Sii yɔrɔ-bɔlen 2:15 - LAWA A BOO SONBORE

¹⁵ Ǹ soo a wo zia baa gogoonmaa yii, Dɛnaa Lawa gɔn na á goã ǹ gialaa, á ń baraa zɛnɛɛ ǹ nɛ, ka a din bɛ́ á goã á pɛ ǹ nɛ lɔn, á n liɛ ǹ nɛ. Á nɔmaa baa ǹ ganaa parsiini.

LAWA A BOO SONBORE 2011

¹⁵ Ǹ soo a wo zia baa gogoonmaa yii, Dɛnaa Lawa gɔn na á goã ǹ gialaa, á ń baraa zɛnɛɛ ǹ nɛ, ka a din bɛ́ á goã á pɛ ǹ nɛ lɔn, á n liɛ ǹ nɛ. Á nɔmaa baa ǹ ganaa parsiini.

Sii yɔrɔ-bɔlen 2:15 ပူးပေါင်းရင်းမြစ်များ

KZS2 12:1

Roboamu a kiibaa gòã bɛ́ á wɔ tán, màn mɛ a pàã li, a kɔ Dɛnaa Lawa a dí-pɛ kɛ lɛ doo wa. Izirayeli zaman tumaa dɔ nə n saa li.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 21:10

Dɛnaa Lawa a da ǹ boo á ke: Hiĩ, man die yui Zeruzalɛmu gialaa, ma baraa zɛnaa nɛ, bǐɛ̃ boo bie wa. Man die we Baabiloniin kii gɔn, a tɛ da a ganaa.»

Zeremii 44:11

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Man die yui ka gialaa, ma koe bɔ ka ganaa, ma Zudaa gána a zaman tumaa dɛ.

Zeremii 44:27

Man die n yii soe ǹ ganaa ǹ koe yɛ a lɛa. Zudaa minin mɛnɛn bɛ́ giã-n Ezipti gána nɛ, zia laanka bòo á re ǹ dii. Ǹ goon din ba re goɛ̃ wa.

Misee 2:3

Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Korɛnti2 4:8

Fuu tɔrɔ tumaa n guĩ lɛa ma kɔrɔn ma paǹ tumaa li, sɛnɛ, a ma dii wa; ma gɔ́ɔ̃ n bii ni, sɛnɛ, ma yiri ba n sii ma la wa;

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Sii yɔrɔ-bɔlen 10:9

Amɔn tɔrɔn dɔn nə́ Zurdɛ̃ tà kuru, ǹ nə́ woo zia baa Zudaa laanka Bɛnzamɛn tɔrɔn ganaa, ka Efrayimu tɔrɔn nɛ. Á nɔmaa gole baa Izirayeli minin lɛn ganaa.

Uruti 1:13

ka á re n yii diɛ bɛn gole kɔ la? Ka á re n piɛ̃ ka giĩ-n bɛa lɛa? Haayii maa nɛlɔn lɛn. A giala, sii kɛ lɛ din a lɛ kɔɔsɛbaa á gole masɛ ganaa á la kaa wɔ nɛ. Dɛnaa Lawa din na á kɛ da masɛ mìi ni.»

Samayeli1 12:15

Sɛnɛ, bɛ̀ ka n too kɔ Dɛnaa Lawa lon wa, bɛ̀ ka n piã ka Dɛnaa Lawa a boon ne, ka á re nɔmiɛ̃ Dɛnaa Lawa gɔn ka ka din wɔ bɛ́ lɔn.

Samayeli1 13:6

Izirayeli minin lɛn yii na á goã a ganaa mà ǹsɛn tá re bɔ̀n biɛ, a giala, Filisiti minin lɛn nə́ kunu kɔ zaman lɛ ganaa ǹ ná a lɛ gɛwaa. Zaman lɛ nə́ n duru kele yalan nɛ, kɔlɔ biin ni, nyankɔrɔ gɔ́ɔ̃n nɛ, ka da kusin ni.

Samayeli1 14:24

Izirayeli minin lɛn nə́ nɔmaa bɛa pinaa kɛ lɛ nɛ, a giala, Sayulu nə́ n liɛ á da ǹ bɔlɔ-a kɛnɛn: «Min mɛn bɛ́ re màn-bii we a lɛ-n, wasa ná a tɔn mɛn wa, masɛ n ma tɔn dòo bɔ maa zɔ́ɔn ganaa wa, koe die a bɔ bɛa dɛnaa ganaa.» A bɛ miɛ̃, min kɔn nə yɛ kun ka zaman lɛ nɛ, á màn boɛɛn wɔ a lɛ-n wa.

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.