Sii yɔrɔ-bɔlen 18:20 - LAWA A BOO SONBORE

²⁰ Boo lɛ wúlu-bɔle lɛ foo kɔɔ̃n kɔ. Á dì dí nya ǹ mɔnaa lɛ laanka kion lɛduə̃ ǹ dìn lɛn goa, á n dɔ zaman lɛ bii.

LAWA A BOO SONBORE 2011

²⁰ Boo lɛ wúlu-bɔle lɛ foo kɔɔ̃n kɔ. Á dì dí nya ǹ mɔnaa lɛ laanka kion lɛduə̃ ǹ dìn lɛn goa, á n dɔ zaman lɛ bii.

Sii yɔrɔ-bɔlen 18:20 ပူးပေါင်းရင်းမြစ်များ

Suusun 30:15

Tìntìn a nɛlɔ n paa: Maǹ pii: «A kɔ! A kɔ!» Màn sɔɔ na a tan sii ba ǹ yii kiɛ̃ duduu wa, a siibaa ǹ wɔ tan a ba pii ǹ kɔn pinaa "ka toa miɛ̃" wa:

Izayii 56:11

Maǹ kuruun lɛa, ǹ ba màn kɔn toɛ wa. Ǹ ba kiɛ̃ wa. Wɔlɔ-lɛduə̃lin manɛ, ǹ ba sii kɔn giala miɛ wa. Maǹ nə ǹ dinin foo siin zɛnɛɛ. Ǹ didie n giɛ a din a là li.

Ezekieli 13:19

Ka masɛ yii puusə kɔ, maa zaman lɛ yɔrɔ-a, *ɔrzi gɔn yii goon a lɛa ka buuru lɛkoron ne. Ka doamaa bɛ́ nɛ ka min mɛnɛn yii toa koo, ka n bɛn dii; ka doamaa bɛ́ nɛ ka min mɛnɛn dɛ, ka ǹ bɛn yii toɛ koo. Maa zaman lɛ bɛ́ a ba n mìi bibiĩ doɛ̃ wa, ka nə ǹ yiri siɛ̃ ka bɛa yɔrɔ lɛ nɛ.»

Ezekieli 21:21

Haya, gɔya lɛ bɔle-a! A dɛ bɛ̀ n wo gusin, n bɔyaa n dɛ bɛ̀ n wo gɔsɛ, n nyan bǎã kɔn din toa wa.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Nya ǹ dín 20:33

Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Sii yɔrɔ-bɔlen 17:10

Miikaa tɔ́n pɛ nɛ: «Giã masɛ a kion, n baa masɛ a díi lɛa, n maa sumu a wúlu bɔ. Ma á re wɔrɔ fù koe n la lɛ̀ woo lɛ̀. N laadoo bɛ́ wɔ ǹ mɔnaa laanka màn-bii mɛn dɔ ganaa, ma á re bɛ dɔ koe n la.» Levii tɔrɔ lɛ golee.

Sii yɔrɔ-bɔlen 18:19

Ǹ nə́ tɔ́n pɛ nɛ: «N lɛ tã, n baran n lɛ tɔ boo-n doo wa. Kiɛ̃ n nə n tá kun ka wɔsɛn nɛ, n nə n baa wɔsɛn díi laanka wɔa wúlu-bɔle lɛa. N goã giĩ goon a wúlu-bɔle lɛa, hinlaa tɔrɔ laanka tanlɛ goon a minin wúlu-bɔle lɛa Izirayeli gána nɛ, ǹ mɛn nə soɛ?»

Sii yɔrɔ-bɔlen 18:21

Bɛ kio, Dan minin lɛn nə́ wusoo ǹ nə́ zii saa, ǹ nə́ ǹ nɛnyaanan kaa ǹ nyɛɛnɛ, ǹ tɔɔn nɛ ka ǹ mànan nɛ, ǹ nə́ woo.