Sii yɔrɔ-bɔlen 3:1 - LAWA A BOO SONBORE

¹ Izirayeli minin mɛnɛn tumaa bɛ́ ǹ Kanaan gána a zian kɛn kɔn yɛ wa, Dɛnaa Lawa na á bɛa tɔrɔ lɛn toa walan, a tá ǹ diɛ ǹ gɔ́ɔ̃ li ni.

LAWA A BOO SONBORE 2011

¹ Izirayeli minin mɛnɛn tumaa bɛ́ ǹ Kanaan gána a zian kɛn kɔn yɛ wa, Dɛnaa Lawa na á bɛa tɔrɔ lɛn toa walan, a tá ǹ diɛ ǹ gɔ́ɔ̃ li ni.

Sii yɔrɔ-bɔlen 3:1 ပူးပေါင်းရင်းမြစ်များ

Kiin1 9:21

Ǹ yɛ ǹ nɛnyaanan mɛnɛn bɛ́ ǹ nə́ goã gána lɛ nɛ, ǹ kio, Izirayeli minin lɛn nə́ boo la ǹ nə́ ǹ dɛ, ǹ nə́ ǹ nya wa, Salomɔn na á goã bɛn lɛn boe, bɛ̀ a ǹ kaa pàã dí ganaa. Ǹ tá tɔn walan haalɛ pelo.

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

Zɔbu 23:10

A da yaa, a din tá masɛ a kiɛ̃ ǹ zii doɛ̃. Bɛ̀ á maa sii giala gɔsɛ, man die soe a-n *yoreen ka sana bɛ́ lɔn.

Bɔ bɛ̀rɛbaa nɛ 15:25

Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ. Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn.

Suusun 17:3

Maǹ sana laanka wɔrɔ á sonborebaa doɛ̃ ka tɛ nɛ. Sɛnɛ, Dɛnaa Lawa n kiri we minbuiin nɛ foo a siĩnbaa ganaa.

Zeremii 6:27

Zeremii, man má n bɔ má n koa maa zaman lɛ bii, ka fɔlɔ dí-nyali bɛ́ lɔn. Ga ǹ sii zɛnaa ǹ gɔn ganaa, n nə n da ǹ gɔ́ɔ̃ li.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zaã a sɛ́wɔ 2:24

Sɛnɛ, Yezu sɛ waa ǹsɛn la wa, a giala a tá ǹ tumaa a taasiɛ doɛ̃,

Timəə dí-pɛn 7:22

Kaa Lawa, Dɛnaa Lawa n die bɛa tɔrɔn lɛn lui, a ǹ bɔ ka nyɛɛn boɛboɛ. Ka bie re boe ǹ la, ka ǹ nya bǎã goon ne wa. A giala, bɛ̀ á n baa miɛ̃, don màn babaraan man die mɔnɛɛ ka ganaa.

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Piɛrɛ1 4:12

Maa giaáran lɛn! Ka baran n kaãbaa kaa fuu-yɛ baraa kɛ ganaa, ka n pɛ mà sii ni ka n ka ba a giala miɛ wa.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii yɔrɔ-bɔlen 1:1

Zozoe a gɛ̀ kio, Izirayeli minin nə́ nɔ̀n da Dɛnaa Lawa la ǹ nə́ pɛ: «Wɔ tɔrɔ kɛ mɛn nə die woe bibinaa nɛ, a zia baa Kanaan gána minin kɛn ganaa?»

Sii yɔrɔ-bɔlen 2:10

Bɛa biikoo kɛ lɛ a minin tumaa daa ǹ nə́ gã. Ǹsɛn kio, min kɔsɔn nə́ yoo. Sɛnɛ, bɛn nə goã Dɛnaa Lawa doɛ̃ wa, a dí mɛn tumaa nya Izirayeli minin wɔ paǹ li, ǹ goã bɛ dɔ doɛ̃ wa.

Sii yɔrɔ-bɔlen 2:23

Bɛ lɛ nɛ, Dɛnaa Lawa toa bɛa tɔrɔn lɛn nə́ goã, a ǹ wɔ Zozoe gɔn wa, a ǹ loo fufuu dɔn wa.

Sii yɔrɔ-bɔlen 3:2

A na á goã giɛ kɛ dinsɔɔ̃ li: Zia bɛ́ màn mɛn lɛa, Izirayeli tɔrɔn lɛn nɛnyaanan nə n daraa a ganaa ǹ dɔ̃, sanparɛ ǹ mɛnɛn lɛn dinin bɛ́ ǹ màn kɔn dɔ̃ zia a sii gɔ́ɔ̃-n lɛlɛ wa.