Sii yɔrɔ-bɔlen 6:5 - LAWA A BOO SONBORE

⁵ Sonbore, maǹ nə́ goã yui ka ǹ mɔnaa kionən ne, ǹ dinin laanka ǹ tɔɔn nɛ, gigiã ka bisinin bɛ́ lɔn, bɛ̀ ǹ da Izirayeli minin lɛn gialaa. Ǹ laanka ǹ nyɔɔmaan kɛn man nə́ goã gigiã, min ba boe la a tá ǹ nimii wa. Maǹ nə́ goã die we gána lɛ nɛ, bɛ̀ ǹ basaã kɔ nɛ.

LAWA A BOO SONBORE 2011

⁵ Sonbore, maǹ nə́ goã yui ka ǹ mɔnaa kionən ne, ǹ dinin laanka ǹ tɔɔn nɛ, gigiã ka bisinin bɛ́ lɔn, bɛ̀ ǹ da Izirayeli minin lɛn gialaa. Ǹ laanka ǹ nyɔɔmaan kɛn man nə́ goã gigiã, min ba boe la a tá ǹ nimii wa. Maǹ nə́ goã die we gána lɛ nɛ, bɛ̀ ǹ basaã kɔ nɛ.

Sii yɔrɔ-bɔlen 6:5 ပူးပေါင်းရင်းမြစ်များ

Loe kɔɔ̃n kɔɔ̃n 1:5

Zeruzalɛmu nɛnɛn lɛn, masɛ gɔ̀nɔn nə tì birəəne, sɛnɛ ma á siĩni. Kedaara minin kionən kɛn, ma gɔnɔn lɛ n tì birəə miɛ̃. A laanka bɛ yii ni, masɛ n siĩni, ka Salomɔn a kion mɔnaa nyaǹ dɛnan kɛn bɛ́ lɔn.

Izayii 13:20

Min kɔn ba re giɛ̃ a-n doo duduu wa, a gɔ́ɔ̃ kooro n die goɛ̃ miɛ̃. Mu gòo-kɔlen dinin ba re golee a nɛ wa, tɔɔ-lɛduə̃lin ba re woe ǹ tɔɔn nɛ a-n wa.

Izayii 60:6

Nyɔɔmaa kuru gigiã á re n gána piɛ̃, Madiã gána laanka Ɛfaa gána a nyɔɔmaa tenən kɛn tumaa á re boe Sabaa. Ǹ tá re die sana laanka da yon gìĩ kɔɔ̃n nɛ, ǹ loe lɔ min tumaa yɔrɔ-a, ǹ Dɛnaa Lawa tɔ bɔ nɛ.

Zeremii 46:23

Maǹ a daã gialaa dii, daã mɛn bɛ́ min ná a boe la á we a-n lɛlɛ wa. A giala, maǹ mɔnaa-n ka bisin bɛ́ lɔn, min kɔn ná a boe la a ǹ nimi wa. Dɛnaa Lawa a da ǹ boo ne.

Zeremii 49:29

Ka ǹ zìãn laanka ǹ tɔɔn si ǹ la, ǹ mìi duru ǹ bǎã laanka ǹ màn tumaa nɛ! Ka wo ka ǹ nyɔɔmaan nɛ, ka n lɛ dɛ ǹ ganaa, ka pɛ: «Nyɛ́ɛ n bǎã tumaa nɛ!»

Zeremii 49:32

Ǹ zɔ́ɔn tá re ǹ nyɔɔmaan koɛ̃, ka ǹ tɔɔ kuru damata nɛ, ka bɔ zia la ǹ màn bɛ́ lɔn. Min mɛnɛn bɛ́ n karazɔɔ ka koɛ̃, ma á re bɛn pɛsɛ̃ bǎã tumaa nɛ. Ma á re toɛ koe bɔ paǹ yii-a a da ǹ ganaa. Dɛnaa Lawa a da ǹ boo ne.

Zeremii 51:14

Dɛnaa Lawa Pàãyiidɛnaa na á n liɛ kɛnɛn: «A ma toa maa Lawabaa nɛ, zaman damata á re kiɛ n li, ka bisin kuru bɛ́ lɔn. Ǹ tá re gɔ̀lɔ̀baa ǹ lɛ dɛ we n ganaa.»

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Sii yɔrɔ-bɔlen 7:12

Á ke, Madiã minin ni, Amalɛki tɔrɔn laanka lɛ̀giala gána minin kɛn tumaa na á goã nyɔmaa-n tán diə fúlu lɛ nɛ, gigiã ka bisinin manɛ. Ǹ nyɔɔmaan kɛn, min ba boe la á bɛn nimii wa. Maǹ gigiã ka nyɔɔsɔ bɛ́ lɔn yìsi mu lɛ-a.

Sii yɔrɔ-bɔlen 8:10

Zebaa laanka Salmunaa na á goã Karkɔɔrɔ kiwi kun ka ǹ zia-baalin ni. Maǹ nə́ goã min duu fulusooro kɛ miã. Lɛ̀giala gána minin lɛn zia-baalin tumaa a gialakun yii n ka bɛ nɛ. A giala, ǹ nə́ goã ǹ nə́ zia-baalin lɛn min duu paabiɛ ka fuə (120 000) dɛ, ǹ mɛnɛn bɛ́ boe zia baa la.

Sii yɔrɔ-bɔlen 8:21

Zebaa laanka Salmunaa tɔ́n pɛ Zediɔ̃ nɛ: «N dinmaa yoo n wɔ dɛ. A giala, bɛ̀ min tá giĩ lɛa, maǹ doɛ̃ a nya ǹ dí li.» Zediɔ̃ yoo á Zebaa laanka Salmunaa dɛ. Nyaǹ mànan mɛnɛn bɛ́ ǹ nyɔɔmaan bɔlɔ ganaa, á bɛn waa.

Samayeli1 30:17

A saa baayɛlɛ yiisoon ganaa, Davida nə́ ǹ dɛ miɛ̃ yǎa bɛa lɛawaa wasamiɛ̃nɛ. Min kɔn nə n si á la wa, bɛ̀ á n bɔ min ten biɛsii (400) n ke, bɛn nə́ dii nyɔɔmaan la ǹ nə́ baa si.