Sii yɔrɔ-bɔlen 21:19 - LAWA A BOO SONBORE

¹⁹ Ǹ nə́ tɔ́n pɛ: «Dɛnaa Lawa a zɔ́n tá n zɛnɛɛ Siiloo lɛ̀ woo lɛ̀, Betɛli a gɔsɛ a lɛ̀gɔn la.» Zii mɛn bɛ́ boe Betɛli á n woe Sisɛmu, a n bɛa lɛ̀nyɛɛn gɔn la, Lebonaa kiwi a gusin a lɛ̀gɔn la.

LAWA A BOO SONBORE 2011

¹⁹ Ǹ nə́ tɔ́n pɛ: «Dɛnaa Lawa a zɔ́n tá n zɛnɛɛ Siiloo lɛ̀ woo lɛ̀, Betɛli a gɔsɛ a lɛ̀gɔn la.» Zii mɛn bɛ́ boe Betɛli á n woe Sisɛmu, a n bɛa lɛ̀nyɛɛn gɔn la, Lebonaa kiwi a gusin a lɛ̀gɔn la.

Sii yɔrɔ-bɔlen 21:19 ပူးပေါင်းရင်းမြစ်များ

Loen 81:3

Ka sàn kɔ, ka maà dɛ, ka tùtun wuu da li.

Lawa a wúlu-bɔlen 23:10

Boo da ka Izirayeli minin lɛn nɛ, n pɛ ǹ nɛ: Masɛ bɛ́ gána mɛn lɛ koe ka la, bɛ̀ ka wɔ a nɛ ǹ mɛn waáraa, bɛ̀ ka tá kaa wuru màn kuri, ka da a gɔn sara yii bibinaa kɔ Lawa a wúlu-bɔle la, kaa wuru gɔ́ɔ̃ màn kurii bibinaa lɛa.

Lawa a wúlu-bɔlen 23:2

Boo da ka Izirayeli minin lɛn nɛ n pɛ ǹ nɛ: Masɛ Dɛnaa Lawa lɛawaa dadaran mɛnɛn koa, ka doamaa nɛ, ka n lɛ sɔkɔn bɛa lɛawaan lɛn li, ka ma guguru kɔ. Maa lɛawaa dadaran lɛn man ka kɛn nɛ:

Lawa a wúlu-bɔlen 23:34

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa fulusoorobaa ǹ wɔ n ke, bɛ n *giã siã giulun zɔ́n giala kɔ pinaa lɛa. A nə n zɛnɛɛ yǎa lɛawaa sɔbaa, ka masɛ Dɛnaa Lawa guguru kɔ nɛ.

Lawa a wúlu-bɔlen 23:4

Masɛ Dɛnaa Lawa lɛawaa dadaran mɛnɛn lɛn koa, bɛ̀ ǹ mɛn a biikoo dɔ, ka lɛ dia kɔn la, ka n lɛ sɔkɔn, ka masɛ guguru kɔ. Bɛa lɛawaan lɛn kɔsɔn man ka kɛn nɛ.

Lawa a wúlu-bɔlen 23:6

A din mui lɛ a lɛawaa fulusoorobaa ǹ wɔ pinaa, *yɔ bùbaã buuru zɔ́n nə n giala koe, masɛ Dɛnaa Lawa tɔ bɔ a lɛa. Lɛawaa sɔbaa gɔ́ɔ̃ nɛ, ka bɛ́ re buuru mɛn soɛ̃, yɔ bù nyan goã li wa.

Minin nimi 10:10

Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»

Minin nimi 28:16

«Lɛ̀ a mui bibinaa a lɛawaa fulusiibaa ǹ wɔ pinaa, ka die ka *kiɛ̃mala ǹ zɔ́n zɛnaa ka Dɛnaa Lawa guguru kɔ nɛ.

Minin nimi 28:26

*«Kaa-piɛ zɔ́n pinaa, bɛ̀ ka tá die kaa wuru màn lɛ bibinaa koe Dɛnaa Lawa la, ka die ka n sɔkɔn ka Dɛnaa Lawa lɛ guguru kɔ, ka ka a n gɔn diɛ dí kaka kɔn-a wa.

Minin nimi 29:12

«Lɛ̀ a mui sɔbaabaa ǹ wɔ lɛ a lɛawaa fulusoorobaa ǹ wɔ pinaa, ka n sɔkɔn ka masɛ Dɛnaa Lawa guguru kɔ. Ka baran n gɔn da dí kaka kɔn ganaa wa. Ka zɔ́n zɛnaa lɛawaa sɔbaa, ka masɛ Dɛnaa Lawa guguru kɔ nɛ.

Zaã a sɛ́wɔ 5:1

Bɛ kio na á kɔnpɛ bɛ̀ Zuifun landa zɔ́n kɔ́n dɔ na a-n Zeruzalɛmu kiwi, Yezu woo walan.

Zaã a sɛ́wɔ 7:2

Zuifun *giã siã giulun zɔ́n diri.

Timəə dí-pɛn 16:1

*Abibu mui ke, ka n yiri koa bɛ li, ka *kiɛ̃mala ǹ zɔ́n zɛnaa a nɛ, ka kaa Lawa, Dɛnaa Lawa guguru kɔ nɛ. A giala, bɛa mui lɛ nɛ, Dɛnaa Lawa ka waa tèlò-n, á ka bɔ Ezipti gána nɛ.

Timəə dí-pɛn 16:10

Bɛ̀ bɛ lɛ pã, ka *kaa-piɛ ǹ zɔ́n zɛnaa ka kaa Lawa, Dɛnaa Lawa tɔ bɔ nɛ. Kaa Lawa, Dɛnaa Lawa bɛ́ re barka diɛ ka ganaa a mànan mɛnɛn kɔ ka la, ka da ka bɛ lɛ kɔn nɛ a kɔnpɛ ka ka pàã yii ni, ka dinin dùũ *wúlu màn lɛa.

Timəə dí-pɛn 16:13

Bɛ̀ ká kaa belee duwəə, ká kaa rezɛ̃ mu bɔ ká nya ǹ mɛn waáraa, ka *giã siã giulun zɔ́n zɛnaa lɛawaa sɔbaa gɔ́ɔ̃ nɛ.

Zozoe 18:1

Izirayeli zaman tumaa nə́ n lɛ sɔkɔn Siiloo. Ǹ nə́ kɔn yɛ ka Lawa nɛ ǹ mɔnaa kion kɛ doa walan. Bɛ á zɛnɛɛ, bɛ̀ ǹ nə́ boo gána lɛ la.

Sii yɔrɔ-bɔlen 18:31

Miikaa màn nyín mɛn zɛnaa, ǹ nə́ bɛ lɛ doa ǹ dinin wɔ lɛa. Lawa a kion kɛ goã Siiloo á dɔ biikoo mɛn ganaa, dì lɛ dɔ na á goã walan miɛ̃.

Sii yɔrɔ-bɔlen 21:20

Ǹ nə́ tɔ́n pɛ Bɛnzamɛn tɔrɔn lɛn manɛ: – Ka wo n duru *rezɛ̃ da wurun kɛn nɛ.

Samayeli1 1:3

Lɛ̀ woo lɛ̀, Ɛlkaanaa nə n toɛ a kiwi bɛ̀ a wo Dɛnaa Lawa Pàãyiidɛnaa guguru kɔ Siiloo, bɛ̀ a *wúlu màn dɔ kɔ la. Elii a nɛgiĩ n min paa, Ɔfunii laanka Fineyasi ni, bɛn man nə́ goã Dɛnaa Lawa a wúlu-bɔlen lɛa walan.