Sii yɔrɔ-bɔlen 7:19 - LAWA A BOO SONBORE

¹⁹ Làan nə́ pii mà a n die koe, Zediɔ̃ laanka giĩ paabiɛ mɛn bɛ́ kun, ǹ nə́ dɔ Madiã minin giã ǹ bǎã lɛ lɛkoro-a. Bɛ á zɛnɛɛ, bɛ̀ ǹ nə́ bǎã-lɛduə̃lin lonkɔ, a tɔn belebɔ wa. Izirayeli minin ná a giala kɔ, ǹ nə́ bɛnɛn pɛpɛ. Dɔ́nɔn mɛnɛn nə goã ǹ gɔn, ǹ nə́ bɛn yuyu tán.

LAWA A BOO SONBORE 2011

¹⁹ Làan nə́ pii mà a n die koe, Zediɔ̃ laanka giĩ paabiɛ mɛn bɛ́ kun, ǹ nə́ dɔ Madiã minin giã ǹ bǎã lɛ lɛkoro-a. Bɛ á zɛnɛɛ, bɛ̀ ǹ nə́ bǎã-lɛduə̃lin lonkɔ, a tɔn belebɔ wa. Izirayeli minin ná a giala kɔ, ǹ nə́ bɛnɛn pɛpɛ. Dɔ́nɔn mɛnɛn nə goã ǹ gɔn, ǹ nə́ bɛn yuyu tán.

Sii yɔrɔ-bɔlen 7:19 ပူးပေါင်းရင်းမြစ်များ

Loen 2:9

Pàã mɛn bɛ́ kaka ka fɔlɔ nɛ, n tá re bɛ nyɛɛ ǹ nɛ, n tá re ǹ yɔyɔrɛ ka gì donkolon bɛ́ lɔn.

Loen 90:4

Taãn nɛ, Lawa yii li, lɛ̀ duu goon nə ka gunun lɛawaa mɛn bɛ́ á kiɛ̃, a n ka tèlò a biikoo goon bɛ́ lɔn.

Bɔ bɛ̀rɛbaa nɛ 14:24

Baayɛlɛ yiisoo lɛn li, Dɛnaa nə n toa tɛ laanka tɛmaa bara lɛ bii, á ga Ezipti minin lɛn ganaa, á lɔlɔkɔn wɔ ǹ bii.

Matiə 25:6

Làan bɛ́ á kɔ, ǹ nə́ n lɛ dɛ: «Lɔ tii ǹ zuũ lɛ á ke! Ka soo ka n da lɛ!»

Tesaloniki1 5:2

Ka dininmaan tá doɛ̃ parsiini. Dɛnaa a daa pinaa lɛ n die wɔ tɔwɛɛ, ka wurumu bɛ́ die min tɔwɛɛ tèlò-n lɔn.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»

Sii yɔrɔ-bɔlen 7:16

Zediɔ̃ min biɛ sɔɔ lɛ tala kɔn kuru sɔɔ. Á bɛn kɔ ǹ gogoonmaa la, ka dɔ́n gɔ́ɔ̃ kooro-a nɛ, bolon nə́ koe ne a lɛ lɛ.

Sii yɔrɔ-bɔlen 7:18

Ma laanka min mɛn tumaa bɛ́ kun, wɔsɛn tá re bɛn pii. Bɛa biikoo li, ka dɔn nə bɛn pɛ, ka giã ǹ bǎã lɛ lɛnpɛnɛ nɛ, bɛ̀ ka tá n lɛ dii ka n pii: «Dɛnaa Lawa laanka Zediɔ̃ wɔ nɛ.»

Sii yɔrɔ-bɔlen 7:20

Bɛa biikoo li, kuru sɔɔ lɛ tumaa a minin nə́ bɛnɛn pɛpɛ, ǹ nə́ dɔ́nɔn lɛn yuyu tán. Didie ná a bolon kũ a gɔsɛ nɛ, bɛn ná a gusin ni, ǹ tumaa nə́ n lɛ dii mà «zia lɛ n Dɛnaa Lawa laanka Zediɔ̃ wɔ lɛa.»