Sii yɔrɔ-bɔlen 9:53 - LAWA A BOO SONBORE

⁵³ Bɛa biikoo li, lɔ goon nə́ gii nɛ zũ Abimelɛki ni. Á woo kũ a mìi ganaa, á na a mìi yu.

LAWA A BOO SONBORE 2011

⁵³ Bɛa biikoo li, lɔ goon nə́ gii nɛ zũ Abimelɛki ni. Á woo kũ a mìi ganaa, á na a mìi yu.

Sii yɔrɔ-bɔlen 9:53 ပူးပေါင်းရင်းမြစ်များ

Samayeli2 11:21

Die na á Zerubesɛti a nɛgiĩ Abimelɛki dɛ? Lɔ bie á n toa kungɔn la á gii nɛ zũ li wa? A na á gã bɛa yɔrɔ kɛ lɛ la Tebɛsi kiwi. Wàa na á baa ka n mɔrɔ kungɔn lɛ ganaa?» N die n pɛ kii lɛ-n kɛnɛn: «N dí-nyali Urii Ɛti tɔrɔ lɛ dɔ́ gã.»

Samayeli2 20:21

Sii lɛ bie bɛ lɛa wa. Sɛnɛ, Efrayimu kele yii bǎã kɛa min goon na á n gòãn dii kii Davida ganaa. Giĩ lɛ tɔ n Sebaa, Bikrii a nɛgiĩ ni. Ka a dinsɔɔ̃ kũ ka kɔ ma la, ma á re woe man bɔ kiwi lɛ yɔrɔ-a.» Lɔ lɛ tɔ́n pɛ Zoabu ni: «A bɛ́ miɛ̃, ma á re a mìi zuĩ n la ka kungɔn nɛ.»

Zɔbu 31:3

Nɔmaa bie sii baraa-zɛnaali yii wa ya? Bɔ̀n bie sii kɔkɔrɔ-zɛnaali yii wa ya?

Zeremii 49:20

Dɛnaa Lawa sii mɛn yɔrɔ bɔ Edɔmu wɔ lɛa, a sii mɛn yɔrɔ bɔ Teman minin wɔ paǹ li, ka n too kɔ bɛ li kəni: Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ bɔnboɛɛnɛn tumaa nɛ, ka tɔɔn bɛ́ lɔn. Sàabaa ba la wa, ǹ dinin taman yii, ǹ tá re ǹ zìã wurii.

Zeremii 50:45

Dɛnaa Lawa sii mɛn yɔrɔ bɔ Baabilonii gána wɔ lɛa, a sii mɛn yɔrɔ bɔ Baabilonii minin wɔ paǹ li, ka n too kɔ bɛ li kəni. Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ nɛnyaanan tumaa nɛ, ka tɔɔn wɔ bɛ́ lɔn. Sàabaa ba la wa ǹ dinin taman yii, ǹ tá re ǹ zìãn wurii.

Sii yɔrɔ-bɔlen 4:9

Deboraa pɛ nɛ: «Ma á re woe kunun n ni. Sɛnɛ, bɛ̀ má woo, n din ni n ba re gugurubaa yii a-n wa. A giala, Dɛnaa Lawa n die Sizeraa lɛ we lɔ gɔn.» Bɛ kio, Deboraa yoo á woo kun ka Baraki ni Kedɛsi kiwi.

Sii yɔrɔ-bɔlen 9:15

Daãn nyɛndɛnaa lɛ sɛ́ dan lɛn lɛ si: «Bɛ̀ ka tá li sonbore, ka masɛ bɔ ka masɛ koa kii lɛa ka mìi la, ka kiɛ̃ ka da giã maa wúlu li. Sɛnɛ, bɛ̀ ka zɛnaa miɛ̃ wa, tɛ á re soe daãn nyɛndɛnaa lɛ nɛ, á re Liban da sɔsɔrɔn kɛn kuĩ.»

Sii yɔrɔ-bɔlen 9:20

Sɛnɛ, bɛ̀ a miɛ̃ wa, tɛ die a soo Abimelɛki ni, a Sisɛmu kiwidɛnan kɛn laanka Bɛti-Miiloo minin kɛn kũ. Tɛ die a soo Sisɛmu kiwidɛnan kɛn laanka Bɛti-Miiloo kiwidɛnan kɛn nɛ a na a dɔ kũ.»

Sii yɔrɔ-bɔlen 9:52

Abimelɛki woo yǎa á dɔ sanabolo lɛ li. Á zia baa minin lɛn ganaa, á n zɔ̃ á n mɔrɔ yǎa sanabolo lɛ a kiɛnlɛ-a, mà asɛ n tɛ diɛ a ganaa.