Sii yɔrɔ-bɔlen 18:10 - LAWA A BOO SONBORE

¹⁰ Bɛ̀ ká wɔ gána lɛ nɛ ǹ mɛn waáraa, ka á re woe a minin yiɛ yii-nyɛɛ gɔ́ɔ̃ nɛ. Gána lɛ á gole a paǹ tumaa li, Lawa wɔ ka gɔn. Màn mɛn tumaa bɛ́ tán la, bɛ kɔn wɛɛ̃ ba bɛa bǎã kɛ lɛ-n wa.»

LAWA A BOO SONBORE 2011

¹⁰ Bɛ̀ ká wɔ gána lɛ nɛ ǹ mɛn waáraa, ka á re woe a minin yiɛ yii-nyɛɛ gɔ́ɔ̃ nɛ. Gána lɛ á gole a paǹ tumaa li, Lawa wɔ ka gɔn. Màn mɛn tumaa bɛ́ tán la, bɛ kɔn wɛɛ̃ ba bɛa bǎã kɛ lɛ-n wa.»

Sii yɔrɔ-bɔlen 18:10 ပူးပေါင်းရင်းမြစ်များ

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Timəə dí-pɛn 2:29

Ezawu tɔrɔn mɛnɛn bɛ́ giã-n Seyiiri, ka Moabu minin kɛn nɛ giã-n Aara, bɛn nə lɛ kɔ wɔ la lɔn, ka dɔn nə lɛ kɔ wɔ la miɛ̃, yǎa wɔ Zurdɛ̃ tà kɛ kuri, wɔ woe doe gána kɛ nɛ, wɔa Lawa, Dɛnaa Lawa n koe wɔ la.»

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Zozoe 2:23

Bɛ kio, giĩ min paa lɛ soo ǹ duru ǹ bǎã nɛ, ǹ nə́ gisĩ ǹ nə́ n bɔ kelen lɛn la. Ǹ nə́ Zurdɛ̃ tà kuru, ǹ nə́ daa Nunu a nɛgiĩ Zozoe li. Sii mɛn tumaa nə ǹ yɛ, ǹ nə́ bɛ laakalaa nɛ.

Zozoe 2:24

Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Zozoe 6:16

A gunyin sɔbaabaa ǹ wɔ li kəni, wúlu-bɔlen lɛn nə́ bɛn pɛ. Zozoe tɔ́n pɛ zaman lɛ nɛ mà ǹ nə n lɛ dɛ, a giala, mà Dɛnaa Lawa kiwi lɛ kɔ ǹ la.

Sii yɔrɔ-bɔlen 18:11

Dan tɔrɔn lɛn min biɛ sɔrɔ tɔ́n yoo walan, Soreya laanka Ɛsitawɔli kiwi, ǹ nə́ woo ka ǹ ziabaa ǹ mànan nɛ ǹ gɔn.

Sii yɔrɔ-bɔlen 18:27

Miikaa mànan mɛnɛn zɛnaa, ka wúlu-bɔle mɛn dɔ bɛ́ á goã a dí nyɛɛ, Dan tɔrɔn lɛn sɛn nə́ woo ka bɛn nɛ. Ǹ nə́ daa Layisi minin gialaa, bɛn mɛnɛn bɛ́ là nyantoro gɔ́ɔ̃ nɛ, ǹ yiri n bǎã goon ne. Ǹ nə́ Layisi minin lɛn dɛ, ǹ nə́ tɛ da ǹ kiwi lɛ ganaa.

Sii yɔrɔ-bɔlen 18:7

Giĩ min sooro lɛ woo Layisi kiwi. Min mɛnɛn bɛ́ giã-n walan, ǹ nə́ yɛ mà bɛn man yii-nyɛɛ gɔ́ɔ̃ nɛ, ka Sidɔn minin kɛn bɛ́ lɔn. Maǹ là nyantoro la, ǹ yiri n bǎã goon ne. Min kɔn goã gána lɛ gɔ́ɔ̃ nɛ, pàã n bɛ gɔn, a n fuu nyɛɛ ǹ nɛ ka yɔrɔ kɔn nɛ wa. Layisi minin lɛn bǎã goã sɔsɔɔ Sidɔn minin lɛn ganaa, ǹ sii goã min kɔn wɔ gɔ́ɔ̃-n wa.

Sii yɔrɔ-bɔlen 18:9

Ǹ nə́ ǹ lɛ si: «Ka yoo wɔ n tá ǹ gialaa, a giala, wɔsɛn nə́ gána lɛ yɛ. Á ke, gána kɔɔ̃n kɔɔ̃n nɛ. Ka n tɔn tán kiĩni, ka n kaa boo kɔn diɛ wa? Ka baran giã tán ka n saa yoo-baa li, ka n ka a yui woe gána lɛ kuĩ, ka n biɛ kaa wɔ lɛa wa.