Sii yɔrɔ-bɔlen 19:12 - LAWA A BOO SONBORE

¹² A dɛnaagiĩ lɛ ná a lɛ si: «Wɔ a re golee tɔrɔ kɔsɔn kiwi kɛ-n kànaa wa, kiwi mɛn nə́ ke, Izirayeli min goon ná a ba a-n wa. Wɔ n die woe yǎa Gibeya kiwi.»

LAWA A BOO SONBORE 2011

¹² A dɛnaagiĩ lɛ ná a lɛ si: «Wɔ a re golee tɔrɔ kɔsɔn kiwi kɛ-n kànaa wa, kiwi mɛn nə́ ke, Izirayeli min goon ná a ba a-n wa. Wɔ n die woe yǎa Gibeya kiwi.»

Sii yɔrɔ-bɔlen 19:12 ပူးပေါင်းရင်းမြစ်များ

Izayii 10:29

Maǹ koe zii bɔnboɛɛnɛn lɛ kelen bii ǹ nə́ pii: «Ka daa wɔ nyəə Gebaa.» Ramaa kiwi, minin man bìn diɛ ǹ nyɛɛnɛ. Gibeya, Sayulu a kiwi minin man baa sii.

Ozee 5:8

Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Zozoe 18:25

Kiwi kɔsɔn mɛnɛn dɔn nə goã ǹ wɔn lɛa, bɛn man ka kɛn nɛ: Gabawɔ̃, Ramaa, Beerɔti,

Zozoe 18:28

Selaa, Elɛfu, Zebuzu bɛ giala mà Zeruzalɛmu, Gibeya, Kiriyati-Yarimu. Bɛn man kiwi dadara fulusii, ka ǹ lɛkoro lɛ-a kiwi bisinin ni. Bǎã mɛn dɔ Bɛnzamɛn tɔrɔn tanlɛ minin lɛn ganaa kíɛ̃ lɛa, a din nə ka kɛ nɛ.

Sii yɔrɔ-bɔlen 19:11

Ǹ bɛ́ dirii Zebuzu kiwi la, bɛ̀ wasa mɛ taãn-taãnɛ. Dí-nyali lɛ tɔ́n pɛ a dɛnaagiĩ-n kɛnɛn: «Zebuzu minin kiwi á ke. Daa wɔ wo waa walan.»

Sii yɔrɔ-bɔlen 19:13

Levii tɔrɔ lɛ wusoo á pɛ a dí-nyali lɛ nɛ: «Daa wɔ wo bǎãn kɛn goon ne, Gibeya hinlaa Ramaa, wɔ waa walan.»

Samayeli1 10:26

Sayulu dɔ kiɛ̃ á woo a piɛ Gibeya kiwi. Min foo taãnaan mɛnɛn bɛ́, Lawa dí nya ǹ foo ne, bɛn nə́ woo kun ka Sayulu ni.

Samayeli1 13:2

Sayulu giĩ duu sɔɔ (3 000) bɔ Izirayeli gána nɛ. A duu paa (2 000) goã kun ka a din ni Mikmaasi kiwi, ka Betɛli kele la nɛ. Á duu goon (1 000) kɛ dɔ́ goã kun ka Zonaatan nɛ Gibeya, Bɛnzamɛn tɔrɔn tán la. Sayulu zaman gialakun lɛ dia piɛ.