Sii yɔrɔ-bɔlen 20:26 - LAWA A BOO SONBORE

²⁶ Bɛ lɛ taman yii, Izirayeli zaman tumaa yoo ǹ nə́ woo Betɛli. Ǹ nə́ giã tán walan Dɛnaa Lawa yɔrɔ-a, ǹ nə́ wuu pɛ, ǹ nə́ n lɛ sɔɔ yǎa wasa mɛ. Ǹ nə́ *wúlu màn tiɛ̃ laanka barka da Lawa nɛ ǹ wúlu bɔ Dɛnaa Lawa yɔrɔ-a.

LAWA A BOO SONBORE 2011

²⁶ Bɛ lɛ taman yii, Izirayeli zaman tumaa yoo ǹ nə́ woo Betɛli. Ǹ nə́ giã tán walan Dɛnaa Lawa yɔrɔ-a, ǹ nə́ wuu pɛ, ǹ nə́ n lɛ sɔɔ yǎa wasa mɛ. Ǹ nə́ *wúlu màn tiɛ̃ laanka barka da Lawa nɛ ǹ wúlu bɔ Dɛnaa Lawa yɔrɔ-a.

Sii yɔrɔ-bɔlen 20:26 ပူးပေါင်းရင်းမြစ်များ

Siin Giala 28:19

Á bɛa bǎã lɛ bíi Betɛli, bɛ giala mà "Lawa a Kion". Sɛnɛ lɛlɛ, kiwi lɛ tɔ na á goã Luuzu.

Samayeli2 3:35

Bɛ kio, zaman lɛ tumaa daa Davida li, mà maǹ màn-bii kɔn koe la a bii, bɛ̀ wasa baa miɛ̃. Sɛnɛ, Davida nə́ n liɛ á pɛ: «Bɛ̀ wasa bie a mɛ wa, bɛ̀ ma buuru pɔrɔ ma lɛ-a, hinlaa ta màn woo màn nɛ, Lawa dɔlɔ babaraa bɔ masɛ ganaa!»

KZS2 20:3

Nyɛ́ɛ Zozafati kũ, á n bɔyaa á ga Dɛnaa Lawa li. Á pɛ Zudaa min tumaa nɛ mà ǹ nə n lɛ sɔɔ.

Ɛsidrasi 8:21

Bɛa bǎã lɛ nɛ, Aawaa tà lɛ genli, má lɛ dia, máa wɔ n lɛ sɔɔ, wɔ n dinin gisĩ wɔa Lawa lɛ yɔrɔ-a, màn mɛn bɛ́ toɛ, a zii fore wɔ nɛ, a fore wɔa nɛnyaanan laanka wɔ gɔn mànan dɔn nɛ.

Zeremii 36:9

Zoziasi a nɛgiĩ Zozakimu a kiibaa lɛ̀ soorobaa ǹ wɔ li Zudaa gána mìi la, a mui manangɔrɔbaa ǹ wɔ li, ǹ nə́ lɛawaa bɔ lɛ sɔɔ lɛawaa lɛa Dɛnaa Lawa yɔrɔ-a. Zeruzalɛmu minin tumaa goã ǹ tan ka min mɛn tumaa bɔ Zudaa kiwin ni ǹ nə́ daa Zeruzalɛmu.

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Zozoe 24:1

Ǹ kɔn pinaa, Zozoe Izirayeli minin lɛn tumaa lɛ sɔkɔn Sisɛmu. Á lɛ dia ǹ min golen la, ǹ nyɛɛnaandɛnan nɛ, ǹ sii yɔrɔ-bɔlen ne ka ǹ landa sii-daraalin ni. Ǹ nə́ daa golee Lawa yɔrɔ-a.

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.

Sii yɔrɔ-bɔlen 20:25

Bɛa lɛawaa paabaa ǹ wɔ pinaa ke, Bɛnzamɛn tɔrɔn nə́ soo Gibeya, ǹ nə́ woo n da ǹ lɛ. Ǹ nə́ wusoo ǹ nə́ giĩ duu fulukiwisi (18 000) dɛ ǹ bii ǹ nə́ ǹ kaa tán, ǹ tumaa ń boe zia-baa la.

Sii yɔrɔ-bɔlen 21:2

Zaman lɛ daa Betɛli, ǹ nə́ giã tán walan Lawa yɔrɔ-a, yǎa wasa woo mɛ. Ǹ nə́ n lɛ dɛ, ǹ nə́ wuu gole pɛ.

Sii yɔrɔ-bɔlen 21:4

A lɛawaa, zaman lɛ yoo baayɛlɛ yiisoone, ǹ nə́ *wúlu bɔ ǹ bǎã dɔ walan, ǹ nə́ *wúlu màn tiɛ̃ laanka barka da Lawa nɛ ǹ wúlu bɔ.

Samayeli1 11:4

Ǹ min mɛnɛn dia, ǹ nə́ dɔ Sayulu a kiwi, Gibeya. Ǹ nə́ boo lɛ saa ǹ nə́ pɛ zaman lɛ nɛ. Zaman lɛ tumaa kaa wuu ni. Bɛ á zɛnɛɛ, bɛ̀ Sayulu n boe wuru-n die, a diin kio.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.