Zaã a sɛ́wɔ 10:14 - LAWA A BOO SONBORE

^14-15 Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.

LAWA A BOO SONBORE 2011

^14-15 Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.

Zaã a sɛ́wɔ 10:14 ပူးပေါင်းရင်းမြစ်များ

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Zaã a sɛ́wɔ 10:11

«Masɛ n sèren-lɛduə̃li sonbore lɛa. Sèren-lɛduə̃li sonbore nə n din koe a sèren lɛa.

Zaã a sɛ́wɔ 10:13

A n baa sii, a giala, a n giɛ a saraa dinsɔɔ̃ li, sèren kɛn bie a yii li ǹ sii lɛa wa.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 17:8

N boon mɛnɛn pɛ masɛ nɛ, man má bɛn lɛn pɛ ǹ nɛ, ǹ nə́ lɛ kɔ bɛa boon lɛn ganaa. Ǹ tá doɛ̃ taãn-taãnɛ, mà masɛ n má bɔ n din Lawa li, ǹ nə́ waa la dɔn, mà n din ni n má dia.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Efɛɛzi minin 3:19

Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.

Sii-nyaan 2:19

Ma á n sii-zɛnaan doɛ̃, n kɔn-narɛɛ nɛ, n foo-doa Lawa ganaa nɛ, n dí-nyɛɛ nɛ, n tá boe n foo la sii gigiã gɔ́ɔ̃ nɛ. Ma á doɛ̃ máa n nya ǹ dí gole kɔ kanna á la n lɛlɛ wɔ nɛ.

Sii-nyaan 2:2

N sii mɛn tumaa zɛnaa, má dɔ̃, n nə n doa ka yɔrɔ mɛn nɛ, má dɔ̃, n nə n foo kũ ka yɔrɔ mɛn nɛ, má bɛ dɔ dɔ̃. Ma á doɛ̃ máa n ba min baraan sii sii n ganaa doɛ̃ wa. Min mɛnɛn bɛ́ n dinin biɛ maa dia dí-a wolen lɛa, n nə́ n da ǹ gɔ́ɔ̃ li, n dɔ̃ mà soɛ-bɔlen manɛ.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

Sii-nyaan 3:15

Ma á n nya ǹ dí doɛ̃, n dí a nyantoto maa wɔ paǹ li wa, a wɛ̃-n dɔ-n wa. Man zoɛ̃ máa n dí goã nyantoto hinlaa wɛ̃ nɛ maa wɔ paǹ li.

Sii-nyaan 3:8

Ma á n nya ǹ dí doɛ̃. Ma á doɛ̃ máa n pàã a tɛ wa, sɛnɛ, ń maa boo lɛ si, n nə n piã ka ma-n wa. Ma á ke, má kiɛnlɛ bũ, má koa n nyɛɛnɛ, min kɔ́n ná a boe la a tã wa.