Sii yɔrɔ-bɔlen 17:13 - LAWA A BOO SONBORE

¹³ Miikaa tɔ́n pɛ: «Kanna kəni, ma á doɛ̃ máa Dɛnaa Lawa á re sii bǐɛ̃ zɛnɛɛ masɛ nɛ, a giala, Levii tɔrɔ kɛ na á maa wúlu-bɔle baa.»

LAWA A BOO SONBORE 2011

¹³ Miikaa tɔ́n pɛ: «Kanna kəni, ma á doɛ̃ máa Dɛnaa Lawa á re sii bǐɛ̃ zɛnɛɛ masɛ nɛ, a giala, Levii tɔrɔ kɛ na á maa wúlu-bɔle baa.»

Sii yɔrɔ-bɔlen 17:13 ပူးပေါင်းရင်းမြစ်များ

Suusun 14:12

Min tá boe la a taasɛ mà asɛ a giã ǹ gɔn tá siĩni a da yaa dɔn, a woe-n geren piɛ.

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Matiə 15:13

Yezu tɔ́n pɛ ǹ nɛ: «Da mɛn tumaa bɛ́ masɛ Di Lawa ná a zumu wa, bɛ tumaa á die n wɛɛ̃.

Matiə 15:9

Maǹ ma guguru koe kooro, a giala, maǹ minbuiinin dí-pɛn siɛ ǹ tá ǹ biɛ Lawa a dí-pɛn lɛa, bɛ̀ ǹ minin daraa ǹ ganaa.»

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Nya ǹ dín 26:9

Masɛ dinmaa lɛ n má goã taasɛ, máa ma doamaa nɛ man doa ka yɔrɔ din tumaa nɛ, ma zia da Yezu tɔ kɛ lɛ a goleemali wolen ganaa.

Sii yɔrɔ-bɔlen 17:12

Miikaa Levii tɔrɔ lɛ koa a wúlu-bɔle lɛa. Tɔntɔraa lɛ giã Miikaa a kion.

Sii yɔrɔ-bɔlen 18:1

Bɛa waáraa kɛ lɛ nɛ, kii goã Izirayeli minin lɛn mìi la wa. Bɛa biikoo li, Dan tɔrɔn man nə́ goã giɛ giã ǹ bǎã li. A giala, á woo dɔ bɛa biikoo lɛ ganaa, bɛ̀ ǹ tɔn giã ǹ bǎã yɛ Izirayeli minin lɛn bii, ǹ dinin wɔ lɛa wa.

Sii yɔrɔ-bɔlen 18:24

Miikaa nə́ ǹ lɛ si: «Ma bɛ́ má dìn mɛnɛn zɛnaa, ka n ká bɛn goa, ká maa wúlu-bɔle dɔ kũ ka woo ne. Wàa mɛn nə goɛ̃ masɛ gɔn kəni? A n siɛ lɔn ka á nɔ̀n diɛ ma la, ka n pii mà wàa na á baa.»