Sii yɔrɔ-bɔlen 18:28 - LAWA A BOO SONBORE

²⁸ Layisi kiwi lɛ na á goã Bɛti-Rehɔbu a nyankɔrɔ basa kɛ nɛ, a wɔlɔ n lui-n Sidɔn kiwi ganaa. A minin lɛn wɔ goã min kɔn wɔ gɔ́ɔ̃-n wa. Bɛ lɛ n ke min kɔn yɛ, á daa ǹ si á ǹ kaa wa. Dan minin nə́ wusoo ǹ nə́ kiwi lɛ dɔ, ǹ nə́ giã a nɛ.

LAWA A BOO SONBORE 2011

²⁸ Layisi kiwi lɛ na á goã Bɛti-Rehɔbu a nyankɔrɔ basa kɛ nɛ, a wɔlɔ n lui-n Sidɔn kiwi ganaa. A minin lɛn wɔ goã min kɔn wɔ gɔ́ɔ̃-n wa. Bɛ lɛ n ke min kɔn yɛ, á daa ǹ si á ǹ kaa wa. Dan minin nə́ wusoo ǹ nə́ kiwi lɛ dɔ, ǹ nə́ giã a nɛ.

Sii yɔrɔ-bɔlen 18:28 ပူးပေါင်းရင်းမြစ်များ

Samayeli2 10:6

Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

Samayeli2 14:6

Nɛgiĩ paa na á goã ma lon. Ǹ kɔn pinaa, ǹ dinin paanan zia da don, min kɔn yɛ, á ǹ waa kɔn wa, goon nə́ ǹ miã dɛ á gã.

Samayeli2 24:6

Ǹ nə́ soo walan ǹ nə́ woo Galaati gána nɛ. Ǹ nə́ n toa walan, ǹ nə́ woo Taatimu-Odosii gána nɛ. Bɛ kio, ǹ nə́ woo Dan-Yaani. Ǹ nə́ n toa Dan-Yaani, ǹ nə́ woo Sidɔn li.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Loen 7:2

Dɛnaa Lawa, maa Lawa, man kiɛ n din yele. Min mɛnɛn bɛ́ fuu nyɛɛ ma nɛ, ma kanbaa ǹ ganaa, n ma si ǹ la.

Izayii 23:12

Dɛnaa Lawa n kɛ pii: «Sidɔn a zaman, ka a re boe la ka kaa zɔ́nɔn zɛnaa doo wa. Ma nə n kɔnbɔ ka nɛlɔ ten mɛn bɛ́ ǹ nə́ kũ ka pàã nɛ. A giala, ta ń yìsi mu la bɔ ń woo yǎa Siipri, n ba re susui yii walan dɔ din ni wa.

Izayii 23:4

Sidɔn, nsɛ mɛn bɛ́ Yìsi mu gole pàã lɛa n wɔ n ka sìi ni: «Ma nɔɔrɔ kɔ wa. Ma nɛ yɛ wa. Ma nɛginin too wa, hinlaa nɛlɔ gole kɔ ma gɔn wa.»

Minin nimi 13:21

Bɛ kio, ga bǎã ganaa wolen lɛn nə́ woo. Ǹ nə́ gána lɛ a gama a saa tán Sinin diə gole kɛ nɛ yǎa Rewɔbu kiwi, kunu Lebo-Amaati kiwi ganaa.

Zozoe 11:8

Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.

Zozoe 19:28

A kiɛ̃ a bɔ Abdɔn, a bɔ Rehɔbu, Hamɔn laanka Kana nɛ, a kiɛ̃ a wo yǎa Sidɔn-Gole kɛ nɛ.

Sii yɔrɔ-bɔlen 18:1

Bɛa waáraa kɛ lɛ nɛ, kii goã Izirayeli minin lɛn mìi la wa. Bɛa biikoo li, Dan tɔrɔn man nə́ goã giɛ giã ǹ bǎã li. A giala, á woo dɔ bɛa biikoo lɛ ganaa, bɛ̀ ǹ tɔn giã ǹ bǎã yɛ Izirayeli minin lɛn bii, ǹ dinin wɔ lɛa wa.

Sii yɔrɔ-bɔlen 18:29

Ǹ nə́ kiwi lɛ tɔ bɔyaa, ǹ nə́ bíi mà Dan, a kɔnpɛ ka ǹ digolo Dan tɔ nɛ, bɛ mɛn bɛ́ á goã Zakɔba a nɛgiĩ lɛa. Bɛ bie wa lɛlɛ, kiwi lɛ tɔ na á goã Layisi.

Sii yɔrɔ-bɔlen 18:7

Giĩ min sooro lɛ woo Layisi kiwi. Min mɛnɛn bɛ́ giã-n walan, ǹ nə́ yɛ mà bɛn man yii-nyɛɛ gɔ́ɔ̃ nɛ, ka Sidɔn minin kɛn bɛ́ lɔn. Maǹ là nyantoro la, ǹ yiri n bǎã goon ne. Min kɔn goã gána lɛ gɔ́ɔ̃ nɛ, pàã n bɛ gɔn, a n fuu nyɛɛ ǹ nɛ ka yɔrɔ kɔn nɛ wa. Layisi minin lɛn bǎã goã sɔsɔɔ Sidɔn minin lɛn ganaa, ǹ sii goã min kɔn wɔ gɔ́ɔ̃-n wa.