Sii yɔrɔ-bɔlen 6:31 - LAWA A BOO SONBORE

³¹ Min mɛnɛn nə goã Zoasi li, Zoasi pɛ ǹ tumaa nɛ: «Kasɛn doamaa nɛ, ka Baali a gɛ̀ dòo bɔ? Ka doamaa nɛ, ka da n dɔ lɛ? Bɛ̀ min mɛn tá Baali a gɛ̀ dòo boe, ka doamaa nɛ, ka bɛa dɛnaa dɛ, bɛ̀ lɛ̀ ná a tɔn waa wa. Bɛ̀ Baali lɛ á Lawa taãn lɛa, ǹ bɛ́ ǹ ná a wúlu bɔ ǹ bǎã wuru ǹ nə́ kaa, ka toa a din na a gɛ̀ dòo bɔ.»

LAWA A BOO SONBORE 2011

³¹ Min mɛnɛn nə goã Zoasi li, Zoasi pɛ ǹ tumaa nɛ: «Kasɛn doamaa nɛ, ka Baali a gɛ̀ dòo bɔ? Ka doamaa nɛ, ka da n dɔ lɛ? Bɛ̀ min mɛn tá Baali a gɛ̀ dòo boe, ka doamaa nɛ, ka bɛa dɛnaa dɛ, bɛ̀ lɛ̀ ná a tɔn waa wa. Bɛ̀ Baali lɛ á Lawa taãn lɛa, ǹ bɛ́ ǹ ná a wúlu bɔ ǹ bǎã wuru ǹ nə́ kaa, ka toa a din na a gɛ̀ dòo bɔ.»

Sii yɔrɔ-bɔlen 6:31 ပူးပေါင်းရင်းမြစ်များ

Kiin1 18:27

Penleen biikoo li, Yilii Baali a wúlu-bɔlen lɛn da yaa lɛa, á pɛ: «Baali lɛ bie kaa lawa lɛa wa ya, ka màn da kaa lɛ dɛ li taãnɛ. Kɔntan dí na a gɔn, hinlaa taasiɛn man a gialaa. Kɔntan a wo zii ni, hinlaa a goã nyuù we, a yii á die kiɛ!»

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin1 18:40

Yilii tɔ́n pɛ ǹ nɛ: «Ka Baali a wúlu-bɔlen lɛn kũ! Ka baran toa ǹ goon la ka la wa!» Zaman lɛ wúlu-bɔlen lɛn tumaa kũ, Yilii woo ǹ ne Kiisɔn a mu zii genli, á ǹ bɔ́lɔn kuru walan.

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Izayii 41:23

Sii mɛn bɛ́ re n zɛnɛɛ biɛ̃, ka bɛ pɛ wɔ nɛ. Wɔ á re doɛ̃ ka bɛ nɛ, wáa ka ǹ lawan lɛa. Ka sii bǐɛ̃ hinlaa sii baraa zɛnaa, laa ka sii kɔn zɛnaa wɔ yii yɛ, wɔ boo la wɔ ga a ganaa kun.

Izayii 46:1

Dì Bɛɛli musi mɛ, dì Neboo nə́ n pusu, ǹ nə́ ǹ nyínin kaa diin la, ǹ nə́ ǹ kaa tɔɔn la. Ka bɛ́ mànan mɛnɛn guĩ, bɛn man guĩ lɛa tɔɔ nɔmaa wolen kɛn ganaa.

Izayii 46:7

Bɛ kio, maǹ siɛ ǹ da ǹ kɔrɔn, ǹ wo koa bǎã kɔn nɛ. Maǹ koɛ tán, a ná a bìn diɛ doo wa. Ta min nə n lɛ dɛ a ganaa, a ba n dɛnaa lɛ sii wa. Koe biikoo li, a min kɔn kirisibiɛ wa.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 10:5

Bɛa dìn lɛn man ka nyɛ́ɛ da ǹ mànan bɛ́ lɔn, gì wuru-n. Ǹ ba boo diɛ doɛ̃ wa, maǹ nə ǹ guĩ, a giala, ǹ ba boe tɔ we la wa. Ka nyan nyɛ́ɛ baa ǹ nɛ wa. Ǹ ba boe baraa zɛnaa la wa, ǹ ba boe bǐɛ̃ dɔ din la ǹ zɛnaa wa.»

Minin nimi 14:6

Min mɛnɛn nə goã ǹ nə́ woo ga gána lɛ ganaa, bɛn min paa, Nunu a nɛgiĩ Zozoe laanka Zefunee a nɛgiĩ Kalɛbu ni, foo ziziɛ̃ taman yii, ǹsɛn nə́ ǹ dɔnkɛn tɔtoɛ̃,

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Efɛɛzi minin 5:11

Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

Sii yɔrɔ-bɔlen 6:30

Kiwi minin lɛn nə́ tɔ́n pɛ Zoasi ni: «N nɛgiĩ lɛ bɔ n soo ne, wɔsɛn nə dɛ. A giala, a na á Baali a wúlu bɔ ǹ bǎã yu, dì gɔn mɛn dɔ goã a li, á bɛ kuru.»

Sii yɔrɔ-bɔlen 6:32

A kũ bɛa pinaa lɛ ganaa, ǹ nə́ Zediɔ̃ bíi "Yerubaali" bɛ̀ ǹ nə́ pii: «Baali na a din a gɛ̀-dòo bɔ a ganaa.» A giala mà a din a wúlu bɔ ǹ bǎã nɛ, Zediɔ̃ wuru á kaa.

Samayeli1 12:11

Dɛnaa Lawa na á tɔ́n Zerubaali dia, Bedan nɛ, ka Zɛftee ka masɛ Samayeli ni. Kaa zɔ́ɔn mɛnɛn bɛ́ ǹ nə́ ka da bii, á ka si bɛn la á ka kaa. Ká giã gána lɛ nɛ, ka yii-nyɛɛ nɛ.