Sii yɔrɔ-bɔlen 6:12 - LAWA A BOO SONBORE

¹² Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

LAWA A BOO SONBORE 2011

¹² Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

Sii yɔrɔ-bɔlen 6:12 ပူးပေါင်းရင်းမြစ်များ

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 1:11

Bɛa biikoo kɛ lɛ li, Lawa a lon a dia dí-a wole goon nə́ n din nyaa nɛ, á golee nyɔɔ gìĩ kɔɔ̃n tã ǹ bǎã lɛ gusin.

Luku 1:28

Lon a dia dí-a wole lɛ woo a li, á pɛ-n kɛnɛn: «Mariya, ma á fòo diɛ n nɛ, Lawa tá kunun n ni, a na á n bɔ, á bǐɛ̃ gole baa nɛ.»

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Sii yɔrɔ-bɔlen 11:1

Bɛ á zɛnɛɛ, bɛ̀ giĩ goon tá Galaati gána nɛ, zia-baali zanbia lɛa, a tɔ n Zɛftee. A na á goã lɔ kɔrɔ kɔn a nɛgiĩ lɛa, a díi tɔ n Galaati.

Sii yɔrɔ-bɔlen 13:3

Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Sii yɔrɔ-bɔlen 6:13

Zediɔ̃ tɔ́n pɛ nɛ: Maa dɛnaagiĩ, kaarɛ! Bɛ̀ Dɛnaa Lawa tá kun ka wɔsɛn nɛ, wàa na á baa sii kɛ tumaa tá wɔ yii? Wɔ din nə goã sii dadaran mɛnɛn tumaa laakalɛɛ wɔ nɛ, ǹ nə́ pii mà Dɛnaa Lawa na á ǹsɛn waa á ǹsɛn bɔ Ezipti gána nɛ, bɛa siin lɛn man maa kəni? Sɛnɛ, á ke pelo, Dɛnaa Lawa wɔ toa walan, á wɔ kɔ Madiã minin la.

Uruti 2:4

Bɛ kio, Boazi bɔ Bɛtlehɛmu á daa, á pɛ ɔrzi-kurulin lɛn manɛ: «Dɛnaa Lawa die a goã kun ka niɛ» Ǹ ná a lɛ si: «Dɛnaa Lawa die a barka da n dɔ ganaa.»

Samayeli1 10:7

Bɛ̀ ń bɛa siin kɛn lɛn yɛ n zɛnɛɛ ǹ mɛn waáraa, n gɔn bɛ́ re kɔnpii ka sii woo sii ni, bɛ zɛnaa, a giala Lawa tá kunun n ni.