɛ, a giala, ǹ tá a lɛn doɛ̃.

Zaã a sɛ́wɔ 10:5

Ǹ bɛ́ ǹ ba min mɛn doɛ̃ wa, ǹ ba koe bɛ lɛ duduu wa, maǹ baa din sii bɛa dɛnaa nyɛɛnɛ, a giala, ǹ ba a lɛn doɛ̃ wa.»

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Zaã a sɛ́wɔ 17:20

«Ma bie n nyankoe ǹ dininsɔɔ̃nɔn lɛa wa, min mɛnɛn dɔn bɛ́ re golee masɛ li ǹ da ǹ boo taman yii, ma nə n nyankoe bɛn dɔn lɛa.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Nya ǹ dín 15:14

Lawa din nə saa lɔn a giala koe li, á minin bɔ tɔrɔ kɔsɔn bii, á ǹ baa a din wɔn lɛa, Simɔn na á wusoo á wɔsɛn yiri da bɛ lɛ nɛ.

Nya ǹ dín 18:10

Masɛ Lawa tá kunun n ni taãn-taãnɛ, min kɔ́n ba re boe la a n kũ a fuu nyaa nɛ wa, a giala, kiwi kɛ lɛ nɛ, min gigiã tan, ǹ nə́ die masɛ wɔn biɛ.»

Nya ǹ dín 22:14

Á pɛ ma nɛ: «Wɔ digolon Lawa lɛ na á n bɔ, mà n na asɛ foo sii dɔ̃, n yii Min Pepere kɛ yɛ, n na a boo-diɛ ma.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Tesaloniki2 2:13

Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Piɛrɛ1 2:10

Ka goã Lawa a tɔrɔ minin lɛa lɛlɛ wa, sɛnɛ kanna, ka na a tɔrɔ minin lɛa; kasɛn mɛnɛn bɛ́, Lawa makara bɔ ka ganaa lɛlɛ wa, sɛnɛ kanna, á makara bɔ ka ganaa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.

Sii-nyaan 3:20

N too kɔ, ma tá n kiɛnlɛ-a, man dii. Bɛ̀ min mɛn ma lɛn ma, a ná a kiɛnlɛ bũ ma nɛ, ma á re we ǹ dɛnaa a kion, ma màn bii kun ni, wɔ dinin min paa.