Sii yɔrɔ-bɔlen 13:6 - LAWA A BOO SONBORE

⁶ Bɛ kio, lɔ lɛ woo piɛ, á pɛ ǹ zuũ ni: Lawa a min goon daa masɛ li pelo, a n boe-n kɔn li Lawa a lon a dia dí-a wole ne. Á nyɛ́ɛ diɛ á la yii ni. Má nɔ̀n da la ka a bɔ ǹ bǎã-n wa a dɔ nə n tɔ pɛ ma-n wa.

LAWA A BOO SONBORE 2011

⁶ Bɛ kio, lɔ lɛ woo piɛ, á pɛ ǹ zuũ ni: Lawa a min goon daa masɛ li pelo, a n boe-n kɔn li Lawa a lon a dia dí-a wole ne. Á nyɛ́ɛ diɛ á la yii ni. Má nɔ̀n da la ka a bɔ ǹ bǎã-n wa a dɔ nə n tɔ pɛ ma-n wa.

Sii yɔrɔ-bɔlen 13:6 ပူးပေါင်းရင်းမြစ်များ

Siin Giala 18:2

Abrahamu nə́ n mìi saa lon, á giĩ min sɔɔ yɛ golee-n lon kunu a din ganaa. A bɛ́ á ǹ yɛ, á n toa a zìã kiɛnlɛ-a, á baa si á woo n da ǹ lɛ, á kaa tán ǹ giulun,

Siin Giala 32:29

Giĩ lɛ tɔ́n pɛ nɛ: «Ǹ ba re n bíi Zakɔba doo wa, maǹ die n bíi Izirayeli sisia (bɛ giala mà "Yɔ Bɔ Lawa Ganaa Wole"). A giala, ń yɔ bɔ kɔn ka Lawa laanka minbuiinin ni, ń gɔ̀lɔ̀baa yɛ.»

Kiin1 17:18

Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 17:24

Lɔ lɛ pɛ Yilii ni: «Sonbore, ma á doɛ̃ kanna, máa man Lawa a min lɛa, a giala n bɛ boo mɛn diɛ Lawa a boo gii lɛa, sonbore ne.»

Kiin2 4:16

Yiliizee pɛ lɔ lɛ nɛ: «Lɛ̀ boe kɛnɛn ke, n tá re nɛ guĩ n gɔn.» Lɔ lɛ pɛ: «Haayii! Maa dɛnaagiĩ, Lawa a boo gii-dali, n baran soɛ bɔ ma-n wa.»

Kiin2 4:9

Lɔ lɛ pɛ ǹ zuũ ni: «Ma á doɛ̃, máa giĩ kɛ lɛ goɛ̃ bɛ̀ a da wɔ li, Lawa a min sonbore ne.

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Luku 1:19

Lon a dia dí-a wole lɛ tɔ́n pɛ nɛ: «Masɛ tɔ n Gabarayeli, man lon a dia dí-a wolen goledɛnaa goon lɛa, ma bɛ́ dí nyɛɛ Lawa mɛn nɛ, bɛ lɛ na á masɛ dia, mà ma da boo tii kɔɔ̃n kɛ pɛ n nɛ.

Luku 9:29

A bɛ́ Lawa nyankoe, Yezu yɔrɔ gɔ́ɔ̃ nə́ n bɔyaa, a wɔ ǹ mɔnaa dɔ fu kɔ ka piepie, á n tɛ pii.

Nya ǹ dín 6:15

Kiri-wɔlen mɛnɛn tumaa goã bǎã lɛ nɛ, bɛn yii na á goã doa nɛ a din la, ǹ ná a yɔrɔ yɛ tɛ pii ka lon a dia dí-a wole wɔ bɛ́ lɔn.

Timəə dí-pɛn 33:1

Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Zozoe 14:6

Bɛa biikoo li, Zudaa tɔrɔ minin kɔnɔn nə́ daa dɔ Zozoe li Gilgaali. Kenizi tɔrɔ Zefunee a nɛgiĩ Kalɛbu tɔ́n pɛ nɛ: Dɛnaa Lawa boo mɛn da a boo gii-dali Muizu ni masɛ laanka n din Zozoe wɔ paǹ li Kadɛsi-Barneya kiwi, táa n yiri tá a nɛ?

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Sii yɔrɔ-bɔlen 13:10

A din bǎã-n gɔrɔ, lɔ lɛ baa si á pɛ ǹ zuũ ni: Giĩ kɛ lɛ á daa ma li bɛa pinaa, á ke á n din nyaa ma nɛ.

Sii yɔrɔ-bɔlen 13:22

Manoa tɔ́n pɛ a lɔ nɛ: «Wɔsɛn man die giɛ̃, bɛa sàabaa banban. A giala, wɔ́ Lawa yɛ ka wɔ yii ni.»

Sii yɔrɔ-bɔlen 13:3

Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Sii yɔrɔ-bɔlen 13:7

Sɛnɛ, a na á pɛ ma-n kɛnɛn: Á ke, n tá re nɔ̀ sii n nɛgiĩ yɛ. A kù sisia ganaa, n baran yɔ mi wa, n baran yɔ kakaarɛ kɔn mi wa, n nyan màn gɔgɔrɛ kɔn wɔ n lɛ n wa. A giala, a tɔa ǹ dan gɔ́ɔ̃-n gɔrɔ, nɛginin lɛ n die goɛ̃ Lawa wɔ lɛa yǎa a woe kiɛ a gɛ̀ lɛ.

Sii yɔrɔ-bɔlen 13:8

Manoa tɔn Dɛnaa Lawa nyankɔ á pɛ: Dɛnaa Lawa, bɛ̀ nɛginin lɛ yɛ, wɔ doamaa bɛ nɛ wɔ sii mɛn zɛnaa nɛ, wusoo n Lawa a min lɛ dia a da bɛ nyaa wɔsɛn manɛ.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Samayeli1 2:27

Lawa a boo gii-dali goon n daa Elii li á pɛ nɛ mà Dɛnaa Lawa n kɛ pii: «Á ke, masɛ nə́ n din nyaa n digolon lɛn manɛ foãnɛ, a ǹ toa Faarahɔn a bɛ̀rɛbaa gɔ́ɔ̃ nɛ Ezipti gána nɛ.

Samayeli1 9:6

Sɛnɛ dí-nyali lɛ pɛ nɛ: «Á ke, giĩ goon tan kɛa kiwi kɛ nɛ, Lawa a boo gii-dali lɛa, a tɔ bɔ. Boo woo boo á n diɛ, a sàabiɛ wa. Daa wɔ wo bɛ li kanna kɔntan, wɔ doa bɛ́ nɛ wɔ zii mɛn saa, á die bɛ nyɛɛ wɔsɛn manɛ.»