Sii yɔrɔ-bɔlen 13:1 - LAWA A BOO SONBORE

¹ Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa nə́ ǹ wɔ Filisiti minin gɔn lɛ̀ pusi gɔ́ɔ̃ nɛ.

LAWA A BOO SONBORE 2011

¹ Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa nə́ ǹ wɔ Filisiti minin gɔn lɛ̀ pusi gɔ́ɔ̃ nɛ.

Sii yɔrɔ-bɔlen 13:1 ပူးပေါင်းရင်းမြစ်များ

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Rɔmu minin 2:6

Lawa n die min gogoonmaa sarɛɛ, a kɔnpɛ a nya ǹ dí ni.

Ebrəə 11:32

Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 10:7

Ǹ nə́ Dɛnaa Lawa din toa walan, ǹ dí nya nɛ doo wa. Bɛ lɛ nɛ, Dɛnaa Lawa foo yoo Izirayeli minin lɛn li, á tɔ́n nə ǹ wɔ Filisiti minin laanka Amɔn tɔrɔn lɛn gɔn.

Sii yɔrɔ-bɔlen 12:15

Bɛ kio, Piiratɔnɔn giĩ Ilɛli a nɛgiĩ Abdɔn gã. Ǹ ná a gere bĩ Piiratɔn kiwi, Efrayimu gána nɛ, Amalɛki tɔrɔn kele la.

Sii yɔrɔ-bɔlen 14:4

Ǹ di laanka ǹ dan goã doɛ̃, mà bɛa sii lɛ n boe Dɛnaa Lawa li wa. A giala, Dɛnaa Lawa na á goã giɛ gɔn kũ ǹ bǎã li, a yoo Filisiti minin lɛn gialaa. Bɛa biikoo li, Filisiti minin lɛn man nə́ goã Izirayeli minin lɛn mìi la.

Sii yɔrɔ-bɔlen 15:11

Zudaa minin lɛn giĩ duu sɔɔ woo Etamu a kele yala lɛ lɛ-a, ǹ nə́ pɛ Sansɔn nɛ: «N ba doɛ̃ mà Filisiti minin lɛn man wɔ mìi la wa? Wàa mɛn sii n ka kɛ nɛ, ń zɛnaa wɔsɛn manɛ?» Sansɔn tɔ́n pɛ ǹ nɛ: «Ǹ sii mɛn zɛnaa ma nɛ, ma dɔ má bɛ lɛ miã zɛnaa ǹ dɔn manɛ.»

Sii yɔrɔ-bɔlen 15:20

Sansɔn Izirayeli minin lɛn sii yɔrɔ bɔ Filisiti minin wasa lɛ nɛ, lɛ̀ fuə gɔ́ɔ̃ nɛ.

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.

Sii yɔrɔ-bɔlen 4:1

Ewuudu a gɛ̀ kio, sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo doo, ǹ nə́ bɛ zɛnaa.

Sii yɔrɔ-bɔlen 6:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Bɛ lɛ nɛ, Dɛnaa Lawa tɔ́n nə ǹ kɔ Madiã minin la, lɛ̀ sɔbaa gɔ́ɔ̃ nɛ.

Samayeli1 12:9

Dɛnaa Lawa lɛ, kaa Lawa lɛa, ka yiri bɔ nɛ. Bɛ lɛ nɛ, á ka wɔ Asɔɔrɔn sɔraasin goledɛnaa Sizeraa gɔn, ka Filisiti minin laanka Moabu gána a kii ni, bɛn nə́ zia da ka ganaa.

Samayeli1 4:9

Filisiti minin lɛn ganaa, ka n gù we yii, ka giĩbaa zɛnaa bɛ́ bie wa, n wɔ dɔn yaa kiɛ̃ kanna Ebrəən lɛn bɛ̀rɛn biɛ ka ǹ bɛ́ ǹ nə́ goã wɔsɛn wɔn lɛa lɛlɛ lɔn. Ka toa ka goã giĩn lɛa, ka zia baa.»

Samayeli1 7:13

Filisiti minin lɛn nə́ yii puusəbaa yɛ. Ǹ wusoo doo ǹ nə́ n gòã da Izirayeli a tán la wa. Samayeli a yiikoonaabaa tumaa gɔ́ɔ̃ nɛ, Lawa a dɔlɔ bɔ Filisiti minin ganaa sàabaa wa.