Sii yɔrɔ-bɔlen 9:56 - LAWA A BOO SONBORE

⁵⁶ Abimelɛki sii baraa mɛn zɛnaa ǹ di ni ka ǹ dɔɔ̃n pɔsɔbaa kɛa dɛ nɛ, Lawa na á bɛ lɛ a dɔlɔ bɔ a ganaa kɛnɛn.

LAWA A BOO SONBORE 2011

⁵⁶ Abimelɛki sii baraa mɛn zɛnaa ǹ di ni ka ǹ dɔɔ̃n pɔsɔbaa kɛa dɛ nɛ, Lawa na á bɛ lɛ a dɔlɔ bɔ a ganaa kɛnɛn.

Sii yɔrɔ-bɔlen 9:56 ပူးပေါင်းရင်းမြစ်များ

Siin Giala 9:5

Bɛ̀ tɔɔ min dɛ, ma á re dɔlɔ boe a ganaa. Bɛ̀ min nə́ ǹ miã dɛ, ma á re dɔlɔ boe bɛa dɛnaa ganaa.

Siin Giala 9:6

Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

Zɔbu 31:3

Nɔmaa bie sii baraa-zɛnaali yii wa ya? Bɔ̀n bie sii kɔkɔrɔ-zɛnaali yii wa ya?

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Loen 9:12

Dɛnaa Lawa mɛn bɛ́ giã-n *Siɔn, ka daa wɔ loe lɔ wɔ a tɔ bɔ nɛ. Ka a nya ǹ dí dadaran kɛn laakalaa tɔrɔn bii.

Loen 94:23

Ǹ bɛ́ giɛ baraa mɛn li, maa wɔ paǹ li, wɔa Dɛnaa Lawa lɛ na á ǹ saraa ka bɛ lɛ nɛ. Á ǹ dinin baraabaa lɛ kuməə ǹ mìi ni, á ǹ sàabaa nɛ.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Nya ǹ dín 28:4

Gána lɛ a minin bɛ́ ǹ nə́ bɛa miɛ̃ kɛ yɛ, á lɛ n paraa-n Pooli gɔn ganaa, ǹ nə́ pɛ kɔn nɛ: «Giĩ kɛ n die goɛ̃ minin nyin-bɔle lɛa taãn-taãnɛ, a laanɛ a gã mu li ke wa, Sonbore a re toɛ a la wa.»

Galaasi minin 6:7

Ka nyan sã ka dinin yiri ganaa wa. Min ba yaa we Lawa ganaa wa. Bɛ̀ min màn mɛn da, a n die bɛ lɛ kuri.

Sii yɔrɔ-bɔlen 9:24

Sonbore ne, a sii babaraa mɛn zɛnaa Yerubaali a nɛgiĩ pɔsɔbaa kɛ nɛ, yǎa bɛa gɛ̀-dòo nə n boe a ganaa. Ǹ mìi gɔ́ɔ̃ ǹ sii n doe ǹ dɔɔ̃n Abimelɛki lɛ din ganaa, asɛ mɛn bɛ́ á ǹ dɛ. Ǹ mìi gɔ́ɔ̃ ǹ sii n doe Sisɛmu kiwidɛnan lɛn dɔn ganaa, ǹsɛn mɛnɛn bɛ́ ǹ nə́ n dɔ Abimelɛki lɛ, á ǹ dɔɔ̃nɔn lɛn dɛ.

Sii yɔrɔ-bɔlen 9:55

Izirayeli minin lɛn bɛ́ ǹ nə́ yɛ mà Abimelɛki gã, didie wusoo á woo a piɛ.

Sii yɔrɔ-bɔlen 9:57

Sisɛmu minin dɔn nə baraabaa mɛn zɛnaa, Lawa na á bɛ lɛ a dɔlɔ da ǹ mìi ni. Yerubaali a nɛgiĩ Zoatamu lɛn baraa mɛn bíi ǹ li, bɛ lɛ na á pã kɛnɛn.