Sii yɔrɔ-bɔlen 5:11 - LAWA A BOO SONBORE

¹¹ Tɔɔn-lɛduə̃lin bɛ́ ǹ tɔɔn goe mu ni, ǹ nə́ goã Dɛnaa Lawa a sii sonboren kɛn laakalɛɛ, a sii sonboren mɛnɛn zɛnaa Izirayeli gána nɛ, ka a din pàã nɛ. Bɛ lɛ n ke, Dɛnaa Lawa a minin nə́ woo kiwi a zaman paã ǹ bǎã nɛ.

LAWA A BOO SONBORE 2011

¹¹ Tɔɔn-lɛduə̃lin bɛ́ ǹ tɔɔn goe mu ni, ǹ nə́ goã Dɛnaa Lawa a sii sonboren kɛn laakalɛɛ, a sii sonboren mɛnɛn zɛnaa Izirayeli gána nɛ, ka a din pàã nɛ. Bɛ lɛ n ke, Dɛnaa Lawa a minin nə́ woo kiwi a zaman paã ǹ bǎã nɛ.

Sii yɔrɔ-bɔlen 5:11 ပူးပေါင်းရင်းမြစ်များ

Siin Giala 24:11

A bɛ́ á dɔ tù kɔ́n lɛ-a kiwi lɛ lɛkoro-a, á nyɔɔmaan lɛn kaa tán walan. Bɛ á zɛnɛɛ bɛ̀ wasamiɛ̃n nɛ, lɔn soo a da mu sii waáraa.

Siin Giala 29:2

Ǹ kɔn pinaa, á tù goon yɛ lalaa lɛ-a. Sère kuru sɔɔ goã walan, waa-n tán tù lɛ lɛ-a, a giala, maǹ nɛn bɛ̀ ǹ mu mi walan. Sɛnɛ, maǹ nə́ goã tù lɛ lɛ tiɛ̃ ka kɔlɔ kaaraa kɔ́n nɛ.

Siin Giala 29:3

Bɛ̀ tɔɔn lɛn tumaa daa, ǹ nə́ kaa kɔn li ǹ mɛn waáraa, maǹ kɔlɔ lɛ birikəĩ, ǹ bɔ tù lɛ lɛ, ǹ mu baã ǹ kɔ tɔɔn lɛn la ǹ mi, ǹ tɔn wusoo ǹ kɔlɔ lɛ birikəə̃, ǹ tù lɛ lɛ tã nɛ.

Zɔbu 29:7

Bɛa biikoo li, bɛ̀ má soo *kiwi lɛ a kiɛnlɛ-a, bɛ̀ má maa dankan da tán bǎã mɛn nɛ,

Loen 145:7

Ǹ tá re n yiri koɛ n bǐɛ̃-zɛnaa dadaran kɛn nɛ, ǹ nə ǹ laakalaa. Ǹ tá re n nyɛnyɛɛ ǹ nə n peperebaa kɛ boo da.

Loen 71:15

Baraabaraa, n peperebaa boo kɛ n ma lɛ-a, ma nə n minin kirisibaa kɛ boo diɛ. Ma ba n bǐɛ̃-zɛnaa kɛ din lɛ doɛ̃, ma pɛ wa.

Izayii 12:3

Ka á re mu sii ka foo kɔɔ̃nbaa nɛ kirisibaa ǹ mu yalan lɛ-a.

Izayii 28:6

Min mɛnɛn doamaa bɛ nɛ ǹ kiri pepere wɔ, a n die peperebaa ǹ yiri koe bɛn la. Min mɛnɛn bɛ́ zɔ́ɔn lui kiwi a kiɛnlɛn ganaa, a n die pàã koe bɛn la.

Zeremii 7:2

– Giã Lawa a kion kɛa kiɛnlɛ-a, n lɛ dia, n pɛ kɛnɛn: «Ka n too kɔ Dɛnaa Lawa a da ǹ boo li, Zudaa minin lɛn, kasɛn mɛnɛn bɛ́ boe kiɛnlɛ kɛ nɛ bɛ̀ ka da Dɛnaa Lawa guguru kɔ.»

Busii pɛ 5:4

Wɔ n wɔrɔ boe mu ganaa, wɔ tɔ n yɛ wɔ mi. Wɔ n gɔn pii, wɔ tɔn tɛ koa nɛ.

Busii pɛ 5:9

Wɔ nə n nyin koe wɔ tɔn màn-bii yɛ diə gɔ́ɔ̃ nɛ ǹ denzuun taman yii.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Timəə dí-pɛn 22:24

ka ǹ dinin paanan kũ ka da ǹ nɛ kiri wɔ ǹ bǎã, ka kɔlɔ kaã bɔ ǹ ganaa, ka ǹ dɛ ǹ gã. Nɛniɛ lɛ doamaa-n ka gɛ̀ nɛ a giala, a n lɛ dɛ mà min da asɛ si wa, a da yaa, a n kiwi gɔ́ɔ̃ nɛ. Giĩ lɛ dɔ doamaa-n ka gɛ̀ nɛ, a giala, a na á ga ǹ miã a lɔ-wɔsiɛ li. Ka zɛnaa, miɛ̃ ka sii baraa bɔ ka bɔ ka bii.

Timəə dí-pɛn 33:21

Gaadi tɔrɔn man nə́ gána lɛ a bǎã sonbore bɔ. Gána lɛ a mìilandɛnaa wɔ gii na á goã walan. Bɛ kio, ǹ nə́ woo dɔ tɔrɔn lɛn goledɛnan li, Dɛnaa Lawa bɛ́ giɛ màn mɛn li, ǹ nə́ bɛ zɛnaa, a màn mɛn pɛ Izirayeli wɔ paǹ li, ǹ nə́ bɛ zɛnaa.»

Sii yɔrɔ-bɔlen 11:40

Lɛ̀ woo lɛ̀, Izirayeli nɛlɔn man woe Galaatin giĩ Zɛftee a nɛlɔ a sii lɛ a landa zɛnɛɛ, lɛawaa sii lɛ̀ goon gɔ́ɔ̃ nɛ.

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.

Samayeli1 12:7

Sisia, ka kiɛ̃ ka da Dɛnaa Lawa yɔrɔ-a, Dɛnaa Lawa sii bǐɛ̃ mɛn tumaa zɛnaa ka dinin laanka ka digolon manɛ, ka bɛ nimi ǹ ni bɔrɔ, ǹ yɛ.