Sii yɔrɔ-bɔlen 2:4 - LAWA A BOO SONBORE

⁴ Dɛnaa Lawa a lon a dia dí-a wole lɛ bɛ́ á bɛa boon lɛn da Izirayeli minin lɛn tumaa nɛ á nya, zaman lɛ kaa wuu-n kɔsɛkɔsɛ.

LAWA A BOO SONBORE 2011

⁴ Dɛnaa Lawa a lon a dia dí-a wole lɛ bɛ́ á bɛa boon lɛn da Izirayeli minin lɛn tumaa nɛ á nya, zaman lɛ kaa wuu-n kɔsɛkɔsɛ.

Sii yɔrɔ-bɔlen 2:4 ပူးပေါင်းရင်းမြစ်များ

Ɛsidrasi 10:1

Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

Suusun 17:10

Yiridɛnaa a sɛ̀ pɛ ma-a á busi a ganaa á la baãnaa a bàlà yii paabiɛ kɔmala nɛ.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Luku 6:21

Kasɛn mɛnɛn bɛ́ bòo tá ka ganaa sisia, Lawa á re barka diɛ ka ganaa, á re màn-bii koe ka la ka bii ka kã. Kasɛn mɛnɛn bɛ́ wuu pii sisia, Lawa á re barka diɛ ka ganaa á re ka foo kɔɔ̃n koe ka yaa wɔ.

Luku 7:38

Lɔ lɛ nə́ n zuməə Yezu kio a gòãn li, bɛ̀ a n wuu pii, á n yii mu kiɛ Yezu gòãn ganaa. Bɛ kio a ná a narɛ ǹ sii zɛnaa, á n mìi ka kũ a ná a gòãn lɛn tuturu ni, á nyɔɔ gìĩ kɔɔ̃n lɛ kaa ǹ ganaa.

Korɛnti2 7:10

A giala, Lawa bɛ́ foo-ziziɛ̃ mɛn li, bɛ lɛ n min a giã ǹ gɔn bɔyɛɛ, a wo da kirisibaa nɛ, a ná a ba bǎã koe gɔ́ɔ̃ bii la wa. Sɛnɛ, wɔ dinin minbuiinbaa ǹ foo-ziziɛ̃n kɛn man woe wɔ-n gɛ̀ ganaa.

Zaaki 4:9

Ka toa kaa zɛnaa ǹ siin lɛn nə foo-ziziɛ̃ da ka dinin ganaa, ka wuu pɛ, ka n lala da. Ka nyan pɛ mà ka n yaa we wa dɛ, ka doamaa-n ka wuu pɛ! Ka nyan pɛ mà ka nə n nyɛnyɛɛ wa dɛ, ka foo doamaa nɛ a ziziɛ̃!

Sii yɔrɔ-bɔlen 2:3

Bɛ lɛ n ke má pɛ máa ma a re ǹ lui ma ǹ bɔ ka nyɛɛn doo wa. Ǹ dinin lɛn man die fuu nyɛɛ ka nɛ, ǹ dìn kɛn tá re ka kũ ǹ kan biɛ.

Sii yɔrɔ-bɔlen 2:5

Ǹ nə́ bɛa bǎã lɛ bíi mà Bokimu, ǹ nə́ wúlu mànan kɔ Dɛnaa Lawa la walan.

Samayeli1 11:4

Ǹ min mɛnɛn dia, ǹ nə́ dɔ Sayulu a kiwi, Gibeya. Ǹ nə́ boo lɛ saa ǹ nə́ pɛ zaman lɛ nɛ. Zaman lɛ tumaa kaa wuu ni. Bɛ á zɛnɛɛ, bɛ̀ Sayulu n boe wuru-n die, a diin kio.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.