Sii yɔrɔ-bɔlen 4:9 - LAWA A BOO SONBORE

⁹ Deboraa pɛ nɛ: «Ma á re woe kunun n ni. Sɛnɛ, bɛ̀ má woo, n din ni n ba re gugurubaa yii a-n wa. A giala, Dɛnaa Lawa n die Sizeraa lɛ we lɔ gɔn.» Bɛ kio, Deboraa yoo á woo kun ka Baraki ni Kedɛsi kiwi.

LAWA A BOO SONBORE 2011

⁹ Deboraa pɛ nɛ: «Ma á re woe kunun n ni. Sɛnɛ, bɛ̀ má woo, n din ni n ba re gugurubaa yii a-n wa. A giala, Dɛnaa Lawa n die Sizeraa lɛ we lɔ gɔn.» Bɛ kio, Deboraa yoo á woo kun ka Baraki ni Kedɛsi kiwi.

Sii yɔrɔ-bɔlen 4:9 ပူးပေါင်းရင်းမြစ်များ

KZS2 26:18

Ǹ nə́ n doa a nyɛɛnɛ, ǹ nə́ pɛ nɛ: «Wɔa kii, n dinmaa doamaa bie n màn gìĩ kɔɔ̃n kɔ Dɛnaa Lawa la wa. Lawa a wúlu-bɔlen kɛn Aarɔn tɔrɔn lɛa, ǹ nə ǹ mɛnɛn bɔ ǹ nə́ ǹ koa, bɛn dininsɔɔ̃nɔn nyan-di ni. Soo n nə n bɔ Lawa a kion kɛ nɛ! Sii baraa n ka kɛ nɛ n zɛnaa. Dɛnaa Lawa yɔrɔ-a, kɛ a nya ǹ dí sonbore lɛa wa.»

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Sii yɔrɔ-bɔlen 4:8

Baraki tɔ́n pɛ Deboraa-n kɛnɛn: «Bɛ̀ n tá woe kun ka ma nɛ, ma á woe. Sɛnɛ, bɛ̀ n ba woe kun ka ma-n wa, ma a woe wa.»

Sii yɔrɔ-bɔlen 9:53

Bɛa biikoo li, lɔ goon nə́ gii nɛ zũ Abimelɛki ni. Á woo kũ a mìi ganaa, á na a mìi yu.

Sii yɔrɔ-bɔlen 9:54

A din bǎã-n gɔrɔ, nɛ ten mɛn bɛ́ a ziabaa ǹ mànan guĩ, á lɛ dia bɛ la á pɛ nɛ mà a na a gɔya sa kɛ bɔ a na asɛ gɔn nyɔmɔ nɛ, màn mɛn bɛ́ toɛ, minin baran pɛ asɛ wɔ paǹ li mà lɔ na á ná asɛ dɛ wa. A ziabaa ǹ mànan gũli lɛ fɔ̃ ka gɔya sa nɛ, á gã.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.