Sii yɔrɔ-bɔlen 19:1 - LAWA A BOO SONBORE

¹ Kii bɛ́ a goã Izirayeli minin lɛn mìi la ǹ mɛn waáraa wa, Levii tɔrɔ goon na á goã giã-n Efrayimu a kele yii bǎã kɛ kio. Á goã we lɔ goon lɛ Bɛtlehɛmu kiwi, Zudaa gána nɛ.

LAWA A BOO SONBORE 2011

¹ Kii bɛ́ a goã Izirayeli minin lɛn mìi la ǹ mɛn waáraa wa, Levii tɔrɔ goon na á goã giã-n Efrayimu a kele yii bǎã kɛ kio. Á goã we lɔ goon lɛ Bɛtlehɛmu kiwi, Zudaa gána nɛ.

Sii yɔrɔ-bɔlen 19:1 ပူးပေါင်းရင်းမြစ်များ

Siin Giala 22:24

A bɛ́ kun ka lɔ kɔsɔ mɛn nɛ, a tɔ n Rewumaa, bɛ dɔ́ nɛnyaanan yɛ: Tebaa nɛ, Gahamu ni, ka Taasi laanka Maakaa nɛ.

Siin Giala 25:6

Sɛnɛ, Abrahamu yii bɛ́ tɔn koo ǹ mɛn waáraa, a ná a bɛ̀rɛlɔn nɛgiĩn lɛn dɔn gɔ ka màn nɛ, bɛ kio, á tɔn nə ǹ na, á ǹ bɔ a nɛgiĩ Izaaki ganaa, á ǹ dia gána kɔ́n nɛ lɛ̀giala-n.

Siin Giala 35:19

Raseli gã, ǹ ná a gere bĩ Efrataa zii la. Efrataa kiwi lɛ nɛ, ǹ tá bíi Bɛtlehɛmu.

Samayeli2 16:22

Ǹ nə́ mɔnaa kion goon doa Abusalɔn wɔ lɛa kala-n. Abusalɔn woo n dɔ bɛ lɛ nɛ, á giã kun ka ǹ di a lɔ kɔsɔn lɛn nɛ, Izirayeli minin tumaa yii ni.

Samayeli2 19:5

Kii lɛ sɛ na á goã á n gɔnɔn kɔ a yɔrɔ lɛ. A na á goã n lɛ dii kɔsɛkɔsɛ á n pii: «E, maa nɛ Abusalɔn, Abusalɔn, wui maa nɛ, maa nɛ!»

Samayeli2 20:3

Davida nə́ n bɔyaa á daa piɛ Zeruzalɛmu. A goã á lɔ fù mɛn toa piɛ, mà ǹ ga kion walan, á bɛn waa á ǹ kaa kion kɔn nɛ, á min koa ǹ li, bɛ ń giɛ ǹ walan taãn-taãnɛ. Davida din na á goã ǹ laadoo mànan koe ǹ la. Sɛnɛ, a giã kunun ǹ ni doo wa. Ǹ dɔn man nə́ goã kion miɛ̃ ka lɔ giɔɔrɔn manɛ, yǎa á woo kaa ǹ gɛ̀ pinaa lɛ.

Samayeli2 3:7

Lɔ kɔsɔ goã Sayulu gɔn li, a tɔ n Rispaa, Ayiyaa a nɛlɔ nɛ. Ǹ kɔn pinaa, Isbosɛti pɛ Abnɛɛrɛ nɛ: «Wàa na á baa ń giã kun ka masɛ a díi a lɔ nɛ?»

Samayeli2 5:13

Davida bɛ́ á bɔ Ebrɔn á daa Zeruzalɛmu, á san kɔsɔn bɔ walan, á lɔn dɔn goa. Bɛn dɔn nə́ wusoo ǹ nə́ nɛgiĩn laanka nɛlɔn yɛ Davida wɔn lɛa.

Kiin1 11:3

Kii nɛ biɛsɔbaa (700) na á goã Salomɔn lon lɔ lɛa, lɔn kɔsɔn mɛnɛn bɛ́ a gɔn para li, bɛn man lɔ biɛsɔɔ (300). A lɔn lɛn ná a yiri bɔyaa.

Kiin1 4:8

Bɛa gánadɛnan lɛn tɔn nə́ ke: Uuru a nɛgiĩ na á goã kiwin mìi la Efrayimu a kele yii kɛ nɛ.

KZS2 11:21

Roboamu na á Maakaa, Abusalɔn a nɛlɔ kɛ narɛ á la a lɔn manɛ ka a lɔ gialakunun kɛn tumaa nɛ. A lɔ baaraa n fulukiwisi, ka kɔsɔn kɛn dɔn nɛ pɔsɔrɔ, nɛgiĩ fuəwenkiwisi ka nɛlɔ pɔsɔrɔ nɛ.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Zozoe 24:30

Bǎã mɛn dɔ a ganaa kíɛ̃ lɛa, ǹ ná a gere bĩ walan, Timinaati-Seraa kiwi, Efrayimu a kele yii bǎã kɛ nɛ, Gaasi kele a gɔsɛ a lɛ̀gɔn la.

Zozoe 24:33

Aarɔn a nɛgiĩ Eleyazaara dɔ́ gã. Kele bǎã mɛn dɔ a nɛgiĩ Pinaasi ganaa, ǹ ná a gere bĩ walan. Maǹ nə́ goã ǹ nə́ bɛa bǎã lɛ kɔ la Efrayimu kele yii ni.

Sii yɔrɔ-bɔlen 12:8

Zɛftee kio, Bɛtlehɛmun giĩ Ibsan na á Izirayeli minin lɛn sii yɔrɔ bɔ.

Sii yɔrɔ-bɔlen 17:1

Giĩ goon na á goã Efrayimu a kele yii bǎã kɛ nɛ, a tɔ n Mikayewuu.

Sii yɔrɔ-bɔlen 17:6

Bɛa waáraa kɛ lɛ nɛ, kii goã Izirayeli minin lɛn mìi la wa, didie na á goã a din foo sii zɛnɛɛ.

Sii yɔrɔ-bɔlen 17:7

A biikoo li, bɛ̀ tɔntɔraa goon tá giã-n Bɛtlehɛmu, Zudaa gána nɛ. A n Levii tɔrɔ lɛa.

Sii yɔrɔ-bɔlen 17:8

A na á soo Bɛtlehɛmu, á woo ga giã ǹ bǎã li, a n tii biɛ a nɛ. A bɛ́ zii la woe, á dɔ Miikaa a piɛ, Efrayimu kele yii bǎãn kɛn nɛ.

Sii yɔrɔ-bɔlen 18:1

Bɛa waáraa kɛ lɛ nɛ, kii goã Izirayeli minin lɛn mìi la wa. Bɛa biikoo li, Dan tɔrɔn man nə́ goã giɛ giã ǹ bǎã li. A giala, á woo dɔ bɛa biikoo lɛ ganaa, bɛ̀ ǹ tɔn giã ǹ bǎã yɛ Izirayeli minin lɛn bii, ǹ dinin wɔ lɛa wa.

Sii yɔrɔ-bɔlen 18:13

Ǹ nə́ n toa walan ǹ nə́ woo Efrayimu a kele yii bǎãn kɛn nɛ, ǹ nə́ dɔ Miikaa a piɛ.

Sii yɔrɔ-bɔlen 19:16

A din wasamiɛ̃n lɛ nɛ, bɛ̀ giĩ gole goon nə́ ke boe a wuru dí nyaǹ bǎã-n die piɛ. Efrayimu a kele yii bǎãn kɛn min goon ne. Sɛnɛ, a na á goã giã-n Gibeya. A da yaa, bɛa bǎã lɛ a minin man Bɛnzamɛn tɔrɔn lɛa.

Sii yɔrɔ-bɔlen 19:2

Lɔ lɛ kɔrɔbaa zɛnaa nɛ, á soo á n bɔ li, á woo ǹ di kion, Bɛtlehɛmu kiwi, Zudaa gána nɛ. Á giã walan yǎa mui sii.

Sii yɔrɔ-bɔlen 21:25

Bɛa waáraa kɛ lɛ nɛ, kii goã Izirayeli minin lɛn mìi la wa, didie na á goã a din foo sii zɛnɛɛ.

Sii yɔrɔ-bɔlen 3:27

A din dɔ walan lɔn, a na á bɛn pɛ Efrayimu a kele yii kɛ nɛ. Izirayeli minin lɛn nə́ gisĩ kun ni ǹ nə́ n bɔ kele lɛ la, a din nə́ ǹ nyɛɛnɛ.