Sii yɔrɔ-bɔlen 6:11 - LAWA A BOO SONBORE

¹¹ Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

LAWA A BOO SONBORE 2011

¹¹ Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Sii yɔrɔ-bɔlen 6:11 ပူးပေါင်းရင်းမြစ်များ

Siin Giala 16:7

Dɛnaa a lon a dia dí-a wole Agaara yɛ mu yala kɔ́n lɛa don, Suuru zii la ǹ mu yala ke.

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

Kiin1 19:19

Bɛ kio, Yilii kiɛ̃ á n bɔ walan, á woo Saafaati a nɛgiĩ Yiliizee yaa, bɛ̀ á ke diin buu kɔsɛ. Buu kɔsɔ ǹ dii fuəwensii na á goã a li. A din na á goã buu lɛ kɔsɛ ka dii lɛ a màn paa giala nyɔmɛɛn kɛn nɛ. Yilii kiɛ̃ Yiliizee genli, a ná a dɔnkɛ gole bɔ, á zũ Yiliizee la.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Minin nimi 26:30

Galaati a tanlɛn man ke: Iyezɛɛrɛ a tanlɛ minin manɛ, boe Iyezɛɛrɛ nɛ, Elɛki a tanlɛ minin manɛ, boe Elɛki ni,

Ebrəə 11:32

Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

Zozoe 17:2

Bǎã kɔ́n dɔ Manaasee tɔrɔ gialakunun kɛn dɔn tanlɛ minin ganaa. Á dɔ Abiezɛɛrɛ a minin ganaa, Elɛki a minin ni, Asiriyeli wɔn nɛ, Sisɛmu wɔn nɛ, Hefɛɛrɛ wɔn nɛ ka Semiidaa wɔn nɛ. Zozɛfu a nɛgiĩ Manaasee a nɛgiĩn man ka bɛn nɛ, ǹ tanlɛ yii li.

Zozoe 18:23

Abimu, Paaraa, Ofra,

Sii yɔrɔ-bɔlen 13:3

Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Sii yɔrɔ-bɔlen 13:6

Bɛ kio, lɔ lɛ woo piɛ, á pɛ ǹ zuũ ni: Lawa a min goon daa masɛ li pelo, a n boe-n kɔn li Lawa a lon a dia dí-a wole ne. Á nyɛ́ɛ diɛ á la yii ni. Má nɔ̀n da la ka a bɔ ǹ bǎã-n wa a dɔ nə n tɔ pɛ ma-n wa.

Sii yɔrɔ-bɔlen 5:23

Dɛnaa Lawa a lon a dia dí-a wole a boo ne: Ka lɛn baraa bíi Merozi kiwi kɛ li, ka lɛn baraa bíi a kiwi minin kɛn li. A giala, ǹ da n dɔ Dɛnaa Lawa lɛ wa, ǹ da n dɔ Dɛnaa Lawa laanka a zia mìilandɛnan kɛn lɛ wa.

Sii yɔrɔ-bɔlen 6:12

Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

Sii yɔrɔ-bɔlen 8:2

Zediɔ̃ tɔ́n pɛ ǹ nɛ kɛnɛn: «Masɛ n má boo la má sii mɛn zɛnaa ka kaa wɔ kɛ bɛ́ lɔn? Efrayimu minin nə sii mɛn zɛnaa, ta a na a tɛ wa, a là á gole á la wɔsɛn tanlɛ Abiezɛɛrɛ tɔrɔn kɛn wɔ nɛ.

Sii yɔrɔ-bɔlen 9:5

Bɛ kio, á n bɔyaa á daa ǹ di kion Ofra, á ǹ dɔɔ̃nɔn lɛn kũ, min pɔsɔbaa, Yerubaali a nɛgiĩn lɛa, á ǹ bɔlɔ kuru kɔlɔ goon la. Zoatamu mɛn bɛ́ Yerubaali lɛ a nɛgiĩ giala nyɔmiɛ̃ lɛa, bɛ dinsɔɔ̃ na á la. A giala, asɛ na á n duru.