Sii yɔrɔ-bɔlen 9:15 - LAWA A BOO SONBORE

¹⁵ Daãn nyɛndɛnaa lɛ sɛ́ dan lɛn lɛ si: «Bɛ̀ ka tá li sonbore, ka masɛ bɔ ka masɛ koa kii lɛa ka mìi la, ka kiɛ̃ ka da giã maa wúlu li. Sɛnɛ, bɛ̀ ka zɛnaa miɛ̃ wa, tɛ á re soe daãn nyɛndɛnaa lɛ nɛ, á re Liban da sɔsɔrɔn kɛn kuĩ.»

LAWA A BOO SONBORE 2011

¹⁵ Daãn nyɛndɛnaa lɛ sɛ́ dan lɛn lɛ si: «Bɛ̀ ka tá li sonbore, ka masɛ bɔ ka masɛ koa kii lɛa ka mìi la, ka kiɛ̃ ka da giã maa wúlu li. Sɛnɛ, bɛ̀ ka zɛnaa miɛ̃ wa, tɛ á re soe daãn nyɛndɛnaa lɛ nɛ, á re Liban da sɔsɔrɔn kɛn kuĩ.»

Sii yɔrɔ-bɔlen 9:15 ပူးပေါင်းရင်းမြစ်များ

Kiin2 14:9

Izirayeli gána a kii Zoasi lɛ dɔ minin dia woe pii Zudaa gána a kii Amasiya lɛ-n kɛnɛn: – Liban gána a koronkoron nyandɛnaa, na á dia woe pii Liban gána a da kaka nɛ: «N nɛlɔ kɔ masɛ a nɛginin la lɔ lɛa!» Sɛnɛ, don siĩn mɛnɛn bɛ́ Liban, bɛn nə́ tɔtɔrɔ koronkoron lɛ la.

Loen 104:16

N din dan mɛnɛn zumu, Liban da dadaran kɛn, bɛn dɔn man kiɛ̃ ka mu ni.

Loen 29:5

Dɛnaa Lawa lɛn lɛ n da kakan kɛn yiɛ, Dɛnaa Lawa n Liban da kakan kɛn yiyiɛ.

Izayii 1:31

Min kaka n die goɛ̃ ka buu gere bɛ́ lɔn, a zɛnaa ǹ sii n die goɛ̃ ka tɛ nàn bɛ́ lɔn, ǹ tumaa n die kuĩ kun, min kɔn ba re boe la a nimi wa.

Izayii 2:13

Á re yui Liban a *sɛdrə da sɔsɔrɔn kɛn gialaa, ka Basan a sɛni da sɔsɔrɔn kɛn nɛ,

Izayii 30:2

Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Ezekieli 19:14

Tɛ soo da lɛ gùrùn ni, a ná a gùrùn laanka a nɛ kũ. Gùrù dadaran ba rezɛ̃ da lɛ ganaa doo wa, kiin kiibaa ǹ bàlà a yii a ganaa doo wa. Kɛa loe kɛ n siĩni a n lɔ foo ziziɛ̃ ǹ loe lɛa.

Ezekieli 31:3

Á ke Asiirii na á goã ka Liban da kaka kɛ bɛ́ lɔn, A gùrùn nə́ siĩni, luu lɛa ka kɛkɛ, a wúlu ná a tan. A na á goã sasa taãn-taãnɛ, a mìi la woo n doa labaran ganaa.

Ozee 14:7

Á re gɔnɔn nyoɛ̃, a siĩnbaa n die goɛ̃ ka Olive da bɛ́ lɔn, a gìĩ a kɔɔ̃nbaa n die goɛ̃ ka Liban wɔ bɛ́ lɔn.

Minin nimi 21:28

Tɛ soo Ɛsibɔn kiwi, Tɛ buə̃ soo Sihɔn a kiwi, á n daa Aara kiwi la, Moabu gána nɛ, á n daa dì nyìnin kɛn la, ka Arnɔn a wúlu bɔ ǹ bǎãn nyɛɛnandɛnaan nɛ.

Matiə 13:32

A din nə màn nàn tɔrɔn tumaa a boɛɛn lɛa. Sɛnɛ, bɛ̀ ǹ nə́ da, A din nə gole á la ǹ miã dù gɔrɔ dan kɛn dinin tumaa nɛ. A n da biɛ, bàanan dinin nə́ da ǹ kii dɔ a gùrùn mala.»

Sii yɔrɔ-bɔlen 9:14

Bɛ kio, dan lɛn tumaa nə́ n lɛ kaa kun, ǹ nə́ pɛ daãn nyɛndɛnaa kɔn nɛ: «Nsɛ kiɛ̃ n da giã wɔ mìi la kii lɛa.»

Sii yɔrɔ-bɔlen 9:16

Zoatamu wusoo á pɛ kɛnɛn doo: «Ka bɛ́ ka Abimelɛki koa kii lɛa, táa parsii sii ni ka zɛnaa! Sii pepere ne ka zɛnaa? Sii sonbore n ka kɛ nɛ, ka zɛnaa Yerubaali laanka a kion minin manɛ? A dí mɛn nya ka nɛ, ka bɛ miã nya nɛ?

Sii yɔrɔ-bɔlen 9:20

Sɛnɛ, bɛ̀ a miɛ̃ wa, tɛ die a soo Abimelɛki ni, a Sisɛmu kiwidɛnan kɛn laanka Bɛti-Miiloo minin kɛn kũ. Tɛ die a soo Sisɛmu kiwidɛnan kɛn laanka Bɛti-Miiloo kiwidɛnan kɛn nɛ a na a dɔ kũ.»

Sii yɔrɔ-bɔlen 9:44

Abimelɛki laanka ǹ mɛnɛn bɛ́ kun, bɛn nə́ n nanaa ǹ nə́ woo golee kiwi lɛ a wɔ ǹ kiɛnlɛ-a. Min mɛn tumaa bɛ́ don, kuru gialakun paa kɛa minin nə́ kaa bɛn la, ǹ nə́ ǹ dɛ.

Sii yɔrɔ-bɔlen 9:49

Minin lɛn gogoonmaa da gùrù kuru, ǹ nə́ kɔ Abimelɛki kio lɛ. Ǹ nə́ woo bɛa da gùrùn lɛn sɔɔ dì kion lɛ ganaa, ǹ nə́ tɛ da a ganaa. Min mɛnɛn tumaa goã a nɛ, tɛ bɛn kũ. Migdali-Sisɛmu minin lɛn tumaa na á gã ka bɛa yɔrɔ lɛ nɛ. Ǹ nə́ dɔ min duu goon kɛ miã, giĩn laanka lɔn nɛ.