Sii yɔrɔ-bɔlen 15:18 - LAWA A BOO SONBORE

¹⁸ Mu boro bɛ́ á goã a ganaa á la yii ni, á Dɛnaa Lawa bíi wɔ bɛ̀ á n pii: «N din ni n dɔ n dí-nyali lɛ, ń gɔ̀lɔ̀baa gole kɛ kɔ wɔsɛn la. Kanna, n nə n die toɛ mu boro ma dɛ, soroman kɛn gɔn dɔ ma ganaa?»

LAWA A BOO SONBORE 2011

¹⁸ Mu boro bɛ́ á goã a ganaa á la yii ni, á Dɛnaa Lawa bíi wɔ bɛ̀ á n pii: «N din ni n dɔ n dí-nyali lɛ, ń gɔ̀lɔ̀baa gole kɛ kɔ wɔsɛn la. Kanna, n nə n die toɛ mu boro ma dɛ, soroman kɛn gɔn dɔ ma ganaa?»

Sii yɔrɔ-bɔlen 15:18 ပူးပေါင်းရင်းမြစ်များ

Siin Giala 20:11

Abrahamu ná a lɛ si á pɛ: – Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii.

Siin Giala 32:31

Zakɔba bɛa bǎã lɛ bíi Penuweli bɛ giala mà "Lawa Yɔrɔ". Á pɛ: «A giala, má Lawa yɛ yii laanka yii, ma yii dɔ wusoo á goã koo.»

Samayeli2 1:20

Ka nyan kɛ laakalaa Gaati kiwi wa, ka nyan kɛ boo da Asikalɔn ziin kɛn la wa. Bɛ bie wa, Filisiti nɛnɛn kɛn tá re n nyɛnyɛɛ. Soroman kɛn nɛnɛn tá re paparɛ foo kɔɔ̃nbaa gɔn.

Zaã a sɛ́wɔ 19:28

Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

Ebrəə 11:32

Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

Sii yɔrɔ-bɔlen 14:3

Ǹ di laanka ǹ dan tɔ́n pɛ nɛ: «Lɔ na a ba wɔ dɔɔ̃nɔn nɛlɔn kɛn laanka ma tɔrɔn kɛn bii wa, yǎa n woe lɔ siɛ Filisiti min soroman kɛn li?» Sɛnɛ, Sansɔn pɛ ǹ di ni mà a bɛ lɛ saa a kɔ asɛ la, a giala, mà bɛ lɛ sii n kɔɔ̃n asɛ ganaa.

Sii yɔrɔ-bɔlen 15:17

A bɛ́ á boo da á nya, á dundun pàãgɔn we lɛ zũ sɔsɔɔ. Bɛ lɛ nɛ, ǹ nə́ bɛa bǎã lɛ bíi mà "Ramati-Leyii".

Sii yɔrɔ-bɔlen 16:28

Sansɔn Dɛnaa Lawa nyankɔ á pɛ: «Dɛnaa Lawa ganaa, masɛ nə n nyankoe. N din Lawa nə n yiri koa masɛ li. E Lawa! Wusoo n pàã kɔ ma la, haalɛ ta sisia kɛ dinsɔɔ̃ nɛ, ma boo la, ma maa gɛ̀ dòo bɔ Filisiti minin lɛn ganaa goon lɛa, ma yii nàn paa kɛa purii taman yii.»

Sii yɔrɔ-bɔlen 8:4

Zediɔ̃ dɔ Zurdɛ̃ tà lɛ-a, á kuru kun ka min biɛ sɔɔ kɛ lɛ nɛ, ǹ nə́ goã kun ni. A laanɛ ǹ nə́ nɔmaa, maǹ nə́ goã tɔn nə ǹ zɔ́ɔn lɛn kio.

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»

Samayeli1 27:1

Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»