Sii yɔrɔ-bɔlen 14:14 - LAWA A BOO SONBORE

¹⁴ Sansɔn tɔ́n pɛ ǹ nɛ: «Màn-bii bɔ màn-biili gɔ́ɔ̃ nɛ, màn kɔɔ̃n bɔ màn kaka gɔ́ɔ̃ nɛ.» Á woo dɔ lɛawaa sɔɔ, bɛ̀ tɔntɔraan lɛn ba tɔn boe la, ǹ nə́ nyiǹ lɛ a binyəə yii ǹ nə́ pii wa.

LAWA A BOO SONBORE 2011

¹⁴ Sansɔn tɔ́n pɛ ǹ nɛ: «Màn-bii bɔ màn-biili gɔ́ɔ̃ nɛ, màn kɔɔ̃n bɔ màn kaka gɔ́ɔ̃ nɛ.» Á woo dɔ lɛawaa sɔɔ, bɛ̀ tɔntɔraan lɛn ba tɔn boe la, ǹ nə́ nyiǹ lɛ a binyəə yii ǹ nə́ pii wa.

Sii yɔrɔ-bɔlen 14:14 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Kiin1 17:6

Zankoon man nə́ goã die màn-bii laanka siĩ koe la, baayɛlɛ laanka wasamiɛ̃nɛ. A na á goã mu mii mu zii lɛ nɛ.

KZS2 20:2

Ǹ nə́ daa pɛ Zozafati ni: «Sɔraasi gigiã á die n gialaa. Maǹ boe Yìsi mu gole kɛ a paǹ goon li, Edɔmu gána nɛ. Maǹ Hasasɔn-Tamaara kanna, bɛ giala mà Ɛn-Gedii.»

KZS2 20:25

Bɛ lɛ nɛ, zɔ́ɔn lɛn nə mànan mɛnɛn toa walan, Zozafati laanka a zaman daa bɛn kokoo. Ǹ nə́ gɔn mànan yɛ, mɔnaan nɛ, màn giɔ̀mɔ kaka-a nɛ, gɔn màn lɛ mɔnaa á la yii ni, ǹ nə́ goa yǎa lɛawaa sɔɔ, yǎa ǹ boo a tumaa la ǹ nə́ goa wa.

Suusun 24:7

Yiriwɛɛnaa a boe la a sii-dɔ̃li baa wa. Bɛ lɛ nɛ, bɛ̀ ǹ tá kiwi a sii yɔrɔ boe, a n lɛ tã.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Nya ǹ dín 8:31

Giĩ lɛ Filipi lɛ si: «Man siɛ lɔn ma a giala ma, bɛ̀ min na a yɔrɔ pɛ ma-n wa?» Á lɛ dia Filipi la, á wɔ wotoro lɛ nɛ á giã a li.

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Sii yɔrɔ-bɔlen 14:13

Sɛnɛ, bɛ̀ ka a boe la ka tá a binyəə pii ma-n wa, ka dinin man die dɔnkɛ dadara pɔsɔɔ laanka zɔ́n mɔnaa pɔsɔɔ koe ma la. Ǹ nə́ pɛ nɛ mà a na a nyiǹ lɛ da, ǹsɛn nə ma.

Sii yɔrɔ-bɔlen 14:15

Sɛnɛ, a lɛawaa sɔbaabaa ǹ wɔ pinaa, ǹ nə́ pɛ Sansɔn a lɔ nɛ kɛnɛn: «N da ǹ zuũ lɛ gɔ́ɔ̃ li, màn mɛn bɛ́ toɛ, n nyiǹ lɛ a binyəə pɛ wɔsɛn manɛ. Bɛ̀ n zɛnaa miɛ̃ wa, wɔsɛn tá re tɛ diɛ n ganaa, n din laanka n di kion minin ni. Ka n ka lɛ dia wɔsɛn la, ka á wɔ gɔn yui hinlaa wàa nɛ?»