Sii yɔrɔ-bɔlen 21:25 - LAWA A BOO SONBORE

²⁵ Bɛa waáraa kɛ lɛ nɛ, kii goã Izirayeli minin lɛn mìi la wa, didie na á goã a din foo sii zɛnɛɛ.

LAWA A BOO SONBORE 2011

²⁵ Bɛa waáraa kɛ lɛ nɛ, kii goã Izirayeli minin lɛn mìi la wa, didie na á goã a din foo sii zɛnɛɛ.

Sii yɔrɔ-bɔlen 21:25 ပူးပေါင်းရင်းမြစ်များ

Loen 12:4

Dɛnaa Lawa, ǹ kɔn bebele ǹ lɛ kɛ lɛ kuru. Ǹ boo dadara da ǹ lɛwɔn kɛ lɛ kuru.

Suusun 14:12

Min tá boe la a taasɛ mà asɛ a giã ǹ gɔn tá siĩni a da yaa dɔn, a woe-n geren piɛ.

Suusun 3:5

N nyan nə n foo doa n din yiri ganaa wa. N foo doa Dɛnaa Lawa ganaa parsiini.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Timəə dí-pɛn 12:8

Wɔ bɛ́ màn mɛn tumaa zɛnɛɛ kànaa pelo, didie ń zɛnɛɛ a din foo dùũ li, ka nyan toa ka bɛ zɛnaa walan wa.

Sii yɔrɔ-bɔlen 17:6

Bɛa waáraa kɛ lɛ nɛ, kii goã Izirayeli minin lɛn mìi la wa, didie na á goã a din foo sii zɛnɛɛ.

Sii yɔrɔ-bɔlen 18:1

Bɛa waáraa kɛ lɛ nɛ, kii goã Izirayeli minin lɛn mìi la wa. Bɛa biikoo li, Dan tɔrɔn man nə́ goã giɛ giã ǹ bǎã li. A giala, á woo dɔ bɛa biikoo lɛ ganaa, bɛ̀ ǹ tɔn giã ǹ bǎã yɛ Izirayeli minin lɛn bii, ǹ dinin wɔ lɛa wa.

Sii yɔrɔ-bɔlen 18:7

Giĩ min sooro lɛ woo Layisi kiwi. Min mɛnɛn bɛ́ giã-n walan, ǹ nə́ yɛ mà bɛn man yii-nyɛɛ gɔ́ɔ̃ nɛ, ka Sidɔn minin kɛn bɛ́ lɔn. Maǹ là nyantoro la, ǹ yiri n bǎã goon ne. Min kɔn goã gána lɛ gɔ́ɔ̃ nɛ, pàã n bɛ gɔn, a n fuu nyɛɛ ǹ nɛ ka yɔrɔ kɔn nɛ wa. Layisi minin lɛn bǎã goã sɔsɔɔ Sidɔn minin lɛn ganaa, ǹ sii goã min kɔn wɔ gɔ́ɔ̃-n wa.

Sii yɔrɔ-bɔlen 19:1

Kii bɛ́ a goã Izirayeli minin lɛn mìi la ǹ mɛn waáraa wa, Levii tɔrɔ goon na á goã giã-n Efrayimu a kele yii bǎã kɛ kio. Á goã we lɔ goon lɛ Bɛtlehɛmu kiwi, Zudaa gána nɛ.

Sii yɔrɔ-bɔlen 21:24

Bɛa waáraa lɛ nɛ, Izirayeli minin lɛn tumaa sawaa ǹ nə́ n bɔ walan. Didie woo a tɔrɔ minin li, a tanlɛ minin li. Didie nə́ n toa walan á woo giã a bǎã nɛ.