Sii yɔrɔ-bɔlen 7:22 - LAWA A BOO SONBORE

²² Bɛn biɛ sɔɔ lɛ lɛn bɛ́ boe, Dɛnaa Lawa toa ǹ dinin nə́ n bɔyaa kɔn li bǎã tumaa nɛ, ǹ nə́ kɔn dɛdɛ ka gɔya san nɛ. Zia-baalin lɛn tumaa baa si yǎa Bɛti-Sitaa, Sereraa paǹ li, ǹ nə́ woo yǎa Abeli-Mewolaa tà lɛ-a, kunu Tabati li.

LAWA A BOO SONBORE 2011

²² Bɛn biɛ sɔɔ lɛ lɛn bɛ́ boe, Dɛnaa Lawa toa ǹ dinin nə́ n bɔyaa kɔn li bǎã tumaa nɛ, ǹ nə́ kɔn dɛdɛ ka gɔya san nɛ. Zia-baalin lɛn tumaa baa si yǎa Bɛti-Sitaa, Sereraa paǹ li, ǹ nə́ woo yǎa Abeli-Mewolaa tà lɛ-a, kunu Tabati li.

Sii yɔrɔ-bɔlen 7:22 ပူးပေါင်းရင်းမြစ်များ

Kiin1 19:16

N die n nyɔɔ lɔ Nimisi a nɛgiĩ Zewu ganaa, n koa Izirayeli gána a kii lɛa. Saafaati mɛn bɛ́ boe Abeli-Mewolaa kiwi, n die n nyɔɔ lɔ bɛa nɛgiĩ Yiliizee dɔ ganaa, n koa Lawa a boo gii-dali lɛa n din dòo.

Kiin1 4:12

Ayiwudu a nɛgiĩ Baanaa na á goã Tanaaki laanka Megidoo mìi la, ka Bɛti-Seyan gána tumaa nɛ, gána lɛ n boe Zarɛtan genli, Zizereyɛli kiwi a gusin a lɛ̀gɔn la, a wo Abeli-Mewolaa kiwi yaa, a kiɛ̃ a woo yǎa a Yokmeyaa kiwi niɛ̃.

KZS2 20:23

Amɔn minin laanka Moabu minin nə́ yiɛ Seyiri kele yii minin gialaa, ǹ nə́ ǹ dɛ yǎa á woo ǹ giala nyɔmiɛ̃ yaa. Bɛ kio, ǹ dinin nə́ n bɔyaa kɔn li ǹ tá kɔn dii.

Loen 83:9

Haalɛ Asiirii minin dɔn nə́ n naa ǹ ganaa, ǹ nə́ n dɔ Lɔti a nɛnyaanan lɛ.

Izayii 19:2

Dɛnaa Lawa pɛ: «Man die Ezipti minin yii soe kɔn ganaa, ǹ kɔn dɛ, dɔɔ̃n laanka dɔɔ̃n, giaára laanka giaára, kiwi laanka kiwi, gána laanka gána.

Izayii 9:3

Sonbore, zǔu mɛn goã n zaman wìi li, n goã ǹ dii ka dɔ̀rɔ̀n mɛnɛn nɛ, ka sɛ̌nɛn kɛn nɛ ń goã ǹ duwii ni, ń bɛn yiyiɛ, ka n bɛ́ n gɔ̀lɔ̀baa yɛ Madiã minin la lɔn lɛlɛ.

Izayii 9:4

Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.

Ezekieli 38:21

Dɛnaa Lawa a da ǹ boo á ke: Ma á re zia yui ma kaa nsɛ Gɔgu ganaa, ma din a kelen kɛn tumaa la. N sɔraasin lɛn tá re kɔn dii.

Abakuku 3:14

Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.

Azee 2:22

Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

Zakarii 14:13

Bɛa pinaa lɛ nɛ, Dɛnaa Lawa á re nyín-soo gole diɛ ǹ ganaa. Ǹ tá re yui kɔn gialaa, didie tumaa laanka ǹ miãkɛn.

Korɛnti2 4:7

Masɛ n goon ka gì tàan nɛ, gɔn màn sonbore kɛ n ma nɛ, màn mɛn bɛ́ toɛ ǹ dɔ̃, mà pàã gole mɛn tɔrɔ bɛ́ ma nɛ, mà Lawa din pàã nɛ, mà masɛ wɔ bie wa.

Zozoe 3:16

mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.

Zozoe 6:16

A gunyin sɔbaabaa ǹ wɔ li kəni, wúlu-bɔlen lɛn nə́ bɛn pɛ. Zozoe tɔ́n pɛ zaman lɛ nɛ mà ǹ nə n lɛ dɛ, a giala, mà Dɛnaa Lawa kiwi lɛ kɔ ǹ la.

Zozoe 6:20

Bɛ kio, ǹ nə́ bɛn pɛ. Zaman lɛ din bɛ wuu ma lɔn, ǹ nə́ kaa lɛ-dɛ-n kɔsɛkɔsɛ, kiwi lɛ a kungɔn na, á kaa a din li. Zaman lɛ yiɛ á tele kiwi lɛ ganaa. Didie woo a din nyɛɛn perepere, ǹ nə́ kiwi lɛ si ǹ nə́ n kɔ lɛ.

Zozoe 6:4

Lawa a wúlu-bɔle sɔbaa die a mɛ goo lɛ nyɛɛnɛ, ka bɛn sɔbaa kɛ nɛ. A lɛawaa sɔbaabaa ǹ wɔ pinaa, ka die ka kiwi lɛ lɛnpɛnɛ gunyin sɔbaa, bɛ̀ wúlu-bɔlen lɛn sɛn tá bɛa bɛnɛn lɛn pii.

Samayeli1 18:19

Sayulu a nɛlɔ Meraabu doamaa bɛ́ nɛ a dɔ Davida ganaa biikoo mɛn li, ǹ nə́ kũ ǹ nə́ kɔ Meholaa a nɛgiĩ Adriyeli la, lɔ lɛa.