Sii yɔrɔ-bɔlen 5:18 - LAWA A BOO SONBORE

¹⁸ Sɛnɛ, Zabulɔn tɔrɔn kɛn man minin lɛa, ǹ nə́ n la bɔ ǹ dinin ganaa, ǹ nə́ n dinin kɔ gɛ̀ la. A din goon ne ka Nɛfutalii tɔrɔn kɛn dɔn nɛ, ziabaa ǹ bǎã nɛ.

LAWA A BOO SONBORE 2011

¹⁸ Sɛnɛ, Zabulɔn tɔrɔn kɛn man minin lɛa, ǹ nə́ n la bɔ ǹ dinin ganaa, ǹ nə́ n dinin kɔ gɛ̀ la. A din goon ne ka Nɛfutalii tɔrɔn kɛn dɔn nɛ, ziabaa ǹ bǎã nɛ.

Sii yɔrɔ-bɔlen 5:18 ပူးပေါင်းရင်းမြစ်များ

Siin Giala 35:23

A lɔ Leyaa nə́ ǹ mɛnɛn yɛ nɛ: Urubɛn ná a nɛgiĩ bibinaa lɛa. Bɛ kio Simiɔn, Levii, Zudaa, Isakaara ka Zabulɔn nɛ.

Siin Giala 35:25

Raseli a bɛ̀rɛlɔ Biilaa nə ǹ mɛnɛn yɛ, bɛn man ka Dan laanka Nɛfutalii ni.

Loen 68:27

Ka mɛnɛn basa bɛ́ boe Izirayeli ni, ka n lɛsɔkɔn zɔ́n taman yii, ka barka da Lawa nɛ, ka barka da Dɛnaa Lawa nɛ.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii yɔrɔ-bɔlen 4:10

Baraki Zabulɔn laanka Nɛfutalii tɔrɔn bíi Kedɛsi kiwi. Giĩ duu fù (10 000) lɛ kɔ, á kɔ lɛ. Deboraa dinmaa dɔ woo kun ni.

Sii yɔrɔ-bɔlen 4:14

Deboraa tɔ́n pɛ Baraki ni: «Yoo, a giala, pelo lɛ nɛ, Dɛnaa Lawa á re Sizeraa we n gɔn. Dɛnaa Lawa din nə́ soo á mɛ n nyɛɛnɛ.» Baraki gisĩ á n bɔ Tabɔɔrɔ kele la, ka giĩ duu fù lɛ nɛ a kio.

Sii yɔrɔ-bɔlen 4:6

Ǹ kɔn pinaa, Deboraa minin dia, mà ǹ wo lɛ dia Abinoamu a nɛgiĩ Baraki la, Kedɛsi kiwi, Nɛfutalii gána nɛ. Deboraa pɛ nɛ: «Dɛnaa Lawa lɛ, Izirayeli minin Lawa lɛa, a din na á dí kɛ kɔ mà n wo Tabɔɔrɔ kele la, kun ka giĩ duu fù kɛ nɛ, n nə́ ǹ bɔ Nɛfutalii tɔrɔn laanka Zabulɔn tɔrɔn bii.

Sii yɔrɔ-bɔlen 6:35

Á minin dia ǹ nə́ woo Manaasee tɔrɔn tumaa li. Á bɛn dɔn bíi á ǹ kaa a din kio. Bɛ kio, á minin dia Asɛɛrɛ tɔrɔn laanka Zabulɔn tɔrɔn li ka Nɛfutalii tɔrɔn nɛ, bɛn dɔn nə́ daa n ti a ganaa.