Sii yɔrɔ-bɔlen 18:7 - LAWA A BOO SONBORE

⁷ Giĩ min sooro lɛ woo Layisi kiwi. Min mɛnɛn bɛ́ giã-n walan, ǹ nə́ yɛ mà bɛn man yii-nyɛɛ gɔ́ɔ̃ nɛ, ka Sidɔn minin kɛn bɛ́ lɔn. Maǹ là nyantoro la, ǹ yiri n bǎã goon ne. Min kɔn goã gána lɛ gɔ́ɔ̃ nɛ, pàã n bɛ gɔn, a n fuu nyɛɛ ǹ nɛ ka yɔrɔ kɔn nɛ wa. Layisi minin lɛn bǎã goã sɔsɔɔ Sidɔn minin lɛn ganaa, ǹ sii goã min kɔn wɔ gɔ́ɔ̃-n wa.

LAWA A BOO SONBORE 2011

⁷ Giĩ min sooro lɛ woo Layisi kiwi. Min mɛnɛn bɛ́ giã-n walan, ǹ nə́ yɛ mà bɛn man yii-nyɛɛ gɔ́ɔ̃ nɛ, ka Sidɔn minin kɛn bɛ́ lɔn. Maǹ là nyantoro la, ǹ yiri n bǎã goon ne. Min kɔn goã gána lɛ gɔ́ɔ̃ nɛ, pàã n bɛ gɔn, a n fuu nyɛɛ ǹ nɛ ka yɔrɔ kɔn nɛ wa. Layisi minin lɛn bǎã goã sɔsɔɔ Sidɔn minin lɛn ganaa, ǹ sii goã min kɔn wɔ gɔ́ɔ̃-n wa.

Sii yɔrɔ-bɔlen 18:7 ပူးပေါင်းရင်းမြစ်များ

Kiin1 1:6

Adoniya yɛ tán nɛ lɛa lɔn, ǹ di bin na a zɛ̀rɛ baa ǹ kɔn pinaa á pɛ nɛ mà wàa na á baa a tá kɛ biɛ kɛnɛn ka kɛnɛn wa. Ka bɛ dɔ nɛ, á goã siĩn parsiini. Abusalɔn goã zizi ni.

Kiin1 16:31

A bie á kɔ Nebaati a nɛgiĩ Zeroboamu a sii zɛnaan dininsɔɔ̃nɔn lɛ wa, sɛnɛ á woo ǹ daa Sidɔn minin kii Etibaali a nɛlɔ Zezabɛli la, á saa lɔ lɛa. Ka bɛ dɔ nɛ, á woo dì *Baali kɛ guguru kɔ, á kaa tán a giulun.

KZS1 4:40

N nə́ tɔ́n tɔɔn buu sɔ̃ ǹ bǎã siĩn sonbore yɛ bɛa bǎã lɛ nɛ, bǎã lɛ na á goã gole, là nyantoro ná a nɛ, màn nə́ bǐɛ̃ koe a nɛ. A na á goã Kaamu tɔrɔn giã n bǎã lɛa lɛlɛ.

Zeremii 49:31

Ka yoo, ka wo tɔrɔ kɛn gialaa ǹ nə́ ǹ ba n taasɛ ka sii kɔn nɛ wa. Maǹ taasɛ mà ǹsɛn man yii-nyɛɛ gɔ́ɔ̃ nɛ. Dɛnaa Lawa a da ǹ boo ne. Goo ba ǹ kiɛnlɛn lɛ wa goo nɛ ba ǹ ganaa wa. Maǹ giã-n tiãlɛa.

Rɔmu minin 13:3

Sonbore, sii bǐɛ̃-zɛnaalin doamaa bie, ǹ nyɛ́ɛ baa pàãdɛnan man wa, sii baraa-zɛnaalin doamaa nɛ ǹ nyɛ́ɛ baa ǹ nɛ. Táa n ba li n nyɛ́ɛ baa goledɛnaa-n wa? Bǐɛ̃ zɛnaa, á re n para pii.

Zozoe 19:47

Sɛnɛ, Dan tɔrɔn bǎã lɛ gèlè papaã ǹ la. Bɛ lɛ nɛ, Dan tɔrɔn lɛn nə́ woo zia baa Lesɛmu kiwi ganaa, ǹ nə́ kũ. Ǹ nə́ kiwi minin lɛn dɛ, ǹ nə́ kiwi lɛ si ǹ nə́ giã a nɛ. Ǹ nə́ ǹ digolo Dan tɔ kɔ Lesɛmu kiwi lɛ ganaa.

Piɛrɛ1 2:14

Ka bɛ dɔ kio wɔ a kiin kɛn bɔlɔ si, maǹ kii gole lɛ a dia dí-a wolen lɛa, ǹ nə́ dɔlɔ boe sii babaraa-zɛnaalin ganaa, ǹ nə́ sii bǐɛ̃-zɛnaalin para pii.

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»

Sii yɔrɔ-bɔlen 18:29

Ǹ nə́ kiwi lɛ tɔ bɔyaa, ǹ nə́ bíi mà Dan, a kɔnpɛ ka ǹ digolo Dan tɔ nɛ, bɛ mɛn bɛ́ á goã Zakɔba a nɛgiĩ lɛa. Bɛ bie wa lɛlɛ, kiwi lɛ tɔ na á goã Layisi.

Sii yɔrɔ-bɔlen 18:6

Wúlu-bɔle lɛ tɔ́n pɛ ǹ nɛ: «Ka wo ka là nyantoro ne. Ka bɛ́ zii tɔ mɛn we, Dɛnaa Lawa á re miɛ ka nyɛɛnɛ!»

Sii yɔrɔ-bɔlen 18:8

Giĩ min sooro lɛ nə́ n bɔyaa, ǹ nə́ daa ǹ dɔɔ̃nɔn lɛn li Soreya laanka Ɛsitawɔli kiwi. Ǹ dɔɔ̃nɔn lɛn nə́ nɔ̀n da ǹ la mà maǹ wàa taasɛ gána lɛ wɔ paǹ li?

Samayeli1 3:13

Má pɛ nɛ, máa ma á re dɔlɔ boe a kion ganaa duduu a sã lɛ taman yii. Á goã doɛ̃ mà a nɛnyaanan lɛn man barka boe masɛ Lawa nɛ, sɛnɛ, a na á bɔ ǹ gɔn lɛ-a wa.