Sii yɔrɔ-bɔlen 6:4 - LAWA A BOO SONBORE

⁴ Maǹ nə́ goã giɛ̃ Izirayeli minin lɛn li, bɛ̀ ǹ gána lɛ a mànan ziziɛ̃, yǎa ǹ woe doe Gaazaa kiwi. Ǹ goã màn kɔn toɛ Izirayeli gána nɛ bii ǹ màn lɛa wa: Sère bie wa, dii bie wa, dundun bie wa.

LAWA A BOO SONBORE 2011

⁴ Maǹ nə́ goã giɛ̃ Izirayeli minin lɛn li, bɛ̀ ǹ gána lɛ a mànan ziziɛ̃, yǎa ǹ woe doe Gaazaa kiwi. Ǹ goã màn kɔn toɛ Izirayeli gána nɛ bii ǹ màn lɛa wa: Sère bie wa, dii bie wa, dundun bie wa.

Sii yɔrɔ-bɔlen 6:4 ပူးပေါင်းရင်းမြစ်များ

Siin Giala 10:19

Kanaan gána nə́ n lɛ bɔ li ka bɛ nɛ, á saa Sidɔn kiwi ganaa dia-n woe Geraara la yǎa Gaazaa. Á saa Sodɔmu dɔ ganaa, ka Gomɔɔrɔ nɛ, Admaa laanka Seboyimu ni, yǎa Lesaa.

Siin Giala 13:10

Lɔti nə́ n yii saa á ga Zurdɛ̃ bǎã tumaa ganaa. Á yɛ mà mu á bɛa bǎã lɛ boe parsiini, á goã ka Dɛnaa a lɛlɛ a dù gɔrɔ kɛ bɛ́ lɔn, ka Ezipti gána bɛ́ lɔn, bɛ̀ Dɛnaa bɛ́ a tɔn Sodɔmu laanka Gomɔɔrɔ kiwi bɔ̀n baa ǹ mɛn waáraa wa.

Suusun 28:3

Pàã zɛnaali mɛn bɛ́ mɛnɛɛ doobaan la, a n ka kaa-piɛ waáraa la bɛ́ lɔn màn tumaa ziziɛ̃.

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Lawa a wúlu-bɔlen 26:16

Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Abdiasi 1:5

Wurumunun kɛn bɛ́ re die kiɛ n li tèlò-n, basaã-kɔlen kɛn bɛ́ re kiɛ n li tèlò-n, n tá re doɛ̃! Ǹ bɛ́ re boe màn mɛn tumaa la, maǹ die bɛ goɛ ǹ wo ne. Rezɛ̃-nalin kɛn ba re màn kɔn toɛ wa, yǎa a nɛ gogoon dinsɔɔ̃.

Misee 6:15

Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:51

Ǹ tá re kaa tɔɔn kuĩ ǹ nə ǹ si ka la, ka kaa tán-kɔsiɛ mànan nɛ, yǎa bòo ka dii. Kaa *belee ne, kaa duvɛ̃ nɛ, kaa nyɔɔ nɛ, haalɛ kaa diin nɛn, sère nɛn nɛ ka bòe nɛn nɛ, ǹ ba re bɛ kɔn toɛ wa. Maǹ die nɔmiɛ̃ ǹ ka papaã.

Sii yɔrɔ-bɔlen 6:3

Bɛ̀ Izirayeli minin nə́ màn da ǹ wuru-n lɔn, Madiã minin man die ǹ gialaa, kun ka Amalɛki tɔrɔn nɛ, ka lɛ̀giala minin kɛn nɛ.