Sii yɔrɔ-bɔlen 12:1 - LAWA A BOO SONBORE

¹ Efrayimu minin nə n sɔkɔn, ǹ nə́ Zurdɛ̃ tà kuru ǹ nə́ woo Safɔn, ǹ nə́ pɛ Zɛftee ne: «Wàa na á baa, n nə́ kiɛ̃ woe zia biɛ Amɔn tɔrɔn ganaa, n nə n ba lɛ diɛ wɔsɛn la wɔ wo kunun n ni wa? N kion ke, wɔ á re tɛ diɛ bɛ ganaa, kɔnlɛ ka n din ni.»

LAWA A BOO SONBORE 2011

¹ Efrayimu minin nə n sɔkɔn, ǹ nə́ Zurdɛ̃ tà kuru ǹ nə́ woo Safɔn, ǹ nə́ pɛ Zɛftee ne: «Wàa na á baa, n nə́ kiɛ̃ woe zia biɛ Amɔn tɔrɔn ganaa, n nə n ba lɛ diɛ wɔsɛn la wɔ wo kunun n ni wa? N kion ke, wɔ á re tɛ diɛ bɛ ganaa, kɔnlɛ ka n din ni.»

Sii yɔrɔ-bɔlen 12:1 ပူးပေါင်းရင်းမြစ်များ

Loen 109:4

Masɛ nə́ ǹ kuĩ maa dàãn lɛa, sɛnɛ, ǹsɛn man zɛ̀rɛ koɛ ma ganaa. Ka bɛ yii ni, man Lawa nyankoe ǹ lɛa.

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Ozee 13:1

Efrayimu bɛ́ á goã boo diɛ, nyɛ́ɛ na á goã min tumaa ganaa, a giala nyɛɛnaandɛnaa gole ne Izirayeli gána nɛ. Á zɛ̀rɛ da a din-a a *Baali guguru kɔ a lɛa, bɛ lɛ nɛ á gã.

Marki 3:24

Bɛ̀ gána mɛn a minin tá zia diɛ kɔn ganaa, bɛa gána lɛ a boe la a bǐɛ̃ kɔ wa.

Zaã a sɛ́wɔ 10:32

Yezu tɔ́n pɛ ǹ nɛ: «Má sii sonbore gigiã zɛnaa ka dinin yɔrɔ-a ka maa Díi pàã nɛ. Ka ǹ giɛ li ka tá masɛ dii ka kɔlɔ nɛ, bɛa zɛnaa ǹ siin kɛn lɛn mɛn taman yii?»

Zaaki 3:16

A giala, foo a wuu pɛ laanka zɔɔ̃ kɔn-a bɛ́ bǎã mɛn nɛ, sii lɔlɔkɔn-a laanka sii bɔnɛɛ tɔrɔ tumaa dɔ n walan.

Sii yɔrɔ-bɔlen 11:40

Lɛ̀ woo lɛ̀, Izirayeli nɛlɔn man woe Galaatin giĩ Zɛftee a nɛlɔ a sii lɛ a landa zɛnɛɛ, lɛawaa sii lɛ̀ goon gɔ́ɔ̃ nɛ.

Sii yɔrɔ-bɔlen 12:2

Zɛftee tɔ́n pɛ ǹ nɛ: «Man má goã zia gole la, kɔn ka Amɔn tɔrɔn lɛn nɛ, ma laanka maa minin ni. Ma bɛ́ má lɛ dia ka la, ka bɛ́ ka da ma si ǹ la wa.

Sii yɔrɔ-bɔlen 14:15

Sɛnɛ, a lɛawaa sɔbaabaa ǹ wɔ pinaa, ǹ nə́ pɛ Sansɔn a lɔ nɛ kɛnɛn: «N da ǹ zuũ lɛ gɔ́ɔ̃ li, màn mɛn bɛ́ toɛ, n nyiǹ lɛ a binyəə pɛ wɔsɛn manɛ. Bɛ̀ n zɛnaa miɛ̃ wa, wɔsɛn tá re tɛ diɛ n ganaa, n din laanka n di kion minin ni. Ka n ka lɛ dia wɔsɛn la, ka á wɔ gɔn yui hinlaa wàa nɛ?»

Sii yɔrɔ-bɔlen 15:6

Filisiti minin nə́ nɔ̀n da, mà die na á kɛ zɛnaa? Ǹ nə́ pɛ ǹ nɛ mà Sansɔn nɛ, Timnaan giĩ kɛ daãgiĩ ke. A giala, a na á Sansɔn a lɔ lɛ si la, á kɔ tɔntɔraa kɔsɔ la, ǹ mɛn bɛ́ á ná a kɔn-wɔ a siére baa. Filisiti minin lɛn nə́ woo, ǹ nə́ tɛ da bɛa lɔ lɛ ganaa, kun ka a díi ni.

Sii yɔrɔ-bɔlen 8:1

Efrayimu tɔrɔn lɛn nə́ pɛ Zediɔ̃ nɛ: «N bɛ́ woe zia biɛ Madiã minin lɛn ganaa n nə́ n ba wɔsɛn bíi wa, bɛa zɛnaa wɔsɛn nɛ miɛ̃ kɛ giala n ka wàa nɛ?» Ǹ nə́ bɛa zia da a ganaa taãn-taãnɛ.