Sii yɔrɔ-bɔlen 14:4 - LAWA A BOO SONBORE

⁴ Ǹ di laanka ǹ dan goã doɛ̃, mà bɛa sii lɛ n boe Dɛnaa Lawa li wa. A giala, Dɛnaa Lawa na á goã giɛ gɔn kũ ǹ bǎã li, a yoo Filisiti minin lɛn gialaa. Bɛa biikoo li, Filisiti minin lɛn man nə́ goã Izirayeli minin lɛn mìi la.

LAWA A BOO SONBORE 2011

⁴ Ǹ di laanka ǹ dan goã doɛ̃, mà bɛa sii lɛ n boe Dɛnaa Lawa li wa. A giala, Dɛnaa Lawa na á goã giɛ gɔn kũ ǹ bǎã li, a yoo Filisiti minin lɛn gialaa. Bɛa biikoo li, Filisiti minin lɛn man nə́ goã Izirayeli minin lɛn mìi la.

Sii yɔrɔ-bɔlen 14:4 ပူးပေါင်းရင်းမြစ်များ

Kiin1 12:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

Kiin1 12:24

mà Dɛnaa Lawa n kɛ pii: «Ka doamaa bie ka wo zia baa ka dɔɔ̃n Izirayeli minin lɛn ganaa wa. Didie nə n bɔyaa a wo piɛ, a giala, masɛ din ni má sii kɛ lɛ zɛnaa. Ǹ dɔn nə́ Dɛnaa Lawa bɔlɔ si ǹ nə́ n bɔyaa ka Dɛnaa Lawa pɛ ǹ nɛ lɔn.»

Kiin2 6:33

A Yiliizee toa tɔn boo gialaa diɛ, bɛ̀ dia dí-a wole lɛ á ke á daa a li. Kii lɛ pɛ Yiliizee ne: «Á ke, kɛa koe kɛ tumaa n boe Dɛnaa Lawa li. Man boe la man yiri koa wàa ganaa a li doo?»

KZS2 10:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

KZS2 22:7

Lawa bɛa yiikɔmaa lɛ baa koe lɛa Ahaazia ganaa. Sonbore, a bɛ́ á dɔ lɔn gɔrɔ, Ahaazia laanka Zoramu woo n da Nimisi a nɛgiĩ Zewu lɛ. Yǎa Dɛnaa Lawa na á Zewu bɔ á koa kii lɛa mà a Akaabu a kion minin nyin bɔ.

KZS2 25:20

Sɛnɛ, Amasiya nə n too kɔ a lon wa. A giala Lawa n li mà a Amasiya laanka a sɔraasin wɔ ǹ zɔ́ɔn gɔn, ǹ bɔyaa Edɔmu minin dìn guguru kɔ kɛ a lɛa.

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

Sii yɔrɔ-bɔlen 13:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa nə́ ǹ wɔ Filisiti minin gɔn lɛ̀ pusi gɔ́ɔ̃ nɛ.

Sii yɔrɔ-bɔlen 14:5

Sansɔn yoo kun ka ǹ di laanka ǹ dan nɛ, ǹ nə́ woo Timnaa kiwi. Ǹ bɛ́ re doe Timnaa *rezɛ̃ da wurun kɛn li, bɛ̀ yàra ten bɛ́ die a ganaa, á n wɔɔsaa we.

Sii yɔrɔ-bɔlen 15:11

Zudaa minin lɛn giĩ duu sɔɔ woo Etamu a kele yala lɛ lɛ-a, ǹ nə́ pɛ Sansɔn nɛ: «N ba doɛ̃ mà Filisiti minin lɛn man wɔ mìi la wa? Wàa mɛn sii n ka kɛ nɛ, ń zɛnaa wɔsɛn manɛ?» Sansɔn tɔ́n pɛ ǹ nɛ: «Ǹ sii mɛn zɛnaa ma nɛ, ma dɔ má bɛ lɛ miã zɛnaa ǹ dɔn manɛ.»

Sii yɔrɔ-bɔlen 15:3

Sansɔn tɔ́n pɛ: «Filisiti minin kɛn giɔ̀mɔ ba ma-a doo wa. Man die sii baraa zɛnɛɛ ǹ nɛ.»