Sii yɔrɔ-bɔlen 7:15 - LAWA A BOO SONBORE

¹⁵ Zediɔ̃ bɛa narɛɛ lɛ a boo ma lɔn ka a binyəə ne, á kaa tán á Lawa guguru kɔ. Bɛ kio, á n bɔyaa á daa Izirayeli minin lɛn giã ǹ bǎã nɛ, á pɛ: «Ka yoo, a giala, Dɛnaa Lawa Madiã a zia-baalin lɛn wɔ wɔ gɔn.»

LAWA A BOO SONBORE 2011

¹⁵ Zediɔ̃ bɛa narɛɛ lɛ a boo ma lɔn ka a binyəə ne, á kaa tán á Lawa guguru kɔ. Bɛ kio, á n bɔyaa á daa Izirayeli minin lɛn giã ǹ bǎã nɛ, á pɛ: «Ka yoo, a giala, Dɛnaa Lawa Madiã a zia-baalin lɛn wɔ wɔ gɔn.»

Sii yɔrɔ-bɔlen 7:15 ပူးပေါင်းရင်းမြစ်များ

Siin Giala 24:48

Má kaa tán Dɛnaa yɔrɔ-a, má a guguru kɔ. Má barka da maa dɛnaagiĩ Abrahamu a Dɛnaa Lawa nɛ, bɛ mɛn bɛ́ á mɛ ma nyɛɛnɛ sɔnbɔraanɛ, maa zii tɔ-wɔ kɛ gɔ́ɔ̃ nɛ, màn mɛn bɛ́ toɛ, ma maa dɛnaagiĩ lɛ dɔɔ̃n a nɛ saa, ma da kɔ a nɛgiĩ la lɔ lɛa.

Siin Giala 40:8

Ǹ nə́ tɔ́n pɛ-n kɛnɛn: «Wɔ ǹ wɔ́ n narɛ, min kɔ́n dɔ banban, a n boe la, a tá wɔa narɛɛn lɛn giala pii wɔ-n wa.» Zozɛfu tɔ́n pɛ ǹ nɛ: «Lawa á boe la, a na a giala pɛ ka nɛ. Ka n narɛ ka sii mɛn nɛ, ka pɛ ma nɛ.»

Siin Giala 41:11

Wɔ́ n narɛ kun tèlò goon ne, narɛɛ lɛ gogoonmaa laanka a giala nɛ.

Sii yɔrɔ-bɔlen 3:28

Á pɛ ǹ nɛ: Ka kɔ ma kio lɛ, a giala, Dɛnaa Lawa kaa zɔ́ɔ Moabu minin lɛn wɔ ka gɔn. Ǹ nə́ gisĩ, ǹ nə́ kɔ lɛ. Ǹ nə́ zii tã Moabu minin ganaa Zurdɛ̃ tà gòã nɛ, ǹ toa min kɔn kiɛ̃ wa.

Sii yɔrɔ-bɔlen 4:14

Deboraa tɔ́n pɛ Baraki ni: «Yoo, a giala, pelo lɛ nɛ, Dɛnaa Lawa á re Sizeraa we n gɔn. Dɛnaa Lawa din nə́ soo á mɛ n nyɛɛnɛ.» Baraki gisĩ á n bɔ Tabɔɔrɔ kele la, ka giĩ duu fù lɛ nɛ a kio.

Sii yɔrɔ-bɔlen 7:11

Ǹ bɛ́ boo mɛn diɛ walan, n too kɔ li. N foo á re taɛ̃, n boo la n wo minin lɛn gialaa.» Zediɔ̃ woo kun ka a dí-nyali Puraa nɛ, yǎa ǹ zia-baalin lɛn giã ǹ bǎã lɛkoro-a.

Sii yɔrɔ-bɔlen 7:14

Ǹ miã lɛ ná a lɛ si á pɛ nɛ: «Kɛ bie sii kɔsɔ giala pii wa. Izirayeli min Zoasi a nɛgiĩ Zediɔ̃ a ziabaa ǹ gɔya sa kɛ a sii ni. Lawa Madiã minin lɛn laanka ǹ zia-baalin tumaa wɔ a gɔn dɔn.»

Sii yɔrɔ-bɔlen 7:16

Zediɔ̃ min biɛ sɔɔ lɛ tala kɔn kuru sɔɔ. Á bɛn kɔ ǹ gogoonmaa la, ka dɔ́n gɔ́ɔ̃ kooro-a nɛ, bolon nə́ koe ne a lɛ lɛ.

Sii yɔrɔ-bɔlen 8:7

Zediɔ̃ nə́ ǹ lɛ si á pɛ: «Bɛ̀ Dɛnaa Lawa Zebaa laanka Salmunaa wɔ ma gɔn ǹ mɛn pinaa, ma á re kasɛn kɛn duwii ka nyɛn nɛ, ka koronkoron nyɛndɛnaa kɛ nɛ boe don.»

Samayeli1 1:28

Ma dɔ n wusii bɛ siɛ koe Dɛnaa Lawa la. Maa yiikoonaabaa tumaa gɔ́ɔ̃ nɛ, a n die goɛ̃ Dɛnaa Lawa wɔ lɛa.» Bɛa bǎã kɛ lɛ nɛ, ǹ nə́ Dɛnaa Lawa guguru kɔ.

Samayeli1 14:12

Min mɛnɛn bɛ́ bǎã lɛ nɛ, ǹ nə́ n toa Zonaatan laanka a ziabaa ǹ mànan-gũli lɛ ganaa: «Ka kiɛ̃ ka da wɔ ganaa, wɔ sii kɔn nyaa ka nɛ.» Zonaatan pɛ a ziabaa ǹ mànan-gũli lɛ nɛ: «Kɔ ma kio lɛ: Dɛnaa Lawa na á ǹ wɔ Izirayeli minin gɔn.»