Sii yɔrɔ-bɔlen 16:28 - LAWA A BOO SONBORE

²⁸ Sansɔn Dɛnaa Lawa nyankɔ á pɛ: «Dɛnaa Lawa ganaa, masɛ nə n nyankoe. N din Lawa nə n yiri koa masɛ li. E Lawa! Wusoo n pàã kɔ ma la, haalɛ ta sisia kɛ dinsɔɔ̃ nɛ, ma boo la, ma maa gɛ̀ dòo bɔ Filisiti minin lɛn ganaa goon lɛa, ma yii nàn paa kɛa purii taman yii.»

LAWA A BOO SONBORE 2011

²⁸ Sansɔn Dɛnaa Lawa nyankɔ á pɛ: «Dɛnaa Lawa ganaa, masɛ nə n nyankoe. N din Lawa nə n yiri koa masɛ li. E Lawa! Wusoo n pàã kɔ ma la, haalɛ ta sisia kɛ dinsɔɔ̃ nɛ, ma boo la, ma maa gɛ̀ dòo bɔ Filisiti minin lɛn ganaa goon lɛa, ma yii nàn paa kɛa purii taman yii.»

Sii yɔrɔ-bɔlen 16:28 ပူးပေါင်းရင်းမြစ်များ

KZS2 20:12

Wɔa Lawa, n din ba re bɛa kiri kuri wɔa lɛa wa? Wɔ pàã á kiɛɛrɛ sɔraasi kuru damata kɛ ganaa die wɔ gialaa ka zia nɛ. Wɔ bɛ́ re n biɛ lɔn, wɔ a doɛ̃ wa. Bɛ lɛ nɛ, wɔ yii n doa nɛ n din la.

Loen 10:12

Ee, Dɛnaa Lawa, bǐɛ̃ kɔ n yoo! Lawa, n din nə n gɔn saa! N yiri nyan bɔ ka pàãwɛɛnaan kɛn nɛ wa!

Loen 116:4

Bɛ lɛ-n ma á n lɛ dii Dɛnaa Lawa ganaa, máa ee Dɛnaa Lawa, bǐɛ̃ kɔ n ma kirisibaa!

Loen 143:12

N kɔn-narɛɛ lɛ á gole parɛ. Maa zɔ́ɔn kɛn lɛ naa, maa ziadɛnan kɛn tumaa dɛ. A giala, ma nə n din a bɛ̀rɛgiĩ lɛa.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Zeremii 15:15

Dɛnaa Lawa, n tá sii tumaa doɛ̃. N yiri koa ma li, n nə n dɔ ma lɛ. Min mɛnɛn bɛ́ baraa zɛnɛɛ ma nɛ, maa gɛ̀ dòo bɔ bɛn ganaa. N nyan toa ma fuu yɛ, n foo á kũ ǹ li kɛa lɛa wa. Toa n kɛ dɔ̃: N din a lɛa nɛ maa sɔn kɛn sii ma ganaa.

Zonaasi 2:7

Má gisĩ má woo tán yǎa kelen giulun. Ń geren piɛ a kiɛnlɛ kũ n tã ma lɛ duduu. Sɛnɛ ń wusoo ń ma bɔ ń soo ma nɛ ma yii n koo.

Timote2 4:14

Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

Ebrəə 11:32

Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Sii yɔrɔ-bɔlen 15:18

Mu boro bɛ́ á goã a ganaa á la yii ni, á Dɛnaa Lawa bíi wɔ bɛ̀ á n pii: «N din ni n dɔ n dí-nyali lɛ, ń gɔ̀lɔ̀baa gole kɛ kɔ wɔsɛn la. Kanna, n nə n die toɛ mu boro ma dɛ, soroman kɛn gɔn dɔ ma ganaa?»

Sii yɔrɔ-bɔlen 16:27

Kion lɛ na á goã piɛ̃-n ka giĩn laanka lɔn nɛ. Filisiti minin kiin lɛn tumaa goã walan. Giĩn laanka lɔn mɛnɛn nə goã kala la, bɛn nə́ dɔ min duu sɔɔ kɛ miã, ǹ mɛnɛn lɛn nə goã, ǹ nə́ ga Sansɔn a yaa da minin ganaa ǹ sii lɛn ganaa.

Sii yɔrɔ-bɔlen 16:29

Bɛ kio, bìbì màn paa mɛn bɛ́ bii kion lɛ guĩ, Sansɔn bɛn kũ, a gusin nə́ goon ganaa, a gɔsɛ n goon ganaa, á n dii bɛn ganaa.

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.