Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sii yɔrɔ-bɔlen 2:19 - LAWA A BOO SONBORE

19 Sɛnɛ, bɛ̀ sii yɔrɔ-bɔle lɛ gã lɔn, maǹ wusii bɛ̀ ǹ gɔgɔrɛbaa ǹ sii zɛnaa a la ǹ digolon kɛn wɔ nɛ. Maǹ nə́ goã koe lawa kɔsɔn lɛ, ǹ nə́ dí nyɛɛ bɛn manɛ, bɛ̀ ǹ kaa tán ǹ yɔrɔ-a, bɛ̀ ǹ bɛn guguru kɔ. Ǹ goã ǹ zɛnaa ǹ sii babaraan kɛn laanka ǹ too kakabaa ǹ sii kɛ kɔn kiɛ wa.

အခန်းကိုကြည့်ပါ။ ကော်ပီ

LAWA A BOO SONBORE 2011

19 Sɛnɛ, bɛ̀ sii yɔrɔ-bɔle lɛ gã lɔn, maǹ wusii bɛ̀ ǹ gɔgɔrɛbaa ǹ sii zɛnaa a la ǹ digolon kɛn wɔ nɛ. Maǹ nə́ goã koe lawa kɔsɔn lɛ, ǹ nə́ dí nyɛɛ bɛn manɛ, bɛ̀ ǹ kaa tán ǹ yɔrɔ-a, bɛ̀ ǹ bɛn guguru kɔ. Ǹ goã ǹ zɛnaa ǹ sii babaraan kɛn laanka ǹ too kakabaa ǹ sii kɛ kɔn kiɛ wa.

အခန်းကိုကြည့်ပါ။ ကော်ပီ




Sii yɔrɔ-bɔlen 2:19
20 ပူးပေါင်းရင်းမြစ်များ  

Sɛnɛ Lawa yɔrɔ-a, kanaa minbuiinin gialakunun kɛn tumaa ziziɛ̃, kanaa gɔ́ɔ̃ pã ka kakaarɛbaa ǹ siin ni.


Sɛnɛ piɛ̃ bɛ́ á kaa ǹ ganaa ǹ mɛn waáraa, ǹ ná a giala kɔ doo, ǹ nə́ sii baraa zɛnɛɛ n yɔrɔ-a. Ń tɔ́n nə ǹ toa ǹ zɔ́ɔn lɛn gɔn, bɛn nə́ goã boe ǹ yii ni. Ǹ nə́ wusoo ǹ nə́ goã n lɛ dii n ganaa, ń goã n toɛ lon ǹ lɛ miɛ, n makara-doɛ̃ gole lɛ gɔ́ɔ̃ nɛ, ń goã ǹ sii ǹ kiɛ gunyin gigiã.


Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.


Dɛnaa boo da Muizu ni, á pɛ: – Gisĩ fufuu. A giala, n zaman lɛ sàabaa, zaman kɛ lɛ, ń soo ne ń bɔ Ezipti gána nɛ.


Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.


Min mɛnɛn bɛ́ masɛ diɛ yaa lɛa, maǹ pii kɛnɛn: Dɛnaa Lawa pɛ: «Kaa wɔ á re bǐɛ̃ koe!» Min mɛnɛn bɛ́ koe ǹ dinin taasiɛ baraan lɛ, maǹ pii bɛn manɛ: «Baraa a re ka yii wa!»


Bɛa waáraa kəni, maǹ die Zeruzalɛmu bíi, «Dɛnaa Lawa a kii dankan.» Tɔrɔn tumaa n die n soekɔn ka Dɛnaa Lawa tɔ nɛ Zeruzalɛmu. Ǹ ba re koe ǹ foo kakabaa kɛ laanka ǹ taasiɛ baraan kɛn lɛ wa.


Bɛ lɛ taman yii, kɛ pɛ Izirayeli tɔrɔn lɛn manɛ: «Masɛ Dɛnaa Lawa gole n kɛ pii: Haya! Ka bɛ́ ká ka digolon giã ǹ gɔn saa, ká kɔrɔbaa zɛnaa kun ka ǹ dì bɔbɔnɛɛn kɛn nɛ, ka n ká *gɔ̀ da ka dinin ganaa.


Haya! Ka digolon nə sii mɛn giala kɔ, kasɛn nə n doa ka a lɛ pã!


A giala, ma á doɛ̃, máa maa gɛ̀ kio, ka tá re n dinin ziziɛ̃. Ma zii mɛn nyaa ka nɛ, ka tá re kanɛɛ ka n bɔ bɛ la. Bɛa giala-nyɔmiɛ̃ lɛ á re bɔ̀n biɛ ka ganaa. A giala, sii mɛn bɛ́ a ba siĩni Dɛnaa Lawa yii li wa, ka n die bɛ lɛ zɛnɛɛ, ka a foo yoo ne.»


A Zozoe yii toa koo, Izirayeli minin lɛn nə́ dí nya Dɛnaa Lawa nɛ. Min golen mɛnɛn nə goã a kio, bɛn nə́ Dɛnaa Lawa a nya ǹ dín lɛn tumaa yɛ Izirayeli minin wɔ paǹ li. A bɛn dɔn yii toa koo, Izirayeli minin lɛn nə́ dí nya Dɛnaa Lawa nɛ.


Sɛnɛ, ka bɛ́ ka masɛ toa walan, ka dí nya lawa kɔsɔn manɛ, bɛ lɛ na á toa, ma a re wusii ma ka kirisibaa doo wa.


Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.


Dɛnaa Lawa foo yoo Izirayeli minin lɛn li, á tɔ́n pɛ: «Tɔrɔ kɛ lɛ a minin nə́ maa lɛ kɔ kɔn la ziziɛ̃, lɛ kɔ kɔn la kɛ lɛ má wɔ ka ǹ digolon ne. Ǹ nə n too kɔ maa boo-a wa.


Zozoe yii goã koo biikoo mɛn tumaa li, min golen mɛnɛn dɔn yii goã koo Zozoe kio ǹ nə́ Dɛnaa Lawa a nya ǹ dí gole kɛ yɛ Izirayeli minin lɛn wɔ paǹ li, zaman lɛ dí nya Dɛnaa Lawa nɛ, bɛn biikoo lɛ tumaa gɔ́ɔ̃ nɛ.


Ewuudu a gɛ̀ kio, sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo doo, ǹ nə́ bɛ zɛnaa.


Zediɔ̃ a gɛ̀ kio, Izirayeli minin lɛn nə́ wusoo ǹ ná a giala kɔ ǹ nə́ kɔrɔbaa zɛnaa kun ka *Baali dìn kɛn nɛ. Dì lɛ a mɛn bɛ́ ǹ tá bíi Baali-Beriti ǹ nə́ bɛ saa, ǹ nə́ baa ǹ lawa lɛa.


Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ