Zaã a sɛ́wɔ 1:18 - LAWA A BOO SONBORE

¹⁸ Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

LAWA A BOO SONBORE 2011

¹⁸ Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 1:18 ပူးပေါင်းရင်းမြစ်များ

Siin Giala 16:13

Agaara tɔ́n nɔ̀n da a din la kɛnɛn: «Min mɛn yii bɛ́ á masɛ yɛ, masɛ yii bɛa Dɛnaa lɛ yɛ sonbore?» Dɛnaa Lawa mɛn boo da nɛ, á tɔ kɔ a ganaa kɛnɛn: «A n Lawa lɛa, Lawa mɛn yii bɛ́ masɛ ganaa.»

Siin Giala 18:33

Dɛnaa bɛ́ á boo da Abrahamu ni á nya, á woo, Abrahamu dɔ nə́ n bɔyaa á woo piɛ.

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Bɔ bɛ̀rɛbaa nɛ 24:10

Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn.

Suusun 8:30

Man má goã a li, má n dí nyɛɛ kun ni. Man má goã kɔɔ̃n a ganaa baraabaraa, ma nə n nyɛnyɛɛ biikoo tumaa li a yɔrɔ-a.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Busii pɛ 2:12

Maǹ nɔ̀n diɛ ǹ daanan la màn-bii laanka mu ni. Maǹ boe mɛnɛɛ ka bɔlɔkan bɛ́ lɔn. Kiwi lɛ a bǎã dadaraan nɛ, maǹ gɛ̀ kaã boe ǹ daanan gòãn la.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Luku 10:22

«Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 12:41

Izayii na á kɛ lɛ pɛ Yezu wɔ gɔn la, a giala á goã á Yezu a gugurubaa yɛ.

Zaã a sɛ́wɔ 13:23

Kialandɛnan lɛn goon ne, Yezu bɛ́ ǹ mɛn lɛ narɛ a tɔ-a, bɛ goã tán-a a li.

Zaã a sɛ́wɔ 14:9

Yezu mà Filipi ganaa: «Man kun ka ka nɛ haalɛ bibi ǹ duũ, bɛ din tumaa kio, n tɔn masɛ dɔ̃ bɔrɔ wa? Bɛ̀ min mɛn masɛ yɛ, ǹ dɛnaa na á maa Díi yɛ. Wàa na á baa n tá pii doo mà ma maa Díi nyaa ka nɛ?

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 17:6

«N min mɛnɛn bɔ kanaa lɛ gɔ́ɔ̃ nɛ, n nə́ ǹ kɔ masɛ la, má n tɔ nyaa bɛn manɛ. Maǹ nə́ goã n din wɔn lɛa, sɛnɛ, ma n nə́ ǹ kɔ masɛ la. Ǹ nə́ n boo si,

Zaã a sɛ́wɔ 3:11

Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

Zaã a sɛ́wɔ 6:46

A bie ka min na á masɛ a Díi yɛ ka a yii-n wa. Min mɛn bɛ́ á bɔ a li á daa, bɛ lɛ dinsɔɔ̃ ná á yɛ.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Timəə dí-pɛn 4:12

Dɛnaa Lawa na á goã n toɛ bɛa tɛ lɛ bii boo diɛ ka nɛ. Ka n ká goã a boo-diɛ lɛ miɛ, sɛnɛ, ka màn kɔn yɛ ka yii-n wa, bɛ̀ á n bɔ lɛn kɛ lɛ nɛ.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Zozoe 5:13

Zozoe bɛ́ Zerikoo kiwi lɛkoro-a, á n yii saa á ga, bɛ̀ giĩ goon nə́ ke golee ne a nyɛɛnɛ ka a gɔya sa nɛ a gɔn. Zozoe nə́ n zɔ̃ á dɔ a li, á nɔ̀n da la kɛnɛn: «Ma n kun ka wɔsɛn nɛ hinlaa, ma n kun ka wɔsɛn zɔ́ɔn nɛ?»

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

Zaã1 4:20

Bɛ̀ min pɛ, mà asɛ á Lawa narɛ, ǹ dɔɔ̃n dɔ tìĩ n boe-n a nyin ni, soɛ-bɔle ne. Lawa mɛn bɛ́ a yii ba a ganaa wa, a boe la a bɛ narɛ, bɛ̀ ǹ dɔɔ̃n mɛn bɛ́ a yii ná a ganaa, bɛ̀ a ná a bɛ narɛ wa.

Zaã1 4:9

Lawa na a minin narɛ ǹ sii zɛnaa wɔ bii lɔn, bɛ á ke: a ná a Nɛgiĩ goon toto dia kanaa lɛ nɛ, ń giɛ, wɔ á yiikoonaabaa yii a pàã ganaa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.