Sii yɔrɔ-bɔlen 16:17 - LAWA A BOO SONBORE

¹⁷ Sansɔn nɔmaa á n lɛ bũ, á n gɔ́ɔ̃ tumaa pɛ nɛ: «Kùn bin bɔ ma mìi-n wa, a giala, maǹ nə́ masɛ kɔ Lawa la, bɛ̀ má bɛ́ tɔn ma dan gɔ́ɔ̃-n dinin. Bɛ̀ ǹ nə́ ma mìi kɛ kɔɔ̃, masɛ a kakabaa kɛ nə n sii ma la lenlen, ma pàã n nyɛɛ, man bɔyaa man baa ka minbuiin nɛ gialakunun kɛn bɛ́ lɔn.»

LAWA A BOO SONBORE 2011

¹⁷ Sansɔn nɔmaa á n lɛ bũ, á n gɔ́ɔ̃ tumaa pɛ nɛ: «Kùn bin bɔ ma mìi-n wa, a giala, maǹ nə́ masɛ kɔ Lawa la, bɛ̀ má bɛ́ tɔn ma dan gɔ́ɔ̃-n dinin. Bɛ̀ ǹ nə́ ma mìi kɛ kɔɔ̃, masɛ a kakabaa kɛ nə n sii ma la lenlen, ma pàã n nyɛɛ, man bɔyaa man baa ka minbuiin nɛ gialakunun kɛn bɛ́ lɔn.»

Sii yɔrɔ-bɔlen 16:17 ပူးပေါင်းရင်းမြစ်များ

Suusun 12:23

Boo ma din la wole n pìi koe a sii-doɛ̃ lɛ. Sɛnɛ baãnaa nə n lɛ dii ka a gàãn nɛ.

Suusun 13:3

Min mɛn bɛ́ yiri boe a din a da ǹ boo li, a nə nyin tamɛɛ. Sɛnɛ, min mɛn bɛ́ boo sawɛɛ, nɔmaa n die bɛ yii.

Suusun 29:12

Bɛ̀ kii lɛ kɔ á n too kɔ soɛn li, a dí-nyali tumaa n min bɔnɛɛ biɛ.

Misee 7:5

Ka nyan nə n foo doa kaa tá-kun wolen ganaa doo wa, ka nyan nə n kaa kaa giaáran nɛ doo wa. Haalɛ n din gòã li ǹ lɔ ke, bɛ̀ n tá a yɔrɔ-a, toa n yiri yɛ n da ǹ boo li.

Minin nimi 6:2

«Boo da Izirayeli minin lɛn nɛ n pɛ ǹ nɛ: Bɛ̀ giĩ hinlaa lɔ lɛ kɔ, mà asɛ n die n din koe Dɛnaa Lawa la, a dí nya nɛ,

Minin nimi 6:5

Din-kɔ biikoo lɛ tumaa gɔ́ɔ̃ nɛ, kùn ba re n diɛ a mìi-n wa, yǎa a din-kɔ Dɛnaa Lawa la biikoo lɛ lɛ piɛ̃. A doamaa nɛ a goã *yoreene Lawa a paǹ li, a mìi ka pã suuni.

Nya ǹ dín 18:18

Pooli giã Korɛnti á biikoo gigiã zɛnaa. Bɛ kio, á dɔɔ̃n Lawa-nyankɔlen lɛn toa walan, á wɔ tà kuru ǹ goo ne, á woo Siirii gána-n kun ka Prisili laanka Akilaasi ni. A bɛ́ á dɔ Sankree kiwi, á n mìi kɔɔ̃ kəni, a giala, a na á goã á n lɛ kɔ Lawa la.

Sii yɔrɔ-bɔlen 13:5

A giala, n tá re nɔ̀ sii, n nɛgiĩ yɛ. Kùn ba re n diɛ nɛ lɛ mìi-n wa, a giala, a toa ǹ dan gɔ́ɔ̃-n gɔrɔ, bɛa nɛginin kɛ lɛ n die goɛ̃ Lawa wɔ lɛa. A din lɛ n die a giala koe, a Izirayeli minin lɛn si Filisiti minin lɛn la.»

Sii yɔrɔ-bɔlen 16:16

A bɛ́ n laɛ Sansɔn ganaa, á n nɔmiɛ̃ ka a boon lɛn nɛ baraabaraa, bɛ́ la Sansɔn yii ni ka a daa a gã.

Sii yɔrɔ-bɔlen 16:18

Delilaa bɛ́ á dɔ̃ mà Sansɔn nə́ n gɔ́ɔ̃ tumaa pɛ asɛ nɛ, á minin dia, mà ǹ wo pɛ Filisiti minin kiin lɛn manɛ, mà ǹ da kanna kəni, mà á n gɔ́ɔ̃ tumaa pɛ asɛ nɛ. Filisiti minin kiin lɛn nə́ woo Delilaa a piɛ ka ǹ lɛ kɔ ǹ wɔrɔ lɛ nɛ ǹ gɔn.