Sii yɔrɔ-bɔlen 6:27 - LAWA A BOO SONBORE

²⁷ Zediɔ̃ min fù bɔ a dí-nyalin bii, á bɛa sii lɛ zɛnaa ka Dɛnaa Lawa bɛ́ á pɛ-n lɔn. Sɛnɛ, a na á goã nyɛ́ɛ biɛ ǹ di kion minin lɛn laanka kiwi minin manɛ. Bɛ lɛ nɛ, a sii lɛ zɛnaa wɔlɔ yii fúlu-a wa, a na á zɛnaa tèlò-n.

LAWA A BOO SONBORE 2011

²⁷ Zediɔ̃ min fù bɔ a dí-nyalin bii, á bɛa sii lɛ zɛnaa ka Dɛnaa Lawa bɛ́ á pɛ-n lɔn. Sɛnɛ, a na á goã nyɛ́ɛ biɛ ǹ di kion minin lɛn laanka kiwi minin manɛ. Bɛ lɛ nɛ, a sii lɛ zɛnaa wɔlɔ yii fúlu-a wa, a na á zɛnaa tèlò-n.

Sii yɔrɔ-bɔlen 6:27 ပူးပေါင်းရင်းမြစ်များ

Loen 112:5

Min mɛn bɛ́ nɔmaa-wɔle makara doɛ̃, á n giɔ̀mɔ diɛ a ganaa, a ná a sii yɔrɔ boe ka peperebaa nɛ, bɛa dɛnaa wɔ á re bǐɛ̃ koe.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Zaã a sɛ́wɔ 15:14

Ma dí mɛn pɛ ka nɛ, bɛ̀ ka tá bɛ nyɛɛ, ka n masɛ a giaáran lɛa.

Zaã a sɛ́wɔ 2:5

Ǹ dan tɔ́n pɛ màn-bii kɔ minin la wolen lɛn nɛ: «A bɛ́ re pii ka nɛ mà ka sii woo sii zɛnaa, ka bɛ zɛnaa.»

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Sii yɔrɔ-bɔlen 6:26

Bɛ kio, Dɛnaa Lawa kɛ lɛ n Lawa lɛa, n wúlu bɔ ǹ bǎã sonbore dɔ bɛ wɔ lɛa, tenten kɛ mìi ni. N die n dii gɔ̀lɔ̀ lɛ kũ, n wúlu bɔ nɛ n tã lenlen, ka dì lɛ a gɔn kɛ lɛ nɛ, n nə́ die kuri.»

Sii yɔrɔ-bɔlen 6:28

Kiwi minin lɛn bɛ́ ǹ nə́ yoo baayɛlɛ yiisoone, ǹ nə́ Baali a wúlu bɔ ǹ bǎã lɛ yɛ, bɛ̀ ǹ nə́ ke ǹ nə́ wuru ǹ nə́ kaa. Dì gɔn mɛn dɔ goã a li, ǹ nə́ bɛ dɔ kuru. Ǹ wúlu bɔ ǹ bǎã mɛn dɔ sisia, ǹ nə́ wúlu bɔ ka dii gɔ̀lɔ̀ paabaa ǹ wɔ lɛ nɛ bɛ lalan, ǹ nə́ tã lenlen.